المساعد الشخصي الرقمي

مشاهدة النسخة كاملة : مقعدالرويبي السبيعي--- أحمد الناصر الشايع

طويق
28 - 06 - 2003, 15:48
إليكم رواد المنتدى وكذلك الأعضاء الحلقة الثانية من (ملتقى شاعرين)
هذه محاورة قديمة أقيمت في مدينة (شقراء) بين الشاعرين :
1- مقعد الرويبي السبيعي (يرحمه الله)
2-أحمد الناصر الشايع وقد اخترت لكم منها بعض الأبيات :
* أحمد
سلام ردة صافيــة للضـيوف وللمـسايير*** واهل البلد واللي حضر حفلنا من كل ديرة
الليلة الليلة على الماء مواريد ومصادير*** كلٍ بمـجهوده سـواة العـرب يـدفـع بـعـيـره
* مقعد
يامرحبا ترحيب قدم العرب من دون تقصير*** ياالله عسـاهـا ليـلـةٍ جابـتـك خـيرٍ وخيـره
حنّا عـلى درب الصعب مانقود بالـمظاهـير *** ونخلص أهل المعرفة بالكبيرة والصغيرة
* أحمد
اليا سمعنا الطير قمنا وقلنا خير ياطير *** الله يوفـقك السـعد والسـلامة والسـتيرة
يامقعد الدنـيا تقـلب لـعل الخاتـمه خـير *** من جا هلابه والمقفي عساها له سفيره
* مقعد
ماودي اظهر ما اختفى عن عرب حدر الاظافير***واللي عطش لامن ورد مشربه من جم بيره
أنته تعرف ذياب ياصاحبي من سالم الزير*** والـنـاس تـعــرف بـالـفـعـول الغـنيـة والـفـقـيـرة
*أحمد
قالوا نخل مـران شـالوه كلـه بـأيسر النـيـر *** وكـلٍ بعـينه يفـتكر بالـطـويلـة والـقـصيـرة
وليا استوى طلعه تشيله من الساحل بوابير*** واليا صفق موج البحر يزعج الموتى هديره
* مقعد
لن طال عمرك مايطيب العباد الا المقادير*** والشمس لو تبدي ترى ما أشفت العين الضريرة
حنّا نعرف أهـل المواقـف محنـية البواكـير*** وانتـه مـع الـسرحـان لاغـار للـصيـدة خـشيـره
* أحمد
من ذل من علـة تصيـبه ولو دونـه طـوابـير*** ومن ينكر الصحبة تقول العرب خانه ضميره
حلم الصدوق اليا حلم ينقري من دون تفسير*** ومـن عـاف ربـعـه وين يلقى صديقٍ يستعيره
* مقعد
العذر مايكفي هـل الحق لو جـبنـا المعـاذيـر *** نوّر طريقي من ينور لعمسين البصيرة
أنا مع الطاروق لاساروا أهل العرف باسير*** الهرش والجمال ماضاق به بر الجزيرة
.................................................. .................................................. ............
هذا والله نسأل أن قد وفقنا فيما اخترنا لكم .
ونعدكم بأن نقدم مايحوز رضاكم من المحاورات القديمة والحديثة والمباشرة بين الأعضاء
حمر عين
28 - 06 - 2003, 16:10
ياسلام
ياسلام

الله يرحم الشاعر الكبير مقعد السبيعي
ويطيل في عمر أحمد الناصر على الطاعه .. ويختم له بخير

والله إني أحب الشياب وسوالفهم وشعرهم وردياتهم ..

وأنت ياطويق والله ماقصرت
أمتعتنا بهالمحاوره
يمال العافيه
الطايفي
28 - 06 - 2003, 17:34
الله الله ......... الله يعطيك العافيه يالمشرف .

والله يرحم اللي توفى ويعافي الحي .

تحياتي وتقديري لكل الجهود اللي تقوم بها يا (طويق).


تحياتي لكم .
خالد الشماسي
28 - 06 - 2003, 18:34
نعم الإختيار
نعم الإختيار


محاورة من اقوى المحاورات ولها صدى قوي عندي لأنها كانت في عصر لم يكن فيه عكس للكلام ولا نزول في المعاني وحتى لو حصل قد لا يعرفه أحد . الله يرحم اللي مات ويطيل عمر الحي .


لك شكري على هذه المشاركة الطيبه .
مشعاب
29 - 06 - 2003, 03:24
طويق

لك ذوقك الرهيب وحسك الجيد في اختيار ما يناسبنا


ما قصرت ونطلب الزود
ابن جـــــــراح
29 - 06 - 2003, 14:22
طويق بيض الله وجهك ولا هنت يا الغالي

لا تحرمنا من هالمحاورات الرائعه يا طويق

والله نستمتع معها

ما قصرت يا طويق عز الله ان المنتدى استعز بعد ما مسكتوه يا الثلاثه

فالى الامام

وتقبل خالص تحيات اخوك بن جراح
المتوهج
04 - 07 - 2003, 07:24
الله يرحم الحي ويبقي الميت

لاهنت ياطويق وماقصرت اختيار موفق
ابن شطيط
05 - 07 - 2003, 07:02
اخوي الغالي

احسنت الأختيار ومحاوره بين شعراء كبار

رحم الله الحي والميت

تحياتي لك