الشينيه ل عبد العزيز ال حمد العريني

[عبدالعزيزال حمد]

حقيقه هذه اول مشاركه لي في منتداكم
المبارك اقصد الشعر النبطي طبعاً
وحيث ارسل لي احد الاخوه العزيزين
علي جداً يطلب مني القصيده التي
يوجد منها عدة ابيات في توقيعي
سوف اشارك بها واتشرف بذلك
ولكم مني جزيل الشكر والتقدير

قـال الـذي فـي منـزل الـطـيـب نـاشـي =أهـل الـكـرم والـديـن مـهـفـيـن الادبـاش
بـيـن الـسـخـا والـكـار والـجود عاشي= حـتـى كـسـب يـمـنـئ الـمـطاليق والجاش
قلته ونا ابن سـعـود راعـى الـبـهـاشـي =مـنـصـئ مـدورت الـسـخا كـنـه الـطـاش
يـامـا رمـا مـن راس حــايـل وحـاشـي= يـوم الـردي حــده خـنـابـيـروعـشــاش
أعـريـنـيـن يـجـزم عـلـى كـل قـاشي= يـبـلـم الى هــاب الــردي كــل وشــاش
مـن تـركـت الـغـلـبـاء الـقروم الحراشي =يـبـلـش بـهـم صـنـديـد قـوم الىهــاش
اهل الـسـيـوف الصـارمـات الـرهـاشـي = اسـبـيـع وان غط الـحسـب كـل غـشـاش
يــامـا حـمـو دخـيـل قـوم يـنـاشـي= يـوم الـضـعـيـف لابـغـا الحق مـهـنـاش
والـيـوم مـثـلـي يـابـن أبوية يـداشــي = تـنـاتـفـوبـه بـيـن حــرمـي وحـشـاش
شفـت الامـل يـاخـوي صـار امـتـلاشـي = ولـي كـمــن مـايــقـدره كـل مـنـقـاش
أونس ابقلـبـي مـثـل ضـرب الـكـلاشـي =ومـصـوبـن مـثـلـه أبـعـشـريـن رشـاش
والله مـلـدالـعـيـن صـوب الـخـشـاشي = اهـل الـوجـيـه الـي مـثـل شـكـل الاجحاش
يـابـنـدرابــن ابـوي حـذرا تـمـاشـي = خـربـن الىهـز الـهـوئ دمـجـتــه طـاش
روس الظباء مـاذكـر فـيـهـا اعـراشـي = يـلـي تـدوروسـط روس الـظـبـاء عـراش
هو يحسبـن الـطـيـب يـاتـي بـلاشـي = مـادام مـاكـفـه عـلـى الـطـيـب خـمـاش
بـعـض الـعـرب يـخـدعـه نـورالفلاشي = خـبـيـث فـي عـرض الـمـشـاكـيـل نباش
تـلـقـاه مـن بـيـن الـمشاكيل واشي =عـلـى الـشـحـاذة والـدفـانيس معتاش
تلـقـاه حـول الـنـار مـثـل الـفـراشـي= مـرن يـطـيـح ولوحـصـل درب يـنـحـاش
لـو مـرزقـه جـمـع الـربـاء بـلـخياشي= ولـو دارة الدنـيـاء عـلـى الـنـاس مـاعاش
اصبح عناوي عقـب صـر الــمــعـاشـي= نـاس غـدت وكر الـبخـل كـنـهـا اخـيـاش
بيت الحـجـرمـاهـوب مـثـل الـقـراشـي = يـلـي عـلـى ربـعــك والاجـواد هـواش
عسـى الـردي يـذلـف لـدار الـنـجـاشـي= يـقـضي حـياتـه بـين مـنـدب والأحبـاش
عـسـى الـسـحـاب الـي نـشـى فل مناشي =كـشاف بـرقه فـالدجـا يرهــش ارهــاش
لاجـا عـلـى الـرقـه يـجـيـلـه طـشاشي = يـمـطــر ثــلاث أيــام ودان ورشــاش
عـٌلـم عـلـى راس الـطـويـلته اقـشـاشي = مـن فـيـض سـيلـة يـوم فوق الثرى كاش
الـــروض يـــنـــبــت والـــعـــبـــل والـــدشـــاشــــي =لاهـب نـسنـاس الـهـوا يـنـعش انـعـاش
مـنـزال مـن يـلـبـس جـديـد الاقـمـاشي = غـرون غـريـراً كـامـل الـزيـن مـيـاش
هرجه يـخـفـف مــالـجـا بـي ابـجـاشي= لانـاش قـلـبـي مـن ورى الـهـم نــواش

مع تحيات الشاعر
عبدالعزيز الحمد العريني

[خالد الشماسي]

كفو كفو كفو


قصيده صعبة القافية جزلة المعنى .


صح لسانك .

[ابن جـــــــراح]

عبدالعزيز آل حمد

قصيده جزله من جزل

صح لسانك مليون وبيض الله وجهك عليها

تحياتي لك يا الغالي

اخوك بن جراح

[سعد بن جراش]

قلته ونا ابن سعود راعى البهاشـي ^^^ منصئ مدورت السخا كنه الطـاش
ياما رما من راس حايـل وحاشـي ^ ^^^يوم الـردي حـده خنابيروعشـاش
أعرينين يجزم علـى كـل قاشـي ^ ^^^^ يبلم الى هاب الردي كـل وشـاش
من تركت الغلباء القروم الحراشـي ^^^^^ يبلش بهم صنديـد قـوم الىهـاش
اهل السيوف الصارمات الرهاشـي ^^^^ اسبيع وان غط الحسب كل غشـاش
يامـا حمـو دخيـل قـوم يناشـي ^^^^^^^^ يوم الضعيف لابغا الحـق مهنـاش

كفو يابن سعووووووووووود كفوووووووووووووووو كفووووووووووووووو

صح لسانك الى مالا نهايه وبيض الله وجهك ياسنايدي

قول وفعل يالعريني ارجو ان لاتحرمنا من اطلالاتك الرائعه في منتدى الشعر

واقبل اعجاب ومتابعة اخوك

بعييييييييييييييييييد الهقاوي

[السيف]

صح السانك يابو حمد على هذي القصيده الطيبه

وانتم والله والف نعم ربعنا وعيال عمنا واهل الطيب من قديم

ما دام هذي اول مشاركه فالجاي اطيب ان شاء الله

ونحن في انتظار الدرر ولا تبخل علينا

مع تحياتي لك

السيف

[البدر]

عبدالعزيزال حمد


لاهنت على القصيده الجزله وصح لسانك والعرينات معورفين بالطيب والشجاعه من العصور الاوله .




اكرر شكري لك يابو حمد على المشاركه معنا في قسم الشعر والتي اعتبرها اضافه جديده لنا في قسم الشعر .



تقبل تحيات اخوك البدر

[ابن شطيط]

كفو كفو كفو كفو

كفو يابو سعود فيك وفي ربعنا العرينات

وصح لسانك ملاااااااين على هالقصيده الجزله والقافيه الصعبه

ولك خالص التحيه

واعذرني على التاخير لغايبي

وتحياتي لك

اخوك

ابن شطيط

[عبدالعزيزال حمد]

صح بدنك والله لايهينك يابو عمر على المرور
وحقيقه مرورك شررف لي وشهادتك وسام فخر اعتز
بها
لك مني جزيل الشكر والتقدير

[صلبوخ]

لله درك ياشاعرنا الكبير
وصح لسانك يابوسعود

[عيسى السبيعي]

الأخ ابو حمد


السلام عليكم ورحمة الله وبركاته



صح لسانك قصيده جزله من شاعر جزل

[عبدالعزيزال حمد]

الاخ ابن جراح الله لايهينك على المرور
وشهادتك اعتز بها كثيرا وبيض الله وجهك
وتسلم تسلم وماعليك زود
وتقبل تحياتي

[عبدالعزيزال حمد]

الله لايهينك ياسعد ابن جراش
وحقيقه مرورك وشهادتك فخر لي واعتز بهذه الشهاده
وتسلم مليون وماعليك زود وبيض الله وجهك
وانا حقيقه يسعدني ان تنال هذه القصيده على رضاك
الله لايهينك
وتقبل تحياتي

[خالد السهلي]

حقيقه قصيده وافيه وجزله وبيض الله وجهك عليها وتستاهل كل الثنا والتقدير لنها من شاعر جزل
تقبل تحياتي
وتقديري

[سُبيع]

صح لسانك ياعبد العزيز

[خيَّال الغلباء]

قال الشاعر المطوع / ناصر بن محمد العريني إمام وخطيب جامع العلب من قرى الدرعية وأسكنه فسيح جناته في قصيدة له حاثا الشباب على الزواج المبكر :

أحد (ن) يهل القيل هل القماشي
= ويعزل أرناق التعازيل طواش

وأحد (ن) فدامه مثل بعض المواشي
= ما يتبع المشروع وإن هيض الجاش

افهم جواب النصح ما هو طماشي
= يا جاهل (ن) راحت حياته على ماش

لا تصحب أهل المتهم لو نواشي
= ترى البري وإن عادهم صار فحّاش

من دانس الأجرب يجيبه وقاشي
= لزمن يعقل بأربعه عند مشّاش

وبادر زواج الحل ما دمت ناشي
= ترى العمر للوفا لا عاد منحاش

لا طالع أهل الزين شيب الحواشي
= عدوك كالمعدوم في دوج من عاش

دور طلوعة خير به بشاشي
= يفرح به الهشال لين أدبح اللاش

نديات من جزره صحون المعاشي
= زمزير للشيمات والجود حواش

اما فتاته من وحوش وحاشي
= ما قالوا أهل القيل في عرضها ماش

ربيبها بدر على الأفق ناشي
= وإلى تبدا للملا يدهش ادهاش

ترف الشباب أعفر له النور عاشي
= توه بغي صباه عنقه كما الشاش

وترى حلاة الولف حقه وحاشي
= والهرش ما يتبع مقاديم الأدباش

[الصقر الذهبي]

صح اللسانك