تسجيل الدخول

مشاهدة النسخة كاملة : قصيد في مزاين خريص عام 1419هـ

خالد ابن هرسان
18 - 01 - 2007, 01:31
هذه القصيدة مما قاله الشاعر نايف بن خالد بن دريميح القريشي في مزاين خريص عام 1419هـ تقريباً حينما فازت أبل ناصر بن مهناء العزه السبيعي المجاهيم وأخذت الأول على مستوى الخليج بأكمله فكان الحضور من السعوديه وخارج السعوديه فكان الفوزهذا يعتبر فوز للقبيلة أمام الأجناب وهو ينومس عموم القبيلة فهاضت مشاعره بهذه القصيدة حينما رأى حضور الناس من كل فج ويكون الفوز لأحد أبناء قبيلته فيقول نايف :


هات القلم وأكتب كلامٍ بقوله = هاض القصيد وهاضت الأشعار
منومسني ذاك اليوم فعل أبن عمي = يوم أجتمع من كل فجٍ ودار
فوزه ينومسنا وعم القبيلة = وراحت تناقلبه الأخبار
عزل ثنتين واربعين سوداء = فيهن ثنو والباقيات بكار
فيهن من وصف المغاتير شاره = زين الخشوم وركزة العمار
قليلٍ لحمهن جردً رقابهن = متنكسةً ظهورها على الفقار
فجحاً عراقيبهن جلالةٍ عظامهن = عسمن يديهن والخفاف كبار
سحبهن من الصمان أبو مهناء = وخلا طلوع الشمس عنه يسار
عقب عزلهن تقالن عمارهن وزرفلن = ثم قام يردعهن على الفكسار
وتعدن حروة أمهاتهن ووجبن = يطون ما يزمي من الزبار
وليلة ثلاث معشياً بالجوب = في أعلى نباه ويسبر الأنوار
والرابعة معشياً جنب المزاين = وبنا الخيام وشب فيها النار
وقلط عليها دلالٍ تعاقب = وذبايحن في الليل والنهار
وقربهن في وعدهن من المنصة = وشافن سواد وذيرن ذيّار
ورفعلهن بالصوت في الشبك فايز = واستبرمن ثم ثور المعصار
والله يا لولا الجمهور والضرب والعصي = أن يغدن ما قدامهن دمار
وجتنا اللجنه تسوق جيوبها = جونا الضحى مع مبتدا النهار
وشافوا لهم شوفاً يسر عيونك = ثم دبروا ما كروا الأنضار
وأخذنا الشبح يوم فازت أبلنا = وفزنا وغدا للرشاشات شرار
وختامها مني صلاةٍ على النبي = واعداد ما تمطر الأمطار

الشاعر / نايف بن خالد بن دريميح القريشي
مخايل الغربي
18 - 01 - 2007, 01:37
هذه القصيدة مما قاله الشاعر نايف بن خالد بن دريميح القريشي في مزاين خريص عام 1419هـ تقريباً حينما فازت أبل ناصر بن مهناء العزه السبيعي المجاهيم وأخذت الأول على مستوى الخليج بأكمله فكان الحضور من السعوديه وخارج السعوديه فكان الفوزهذا يعتبر فوز للقبيلة أمام الأجناب وهو ينومس عموم القبيلة فهاضت مشاعره بهذه القصيدة حينما رأى حضور الناس من كل فج ويكون الفوز لأحد أبناء قبيلته فيقول نايف :


هات القلم وأكتب كلامٍ بقوله = هاض القصيد وهاضت الأشعار
منومسني ذاك اليوم فعل أبن عمي = يوم أجتمع من كل فجٍ ودار
فوزه ينومسنا وعم القبيلة = وراحت تناقلبه الأخبار
عزل ثنتين واربعين سوداء = فيهن ثنو والباقيات بكار
فيهن من وصف المغاتير شاره = زين الخشوم وركزة العمار
قليلٍ لحمهن جردً رقابهن = متنكسةً ظهورها على الفقار
فجحاً عراقيبهن جلالةٍ عظامهن = عسمن يديهن والخفاف كبار
سحبهن من الصمان أبو مهناء = وخلا طلوع الشمس عنه يسار
عقب عزلهن تقالن عمارهن وزرفلن = ثم قام يردعهن على الفكسار
وتعدن حروة أمهاتهن ووجبن = يطون ما يزمي من الزبار
وليلة ثلاث معشياً بالجوب = في أعلى نباه ويسبر الأنوار
والرابعة معشياً جنب المزاين = وبنا الخيام وشب فيها النار
وقلط عليها دلالٍ تعاقب = وذبايحن في الليل والنهار
وقربهن في وعدهن من المنصة = وشافن سواد وذيرن ذيّار
ورفعلهن بالصوت في الشبك فايز = واستبرمن ثم ثور المعصار
والله يا لولا الجمهور والضرب والعصي = أن يغدن ما قدامهن دمار
وجتنا اللجنه تسوق جيوبها = جونا الضحى مع مبتدا النهار
وشافوا لهم شوفاً يسر عيونك = ثم دبروا ما كروا الأنضار
وأخذنا الشبح يوم فازت أبلنا = وفزنا وغدا للرشاشات شرار
وختامها مني صلاةٍ على النبي = واعداد ما تمطر الأمطار

الشاعر / نايف بن خالد بن دريميح القريشي بسم الله الرحمن الرحيم
المكرم الاخ خالد بن هرسان السلام عليكم ورحمة الله وبركاته وبعد بيض الله وجهك على نقل القصيده وصح لسان الشاعرنايف بن خالد القريشي وناصربن مهنا يستاهل فازبالملح والوضح عدة سنوات في جائزة الملك عبدالعزيزرحمه الله بام رقيبه واسلم وسلم والسلام
ابن جمل
18 - 01 - 2007, 01:39
مشكور يا خالد وصح لسان ابوخالد


قصيده جزله من شاعر جزل

تقبل تحياتي يا ابو نايش

اسد من ذاك الاسد
خالد ابن هرسان
18 - 01 - 2007, 01:40
أهلاً وسهلاً بك يا خوي مخايل الغربي ومرحبابك وصح بدنك
والله يقدرنا على النقل إلي يحوز على رضاكم والله لا يهينك على كل حال
خالد ابن هرسان
18 - 01 - 2007, 01:42
مشكور يا خالد وصح لسان ابوخالد


قصيده جزله من شاعر جزل

تقبل تحياتي يا ابو نايش

اسد من ذاك الاسد


مرحبا ياخوي الكبير ابن جمل وصح بدنك ولا عليك أقصور
يا راعي العصلا
فـــالح السبيعي
18 - 01 - 2007, 01:50
خالد ابن هرسان

بيض الله وجهك وياحبي للإسم هذا

إسم شاعر علم من أعلام سبيع لن تنساه قبيلته

لما قدمه من قصائد خالده في الأذهان شكراً لك يابن العم

على ماقدمته لنا وصح لسااان الشاعر نايف بن خالد القريشي السبيعي

ويستااهل ناصر بن مهنا.....لاهنت وتقبل فائق التحيه والإحترام
ابن جمل
18 - 01 - 2007, 01:52
يا خالد شرفني بكره في الحفل
ابن جمل
18 - 01 - 2007, 01:57
خالد ابن هرسان

بيض الله وجهك وياحبي للإسم هذا

إسم شاعر علم من أعلام سبيع لن تنساه قبيلته

لما قدمه من قصائد خالده في الأذهان شكراً لك يابن العم

على ماقدمته لنا وصح لسااان الشاعر نايف بن خالد القريشي السبيعي

ويستااهل ناصر بن مهنا.....لاهنت وتقبل فائق التحيه والإحترام

بيض الله وجهك على هذا ممكن تذكر لي مما تحفضه يا ابو بندر من قصايد الشاعر خالد بن هرسان
خالد ابن هرسان
18 - 01 - 2007, 02:02
خالد ابن هرسان

بيض الله وجهك وياحبي للإسم هذا

إسم شاعر علم من أعلام سبيع لن تنساه قبيلته

لما قدمه من قصائد خالده في الأذهان شكراً لك يابن العم

على ماقدمته لنا وصح لسااان الشاعر نايف بن خالد القريشي السبيعي

ويستااهل ناصر بن مهنا.....لاهنت وتقبل فائق التحيه والإحترام


مرحباً بك يا بو بندر وأهلاً وسهلاً وأنا ما أخترت الأسم هذا إلا حباً في شخصية هذا الرجل
ولأني كذلك من أحفاده وصح بدنك يا بو بندر ولا هنت مشكوووووور والله يعطيف الف عافيه
فـــالح السبيعي
18 - 01 - 2007, 02:08
بيض الله وجهك على هذا ممكن تذكر لي مما تحفضه يا ابو بندر من قصايد الشاعر خالد بن هرسان

والله يابن جمل أحفظ قصيدة وقعة اللبانين
وبإمكانك الذهاب لمنتدى القصص البطوليه لقراءتها
خالد ابن هرسان
18 - 01 - 2007, 02:08
يا خالد شرفني بكره في الحفل



على خير أنشاء الله يا بن جمل وأنا تراني عندي خبر في الحفل وسوف أكون أول الحاضرين
أنشاء الله
مصلح ربح
18 - 01 - 2007, 10:52
خالد ابن هرسان

بيض الله وجهك وياحبي للإسم هذا

إسم شاعر علم من أعلام سبيع لن تنساه قبيلته

لما قدمه من قصائد خالده في الأذهان شكراً لك يابن العم

على ماقدمته لنا وصح لسااان الشاعر نايف بن خالد القريشي السبيعي

ويستااهل ناصر بن مهنا.....لاهنت وتقبل فائق التحيه والإحترام


ابن جمل ابن هرسان بما انكم بتحضرون الحفل المقام عند ابو ثنين في الصياهد

فانا لي امسيه عندهم ليلة الجمعه واتشرف با السلام عليكم ومقابلتكم ومعرفتكم
ابن جمل
18 - 01 - 2007, 13:51
ابن جمل ابن هرسان بما انكم بتحضرون الحفل المقام عند ابو ثنين في الصياهد

فانا لي امسيه عندهم ليلة الجمعه واتشرف با السلام عليكم ومقابلتكم ومعرفتكم





بالنسبة لي يا أبو ربــح فأنا أتشرف بحضور حفل أبو ثنين ولكن الحقيقة أنـا مرتبط بحفلــة

في مكــان ثاني ولا أستطيع حضــور حفلـــة أبو ثنيـن

ومن ناحيـة مقابلتك فأنا لي الشرف إني التقـي فيـك وهذا شيء يسعدني ولولا إرتباطـي

لحضرت الأمسية ولكن خيرها في غيرهـا وإن شاء الله يجمعنا لقــاء في القريب العاجــل

وإذا أحببت تستطيع أن تنسق معي تلفونياً ونتقابل حتى لو لم يكن هناك مناسبة تجمعنا




تقبل تحياتي
برق الشمال
19 - 01 - 2007, 00:48
بيض الله وجهك

وصح لسان الشاعر قصيده طيبه ويستاهل ناصر بن مهنا
خالد ابن هرسان
19 - 01 - 2007, 13:50
ابن جمل ابن هرسان بما انكم بتحضرون الحفل المقام عند ابو ثنين في الصياهد

فانا لي امسيه عندهم ليلة الجمعه واتشرف با السلام عليكم ومقابلتكم ومعرفتكم



مرحباً بك يامصلح ربح وأتشرف كذلك بمقابلتك ومعرفتك ولكن حصل لديك إلتباس
ونحن مرتبطين في أمسية أخرى عند أحد الجماعة وتقبل تحياتي
خالد ابن هرسان
19 - 01 - 2007, 13:53
بيض الله وجهك

وصح لسان الشاعر قصيده طيبه ويستاهل ناصر بن مهنا



صح بدنك يا برق الشمال ومرحباً بك وأنت أطيب وتشكر