المساعد الشخصي الرقمي

مشاهدة النسخة كاملة : قضى العمر يا ظالم

ابن جـــــــراح
30 - 06 - 2003, 01:06
السلام عليكم ورحمة الله وبركاته

هذه قصيده للشاعر ( عبدالله العليوي ) سامريه
ارجو ان تحوز على استحسانكم ورضائكم


قضى العمر يا ضالم وانا اقول عنك اقفيت
والا شفت زولك بالصدف هلت اعيــــــاني

مشى القــلب في ضلك يبـاريك لـــو صديت
ولـــو عــفت حبك يــوم مـــا عفته الثـــاني

انــا ما قــويت انســى حنـــانــك ولا ظـنـيت
ســالتـــك بربــك ويش كــلـــفــك نسيـــاني

وانـــا اشـــوف زلاتـــــك بعينــــي الا زليت
وش اللي يفيد الشـــــــوف والقلب عمياني

اخـــــذت العــــزى منــي ولا قـلب لي خليت
وانـــا مـــن هــــواك اليـوم حبيت حرمــاني

عـطـيـتـــك حيــــــــاتي يا قــمرها ولا رديت
ابـــي منــك لــو نظـره ترى هرجك اشقاني

ابـــي قـلـبـك القــاسي وراضي بمــا سويت
تعـــاتب وتجـــرحـنــي وتـــامــر وتنهــــاني

لــــك الــحـب مشّـــاني انا في هــواك بليت
احــبــــك ولـــــو صــديت يا كــل خــــــلاني


ارجو ان تحوز على رضائكم واستحسانكم ان شاء الله
وتقبلوا خالص تحياتي
اخوكم بن جراح
موصاحي
30 - 06 - 2003, 03:55
صح لسان الشاعر

وتسلم ايد الفاره اللى خلتك يا ابن جراح تنقل هذى القصيده :rolleyes:


موااااااااااااااااااااه على نقلك احم لا قصدى فرتك :D
سعد بن جراش
30 - 06 - 2003, 04:02
تسلم يمينك يبوعبدالله

وصح لسان شاعرنا العليوي

مشى القلب في ضلك يباريك لو صديت )()()( ولو عفت حبك يوم ما عفته الثاني


عزالله مانيته يتركه مير الله يعينه

تقبل تحيات اخوك بعيد الهقاوي
ابن جـــــــراح
30 - 06 - 2003, 21:43
موصاحي

مرورك اسعدني يا حبيب قلبي

لكن الشاعر ولد عمي يعني ما فيه نسخ ولصق ابشرك

ولو تدور الانتر نت كامل ما لقيت الا قصيدتين للشاعر عبدالله (( للمعلوميه ))

سعد بن جراش (( بعيد الهقاوي ))

تسلم على المرور ولا هنت

وعز الله ان الرجال رايح في يدها لكن الله يعينه

وصح بدنك نيابه عن الشاعر

تحياتي للجميع
smart
30 - 06 - 2003, 21:48
صح الله لسااان شاعرها ( عبدالله العليوي )

وتسلم يمين ناااقلها (ابن جراح)


تقبل أجمل التحاااااااااياااااااا
البدر
30 - 06 - 2003, 21:57
مشى القلب في ضلك يباريك لو صديت )()()( ولو عفت حبك يوم ما عفته الثاني



ابو عبدالله

لاهنت على نقل القصيده الجزله للشاعر الرائع عبدالله العليوي سلمت يمناك يابو عبد الله على نقل القصيده وصح لسان الشاعر عبدالله واشهد انه مغرم بمعشوقته . وتكفى يابو عبدالله لاتبخل علينا من قصائد الشاعر عبدالله وانت دائما راعي الجود .




تقبل تحيات اخوك البدر
المزاح
01 - 07 - 2003, 01:49
تسلم اخوووي بن جرااااااااح على القصيده الجزله والرايعه

والله لايهينك وصح لسااااااان شاعرهااااااااااا

تحيااااااااااتي
طويق
01 - 07 - 2003, 02:19
سلمت يداك يابن جراح

وصح لسان الشاعر عبدالله العليوي

تحياتي / طويق
أشارككم وأدعوكم لمنتدى المحاورة لمشاركتنا في ملتقى شاعرين المباشر فنحن بحاجتكم وبحاجة تشجيعكم لأبناء عمومتكم والأخذ بأيديهم إلى القمة .
الفهد
02 - 07 - 2003, 12:21
وانا اشوف زلاتك بعيني الا زليت== وش اللي يفيد الشوف والقلب عمياني

الطيب ما يجيب الا طيب

ابداع من الشاعر عبدالله العليوي وتصوير للمعاناه ولا أروع من كذا

حقيقةً أن من بدع هذه الأبيات له ذائقه شعريه واسلوب متميز

صح لسان الشاعر مليون

وسلمت يمين كاتبها ملايين ولاعدمناه ابد

ابن جراح

سجل اعجابي

شكراً للجميع
ابن جـــــــراح
04 - 07 - 2003, 02:23
سمارت
البدر
المزاح
طويق
الفهد

الف الف الف شكر لكم جميعا على المرور وصحة ابدانكم نيابة عن الشاعر

وسلمكم الله من كل شر

اشكر كل من مر على الموضوع

اخوكم بن جراح
الكوكب السيار
04 - 07 - 2003, 03:04
عبدالله العليوي

صح لسانك ملايييييييييييييييييييين


ابن جراح حبة خشم وصلها لابن عمك ولك انت بعد

لاهنت يالغالي على المجهود الرائع
{الـخـيّال}
04 - 07 - 2003, 15:29
اخوي ابن الجراح........يعطيك العافيه على هالقصيده الرائعه وصح لسان قايلهاا ولاهنت يالغالى..........................تقبل تحياتى اخوك /الخيال
ابن جـــــــراح
04 - 07 - 2003, 22:38
الكوكب السيار

صح بدنك ملايين نيابه عن الشاعر

وبيض الله وجهك على المرور يا الغالي ولك مني حبة خشم بعد على مرورك

الخيال

الف شكر لك على المرور

وصح بدنك عن الشاعر

وسلمت يا الذيب من كل شر طال عمرك

تقبلوا خالص تحيات اخوكم بن جراح
ابن شطيط
05 - 07 - 2003, 06:13
رائـــــــــــــــــــــــــــــــــــــــــــــــ ـــــــــــــــع ياعبدالله العليوي صح لسانك

ولاهنت يابو عبدالله على نقل القصيده وتقول وتفعل ماقصرت والله لايهينك

تحياتي لك واعذرني على التاخير في الرد لما تعلم

اخوك ابن شطيط
ابن جـــــــراح
05 - 07 - 2003, 14:17
ابن شطيط

الف شكر لك على المرور

وصح بدنك عن عبدالله

وسلمت من كل شر

لكن ليه ادق عليك جوال ولا ترد :mad:

وتحياتي لك مرورك اسعدني يا الغالي