::+:: مسابقة الامثال الشعبية ::+::

[ماضي المديري]

[align=center]http://www.njmsaheel.com/images/bismillah.gif

السـلام عليكم ورحمة الله وبركاته

حبيت اشاركم وان شاء الله نستفيد ونفيد كلنا ونسمع كل عضو وش عنده من معلومات وخلفيات عن الامثال الشعبية

والطريقة اني بطرح مثل ناقص والعضو اللي يدخل عقبي يكمل المثل .. ويطرح مثل جديد وهكذا نستمر .. لتعم الفائدة

على الجميع


اببدأ بمثل سهل

من طول الغيبات ..................... ..!!! كملوالمثل الشعبي

[فهد ابو نايف]

جزاك الله خير اخي الفاضل عقيد القوم
فعلا موضوع مميز ويجدد النشاط والذاكره
( من طول الغيبات .. جاب الغنايم ..!!! سهله ةجدا هههههههههههههه
المثل كمله
جاب عيده ...................

[منصور الحري]

جزاك الله خير اخي الفاضل عقيد القوم
فعلا موضوع مميز ويجدد النشاط والذاكرة
تكملة المثل:
جاب عيده..وارتكى له..


المثل يقــول: من لا غبّـر شـاربـه.......
والكماله عليكم
[/QUOTE]

[الزناجه]

حلقه صح
من لا غبر شاربه حلقه

قل صح امانه على شان اجيب المثل بعدك


مقروعين محد يرد بعدي اذ كان المثل صح

[فـــالح السبيعي]

مادسمه... صح ياالفتى المنصور

بعدين حلو مثل أبونايف أول

[فهد ابو نايف]

مرحبا باخونا ابو بندر
ترا اخونا فتى المنصور حل المثل صحيح
جاب عيده وارتكى له
الدور عندك ابو بندر عطنى مثل

[فـــالح السبيعي]

مرحبا باخونا ابو بندر
ترا اخونا فتى المنصور حل المثل صحيح
جاب عيده وارتكى له
الدور عندك ابو بندر عطنى مثل

ياهلا والله يابونايف
طيب يابونايف ولايهونون الأخوان كملوا المثل
أنت سبيت مالك........

[فهد ابو نايف]

الصراحه ابو بندر المثل الي انت جبته صعب جدااااااااا
حتى خويي طير شلوى الجوجيل ماحصلته فيه
تاكد ونا خوك اخاف مهوب مثل ههههههههههه

[فـــالح السبيعي]

الصراحه ابو بندر المثل الي انت جبته صعب جدااااااااا
حتى خويي طير شلوى الجوجيل ماحصلته فيه
تاكد ونا خوك اخاف مهوب مثل ههههههههههه

هههههههههههههه ممنوع الغش يابونايف
إثرك من اللي يدورون في قوقل أوريك
عموماً فيه شريحه معينه من المجتمع الأمثال الصعبه تلقاها عندهم

[عيسى السبيعي]

الصراحه ابو بندر المثل الي انت جبته صعب جدااااااااا
حتى خويي طير شلوى الجوجيل ماحصلته فيه
تاكد ونا خوك اخاف مهوب مثل ههههههههههه

وانا رايي من راي ابو نايف
الا اذا كان لأجل مالي يمكن تجي تحياتي يالغالين

[عيسى السبيعي]

طيب المثل يقول ماضاع 000000000000000؟

[فـــالح السبيعي]

وانا رايي من راي ابو نايف
الا اذا كان لأجل مالي يمكن تجي تحياتي يالغالين

حاول مرةً أخرى يالواسطه حله كلمه وحده

[فهد ابو نايف]

طيب ابو بندر خذها
انت سبيت مالك بنفسك
ومثل اخونا الواسطه
ماضاع حق وراه مطالب
طيب خذو هالمثل
حلات الثوب ..........

[عيسى السبيعي]

لببببببببببببسه

صح يابو نايف :)

[فـــالح السبيعي]

طيب ابو بندر خذها
انت سبيت مالك بنفسك
ومثل اخونا الواسطه
ماضاع حق وراه مطالب
طيب خذو هالمثل
حلات الثوب ..........

أنت سبيت مالك بيت

فزت عليكم واحد صفر

حلات الثوب في لونه

أبونايف لاتقول خطأ أزعل عليك

[فهد ابو نايف]

ههههههههههههههههههههه
ابو بندر للاسف خطا

[عيسى السبيعي]

والمثل يقول

الما ء يكذب0000000000000؟

[فهد ابو نايف]

اخوي الواسطه حل المثل اللي حطيته



الما ء يكذب الغطاس

[عيسى السبيعي]

صح ابو نايف
بس ماقلت لي حل

حلات الثوب لبسه

[فهد ابو نايف]

حلات الثوب رقعته منه وفيه

[فـــالح السبيعي]

طيب يابونايف

حلات الثوب رقعته منه وفيههههههههههههههههه

وش رايك

[فـــالح السبيعي]

متعادلين يابونايف

وجهن تعرفه ولا............

حلو المثل

[فهد ابو نايف]

هههههههههههه
احسنت ابو بندر بس انا فزت بثلاث حلول 2 للواسطه وحده لعقيد القوم
وجهن تعرفه ولا وجهن تبخصه ههههههههههههه

[فـــالح السبيعي]

هههههههههههه
احسنت ابو بندر بس انا فزت بثلاث حلول 2 للواسطه وحده لعقيد القوم
وجهن تعرفه ولا وجهن ..... ههههههههههههه

طيب يابونايف سهلتها لك هيا عاد لاتقول ماعرفت

باقي كلمه الآن

[عيسى السبيعي]

ولا وجه تنكرررررررررررره

[فـــالح السبيعي]

ولا وجه تنكرررررررررررره

المعنى نفسه ولكن الكلمه تختلف

مافيه توضيح أحلى من كذا يالواسطه

[الزناجه]

وجه تعرف والا وجه ماتعرفه


الباب الي يجيك منه ريح...............................؟

اكمل المثل

[فـــالح السبيعي]

وجه تعرف والا وجه ماتعرفه


الباب الي يجيك منه ريح...............................؟

اكمل المثل

وجهٍ تعرفه ولا وجهٍ تعرَِِفه

الباب اللي يجيك منه ريح سده واستريح

طيب لغز سهل يالله

كلٍ تداوى علته غير.....

[الزناجه]

غير علتي

كل تدوى علته غير علتي

واجابت المثل حقي اخوي ابو بندر حلك خطا،،،،،،،،،،

الباب الي يجيك منه ريح لاتلحسه كله


هههههههههههههههههه

[فـــالح السبيعي]

غير علتي

كل تدوى علته غير علتي

واجابت المثل حقي اخوي ابو بندر حلك خطا،،،،،،،،،،

الباب الي يجيك منه ريح لاتلحسه كله


هههههههههههههههههه
يالزناجه حل المثل صح خل الحركات حقتك
من اللي بيلحس الباب الله يهديك عليك حركات لكن ماعليه أوريك هههههه
عموماً حل المثل صح كلٍ تداوى علته غير.....

[ماجد المديري]

المثل عندي ونا ابو هندي

استلمووووووو

كل طيراً ياكل ...........................................؟

[ماضي المديري]

اشكر لاخوان على التفاعل مع المسابقه التراثيه

الحل / كل طيراً ياكل بمخلابه

اكملوووو المثل

مد الحافك على ..............؟

[عايض ابوشيبه]

أبو بندر

كلن تداوا علته غير شانان

شانان اللي علته باطنيه

يابو بندر لا تقول خطاء وتصدمني هههههههههههههههههههههههههههه

[عايض ابوشيبه]

أخوي عقيد القوم

مد الحافك على قد رجليك

تكفى لاتقول خطاء متحدي واحد فيها

جاملني وكاني مخطي راسلني رسايل خاصه

هههههه

[عايض ابوشيبه]

ياالربع جيتكم مطبح بمثل صعب

لا طاح الجمل0000000000000000؟


جيبو حله ياعزوتي

[ماضي المديري]

ابو عبدالله بيض الله وجهك الحل صح

لا طاح الجمل كثرة سكاكينه

شكلي ملخبط في الحل


على العموم استلموووووو

مطار طيراً.............................؟

[فـــالح السبيعي]

أبوشيبه حلك للمثل صح شينان

عقيد القوم المثل اللي قلت

ماطار طير وأرتفع إلا كما طار وقع

[منصور الحري]

اعتذر من الأخوان على الإنقطاع وكان سبب إنقطاعي ضروف العمل
ننتظر مثل ابو بندر

[فـــالح السبيعي]

هلا بالجميع دام المثل عندي أجل إستلمو

يامالك يا ....

[راشد التوم]

مساء الخير يابو بندر والربع


يامالك يامولوك هاه قل صح

[فـــالح السبيعي]

ياهلا يابومطلق إشتقنا لك

من طول الغيبات جاب الغنايم

ويؤسفني أقول لك الإجابه خاطئه

حااااول مره أخررررى

[ماضي المديري]

والله امثلتك صعبه يابو بندر

الله يعيننا علىحلها

[الزناجه]

يامالك يامال الخلا

ابو بندر اكيد انها صح بس انت

بتقول خطاء علشان تقاضى

بس انا لك والزمن طويل

احسن لك اعترف

[ماضي المديري]

والله شكلك جبتها يازناجه

وين ابو بندر ياكد الحل

[فـــالح السبيعي]

المثل هو يامالك ياحكيم
نظراً لصعوبته فضلنا حله والتقدم بالنتيجه
وهذا مثل وإذا ما حليتوه ماراح أكتب أمثال مره ثانيه
يستاهل ..... من ضيع ..... وللتوضيح كل فراغ فيه كلمه

[راشد التوم]

يستاهل البرد من ضيع عباته


تصدق ابو بندر اني داخل ابحل المثل حق يمالك ياحكيم الله يخلي شيبانا

[فـــالح السبيعي]

هلا أبومطلق

والحل صحيح طال عمرك

وينك تحل أمثالي ماخذ راحتي لي إسبوع

من غير قصور في الشباب الباقين ومن يوم جيت لازم نعقدها شوي

[راشد التوم]

استلموا



لو حسبنا حساب العصافير 0000 0000

[ابو مساعد1]

يستاهل البرد من ضيع عباتة هاه يابو بندر صح ولا لا

[فـــالح السبيعي]

يستاهل البرد من ضيع عباتة هاه يابو بندر صح ولا لا

الحل صحيح يابومساعد
وقام بتكملة المثل التوم1

[فـــالح السبيعي]

استلموا



لو حسبنا حساب العصافير 0000 0000

لوحسبنا حساب العصافير مازرعنا الدخن
وإذا المثل صحيح يالتوم قلي حتى أعطيك
مثل مايخرش الميه يعني صعب

[راشد التوم]

لوحسبنا حساب العصافير مازرعنا الدخن
وإذا المثل صحيح يالتوم قلي حتى أعطيك
مثل مايخرش الميه يعني صعب

مايحتاج يابو بندر صح ماشاء الله عليك الدخن او الشعير


وننتظر مثلك التالى

[فـــالح السبيعي]

طيب إستلموا
وصراحه خايف منك يالتوم1
المثل هو
ألحقوا مهراس معكم لا تثول به ......

[راشد التوم]

ابو بندر وشرايك

ألحقوا مهراس معكم لا تثول به (فرسه)

[فـــالح السبيعي]

ابو بندر وشرايك

ألحقوا مهراس معكم لا تثول به (فرسه)

محاوله جيده جداً
وأعتبرها صح يالتوم1
المثل الصحيح
ألحقوا مهراس معكم لاتثول به المطيه

[راشد التوم]

الله لايهينك يابو بندر والمتابعين اجل


استلموا



الولد اذا بار يطلع 00000000

[فـــالح السبيعي]

الولد اذا بار يطلع 00000000

الولد إذا بار يطلع زي الحمار

والله يالتوم1 مغير ضاربها كذا تصيب وألا تخيب

[راشد التوم]

الولد إذا بار يطلع زي الحمار

والله يالتوم1 مغير ضاربها كذا تصيب وألا تخيب



ذا المره خابت حاول مره اخرى

[فـــالح السبيعي]

ذا المره خابت حاول مره اخرى

طيب يالتوم1 أوريك

الولد إذا بار ثلثينه للخال

[راشد التوم]

طيب يالتوم1 أوريك

الولد إذا بار ثلثينه للخال



الله لا يهينك جبتها ماشاء الله عليك

[فـــالح السبيعي]

طيب هذا المثل حلووووه

حمارك الأعرج ولا فرس ... ...

[ماضي المديري]

جبتهااااااا يابو بندر

حمارك الأعرج ولا فرس ابن عمك

[فـــالح السبيعي]

جبتهااااااا يابو بندر

حمارك الأعرج ولا فرس ابن عمك

ممتاز والمثل عندك ياعقيد القوم

[ماضي المديري]

استلموووووووووووووو المثل

الجمال تعارك .................؟

[راشد التوم]

ابرسل من عندي على الطاير

الجمال تعارك والرجال تعارف

[منصور الحري]

الجمال تعارك وجملنا بارك

[ماضي المديري]

التوم1

الرقم الذي طلبته غير صحيح حااااول مره اخراى وشكراً

[ماضي المديري]

جبتهااااااااا يالفتي منصور

الجمال تعارك وجملنا بارك

وهذا لمثل يدل على الكسل

المثل عندك يالفتى منصور

[منصور الحري]

استلموووووو
صبه........؟

[ماضي المديري]

صب الهوى لمعذب القلب صبه = فنجال حب من لذيذ المشاريب

مافيه توضيح

[منصور الحري]

صب الهوى لمعذب القلب صبه = فنجال حب من لذيذ المشاريب

مافيه توضيح


لا هو أسهل من كذا بكثير
ولتوضيح المثل من كلمتين..
الأولى (صبه) والثانية(.....) عليك جبها

[فـــالح السبيعي]

لا هو أسهل من كذا بكثير
ولتوضيح المثل من كلمتين..
الأولى (صبه) والثانية(.....) عليك جبها

يالفتى المنصور

هاذا سهل لكن عقيد القوم مانام زين

المثل صبه رده

[أبوعبدالله]

السلام عليكم ورحمه الله وبركاته

مسابقه جدا اكثر من رائعه

عندي مثلين

الاول / شبه الضو نصف -------------- والنصف الاخر ما تيسر من--------------

الثاني /مصري وجته ---------------------

تحياتي للجميع

[ماضي المديري]

ابو عبدالله

نظام المسابقه الي يحل المثل يكون عنده ذكر مثل والمثل عند ابو بندر

ويكون مثل واحد

شكراً لتفاعلك

[أبوعبدالله]

ابو عبدالله

نظام المسابقه الي يحل المثل يكون عنده ذكر مثل والمثل عند ابو بندر

ويكون مثل واحد

شكراً لتفاعلك



اعذرني اخي الكريم

مشوها ها المره :m8779: :m8779:

[منصور الحري]

يالفتى المنصور

هاذا سهل لكن عقيد القوم مانام زين

المثل صبه رده

هههههههه
أحسنت يابو بندر

[أبو يزيد]

السلام عليكم ورحمه الله وبركاته

مسابقه جدا اكثر من رائعه

عندي مثلين

الاول / شبه الضو نصف -------------- والنصف الاخر ما تيسر من--------------

الثاني /مصري وجته ---------------------

تحياتي للجميع

ياجماعه حرام عليكم والله أن تمشونها لبوعبدالله ذا المره ولاعاد يتعودها ههههههههه

الاول/ شبة الضو نصف (المرجله)والنصف الاخر ماتيسر من (المال).

الثاني /مصري وجته (فرخــه).

تكفون يالربع عساها صــح

[أبوعبدالله]

ياجماعه حرام عليكم والله أن تمشونها لبوعبدالله ذا المره ولاعاد يتعودها ههههههههه

الاول/ شبة الضو نصف (المرجله)والنصف الاخر ماتيسر من (المال).

الثاني /مصري وجته (فرخــه).

تكفون يالربع عساها صــح

خيل الشرفااااااااااا ونا ابو عبدالله

والله ان تجي صح لونهااااااااا مهيب صح

هذا ابو يزيد يقول ويطول

الله يجزاك خير لو تدور غير( الفرخه) بس ما عليك ارق سنوت واللي تبي يجي

[أبو يزيد]

خيل الشرفااااااااااا ونا ابو عبدالله

والله ان تجي صح لونهااااااااا مهيب صح

هذا ابو يزيد يقول ويطول

الله يجزاك خير لو تدور غير( الفرخه) بس ما عليك ارق سنوت واللي تبي يجي

يابعدي والله يابوعبدالله

اما عاد الفرخه تراها استنتاج انت ماتعرف (عوضين) هذا طال عمرك مصريااا كان عند الشايب(الله يمسيه بالخير).... فى البلاد وعاقبنا ملا البلاد دجاج ودبل كبد الشايب وحاس النخل عاد عقبها سافر بس ياهو كان يحب(الفراخ) فانا يوم شفت المثل تذكرت
عوضين وحبه للفراخ.

[ماضي المديري]

المثل عند ابو يزيد

وينك وين المثل

[راشد التوم]

ابو يزيد لنا ثلاث ايام داخلين طالعين على الامثال


ندور مثلك وش ذا التعليقه يخوي حركنا بمثل معك ساعتين من ردي هذا والسلام عليكم

[فـــالح السبيعي]

ابو يزيد لنا ثلاث ايام داخلين طالعين على الامثال


ندور مثلك وش ذا التعليقه يخوي حركنا بمثل معك ساعتين من ردي هذا والسلام عليكم

معكم أبوبندر سابقاً

أبويزيد حالياً

بما إن بعض الناس تلقف وخذ المثل مني وسلمه لأبوعبدالله

رجعت لكم بالمثل التالي

ربي ياخايبه ..... .....

للتوضيح الباقي كلمتين والنقاط عباره عن أحرف الكلمتين

[راشد التوم]

ابوبندر استلم من عندي

ربي ياخايبه لحظ الغايبة

[أبو يزيد]

معكم أبوبندر سابقاً

أبويزيد حالياً

بما إن بعض الناس تلقف وخذ المثل مني وسلمه لأبوعبدالله

رجعت لكم بالمثل التالي

ربي ياخايبه ..... .....

للتوضيح الباقي كلمتين والنقاط عباره عن أحرف الكلمتين

انني من هذا المنبر اعلن شجبي واستنكاري الشديد
لهذه الخطوات والتي تمت من جانب واحد وانتحال شخصيتي والزج بأسمي .
لاتحاولون
,,

مارايح

,,

ارضى

,,

الين

,,

تعطون

,,

الحر

,,

فررررررررررررصه

[فـــالح السبيعي]

ابوبندر استلم من عندي

ربي ياخايبه لحظ الغايبة

فالك التوفيق يابومطلق

والمثل صحيح ...إلك...والمسل عندك

[فـــالح السبيعي]

انني من هذا المنبر اعلن شجبي واستنكاري الشديد
لهذه الخطوات والتي تمت من جانب واحد وانتحال شخصيتي والزج بأسمي .
لاتحاولون
,,

مارايح

,,

ارضى

,,

الين

,,

تعطون

,,

الحر

,,

فررررررررررررصه

لاحول ولاقوة إلا بالله

والله الغثاء

هذا من علمه إنا هنا

[أبو يزيد]

لاحول ولاقوة إلا بالله

والله الغثاء

هذا من علمه إنا هنا


تصدق عاد يابوبندر
ولايهونون جماعة الربع اللي متجطلين فوق لي مدة وانا فاقدكم تغينون ولاادري وين تروحون عاد انا حركت مصادري فى المنتدى وعلموني انكم هنيا وااااااااااااخ يالقهر الموضوع منتفخ واصلاااا 6صفحات وانا ياغافلين لكم الله.:hi:

[فـــالح السبيعي]

تصدق عاد يابوبندر
ولايهونون جماعة الربع اللي متجطلين فوق لي مدة وانا فاقدكم تغينون ولاادري وين تروحون عاد انا حركت مصادري فى المنتدى وعلموني انكم هنيا وااااااااااااخ يالقهر الموضوع منتفخ واصلاااا 6صفحات وانا ياغافلين لكم الله.:hi:

يارجال ماعلمك إلا عليان

أعرفه العلم في بطنه حلول

لكن شغله عندي إن ماقلعت ضروسه

[راشد التوم]

فالك التوفيق يابومطلق

والمثل صحيح ...إلك...والمسل عندك

مادام المسل عندي استلموا



ترسله000 0000 تَلقمه 0000 0000

[راشد التوم]

شكله صعب او انتهينا عند هذا الحد وللتوضيح

ترسله ما 00000 وتأكله ما00000

[أبوعبدالله]

شكله صعب او انتهينا عند هذا الحد وللتوضيح

ترسله ما 00000 وتأكله ما00000


ترسله ما شفته وتاكله ماذقته

الله يعينا عليك يا التوم1

ها وش رايك

[راشد التوم]

حولها يابو عبدالله حاول تراك قريب بلحيل

[أبوعبدالله]

حولها يابو عبدالله حاول تراك قريب بلحيل

الاوله
ترسله ما ترسله وتاكله ما تاكله

الثانيه

ترسله وتخاويه وتاكله ما طبخته

الثالثه
ترسله مادريت عنه وتاكله عجينه

والله اللي عجناهااااااااااا ههههههههههه

طب وتخير يا التوم1

[راشد التوم]

ابو عبدالله عجنتها ولعنت والديها


المثل ينطبق على الشخص الى مايسد اللزوم والطماع للتوضيح

[منصور الحري]

شكله صعب او انتهينا عند هذا الحد وللتوضيح

ترسله ما 00000 وتأكله ما00000

ترسله ما يرجع،،،وتوكله ما يشبع
أو ترسله مايطمع
هاه عساني حولها

[راشد التوم]

ترسله ما يرجع،،،وتوكله ما يشبع
أو ترسله مايطمع
هاه عساني حولها


الله لا يهينك يالفتى منصور جبتها الله يعطيك العافية

[منصور الحري]

الله لا يهينك يالفتى منصور جبتها الله يعطيك العافية

مشكور أخوي التوم
ودام المثل وقف عندي..ها استلموا السهل الممتنع
المثل يقول((سرني من سر ....))
دمتم بود

[أبو حمود]

((سرني من سر ..نفسه))

[منصور الحري]

((سرني من سر ..نفسه))

جبتها بيض الله وجهك
وننتظر المثل عندك يامورد الهايب

[أبو حمود]

جبتها بيض الله وجهك
وننتظر المثل عندك يامورد الهايب

وجهك ياكحيلااااان .. الحقيقه عندي مثليين واحد شعبي والثاني شعبي مصري والي خلاني اجيب مصري هيضوني
الشباب في رددوهم السابقه :)
المثل يقول ( الماء دربه ....... )

أما المثل المصري يقول ( عيشني اليوم و .........)