خالد ابن هرسان
12 - 01 - 2007, 01:43
هذه القصيدة للشاعر ناصر بن ماجد الفراعنه السبيعي وهي من القصائد التي تبين صفات شريحة من شباب اليوم .
شباب تدهور واعتنق مذهب مكذوب === يقلد على النسوان في فصلة ثيابه
ورجالهم يظهر هباله بطول الثوب === ويزعل ليا ما قلت ما ينتصلى به
أنا أشوف لي ناس تخافق بغير قلوب === سواة الطيور إلي تخافق مع الغابه
ولا حافظين أمنٍ ولا ناطحين حروب === تلاوح مسابحهم فقارى ونصابه
ومن راح منهم للوظيفة رجع مطلوب === طوى مرجعه قيده إذا طول غيابه
وركب ددسنٍ فيها ستاير وقام يلوب === عسى الله يجنب صالح الناس ما صابه
وكب الوظيفة والمكاسب شريط حبوب === ولا طاح في درب الردى جاك باصحابه
وراحو لبوه أو فتشوا منزلة بأسلوب === ولكن أبوه مخبره قبل يدرى به
لقوا بندق الشايب على غاية المطلوب === وصكوا عليه أو ضيع الفسج ماجابه
تسبب عليه إبمشكله ما لها ماجوب === وشاف المصايب كل أبوها من أسبابه
شباب الوطن ما للرخامة عليه دروب === ولكن المعاصي المظلمة هارت أعصابه
غزت شعوب الغرب من كل فج وصوب === وظهر مذهبٍ في إسلافنا ما سمعنابه
ترى الرابح إلي من جميع الذنوب يتوب === يحاسب ضميره قبل مولاه وإحسابه
يخاف الصراط إلي نهار اللقا منصوب === وكلٍ يشاهد بالنظر ويش بكتابه
إلا يا الله إللي رد يوسف على يعقوب === وذالنون من مثناة حوت البحر جابه
ترد الجميع لسنة محمد المحبوب === نبياً دعانا للهدى وأهتدينا به
شباب تدهور واعتنق مذهب مكذوب === يقلد على النسوان في فصلة ثيابه
ورجالهم يظهر هباله بطول الثوب === ويزعل ليا ما قلت ما ينتصلى به
أنا أشوف لي ناس تخافق بغير قلوب === سواة الطيور إلي تخافق مع الغابه
ولا حافظين أمنٍ ولا ناطحين حروب === تلاوح مسابحهم فقارى ونصابه
ومن راح منهم للوظيفة رجع مطلوب === طوى مرجعه قيده إذا طول غيابه
وركب ددسنٍ فيها ستاير وقام يلوب === عسى الله يجنب صالح الناس ما صابه
وكب الوظيفة والمكاسب شريط حبوب === ولا طاح في درب الردى جاك باصحابه
وراحو لبوه أو فتشوا منزلة بأسلوب === ولكن أبوه مخبره قبل يدرى به
لقوا بندق الشايب على غاية المطلوب === وصكوا عليه أو ضيع الفسج ماجابه
تسبب عليه إبمشكله ما لها ماجوب === وشاف المصايب كل أبوها من أسبابه
شباب الوطن ما للرخامة عليه دروب === ولكن المعاصي المظلمة هارت أعصابه
غزت شعوب الغرب من كل فج وصوب === وظهر مذهبٍ في إسلافنا ما سمعنابه
ترى الرابح إلي من جميع الذنوب يتوب === يحاسب ضميره قبل مولاه وإحسابه
يخاف الصراط إلي نهار اللقا منصوب === وكلٍ يشاهد بالنظر ويش بكتابه
إلا يا الله إللي رد يوسف على يعقوب === وذالنون من مثناة حوت البحر جابه
ترد الجميع لسنة محمد المحبوب === نبياً دعانا للهدى وأهتدينا به