تسجيل الدخول

مشاهدة النسخة كاملة : يالسبيعي الغازي تعال ابغاك في موضوع خطير وانتبه لايدري ابو عمر

اخو شما
02 - 07 - 2003, 23:13
هاه جيت
مافيه الا انت اكيد
اصصصصه كأن ابو عمر يناظرنا
لا لا لا مافيه الا العافيه بس ابو عمر ذا مسوي لنا رعب:confused:
اسمع انت وش رايك باللي حاصل جينا مشرفين وجت على مانبي
وابو عمر بحسن نيه قطع علينا نصف المشوار
اسمع زيييييييييين بس اول تأكد ان مافيه غيرنا
الى متى هانجلس مشرفين اصلا ابو عمر ناوي يخلي الاشراف مثل كرسي الحلاق
كل يوم واحد:D
فاوش رايك نتغدى بابو عمر قدام هو مايتعشى فينا:D
وش بك ارتعت اعصابك خلني اخلص كلامي
وش رايك نسوي انقلاب
ايه ايه انقلاب
تعال حسبي الله عليك وين رايح كل هذا خوف تعال وماعليك:mad:
اسمع الان فرصه ابو عمر واثق فينا مره مره
ماعليك بالنسبه للفلوس امرها بسيط ..ناخذ ضريبه على المواضيع اللي في منتدى اخو شما.
ولا يهمك لاتزعل منتدنا كلنا ماهو لي لحالي بس شف اذا نجحنا انا اللي هاكون المدير العام
وبالنسبه للاعضاء اللي معنا امرها هين وبسيط
في عضو نقدر نسيطر عليه بسهوله وخله علي انا تدري منهو , انا اعلمك تعال قرب
موصــــــــــــــــــــــــــــــاحي
ايه موصاحي توك تدري هو وده بس مالقى اللي يشجعه
وايضا عندك ابن براك البارح كلمني وقعدت اللمح له والظاهر انه مستعد يكون معنا
اجل اسمع اذا انت موافق بنرسل رسائل خاصه لبعض الاعضاء اللي متوقعين يكونون معنا
ونقولهم الوعد ..الوعد..هاه وش رايك وين الوعد؟
ابوك للجنه والله انك صادق المكتبه المرئيه على قولك محد يجيها وقسم شبه فاضي
صادق صادق اجل شف الوعد يوم الجمعه بعد صلاة العشاء هناك
خلاص وانتبه لحد يراقبك
خلاص فهمت
يالله يالله مشينا قدام مايطب علينا احد
اسمع اقطع الاتصالات بينا حتى يوم الجمعه لأني سمعت ان ابو عمر بادي يشك
يالله اشوفك على خير
بن براك
02 - 07 - 2003, 23:35
اخو شما

قصر صوتك

شنهي كلمة السر ????

وانا معكم بس بشرط

انا اكون المشرف العام :p

وتحديد ساعة الصفر عندي :cool::D:cool:

وافقتو كان بها

موافقتو بفضحكم وبيحطني ابو عمر نايبه ;)

بن براك
خالد الشماسي
03 - 07 - 2003, 00:03
يا ولد هنا أحد .......... أنا قلبي يقول إن فيه شيء ..........بس مدري ويش هو ؟؟؟؟!!!!


>>>>>ويش الحل يا أبو عمر ... .

<<<<<أحسن حل أنك تحط كل ألأعضاء مراقبين .... .

>>>>> تهقى أنه ازين .

<<<< نعم وافضل شيء لجل تحصن روحك من هالمجنن .

>>>>> أنا من رأيي انك تسكر المنتدى المفتوح ،،، أجل انت ما سمعت باب مفتوح يجي منه شر سكره .

<<<< رأي زين .

>>>>> ولا أقول اصبر يمكن يجيك خبر عن ويش بيسوون وذيك الساعه تصرف .

<<< رأي طيب أجل نصبر :rolleyes:


>>>>> فتح عيونك وأنا مثلك ، ولا تبعد عن المنتدى .

<<<< طيب .
السبيعي الغازي
03 - 07 - 2003, 01:56
ياوووووووو ...... ابك أنت علامك يا أخو شما

أنت أكيد كنت في مستشفى الهدا في الطائف وألا كنت في مستشفى
ثاني ((( الذاكرة : مستشفى الصاحين )))) .
اي انقلاب الله يهديك ذا الحين الرجال خايف منا وحاطنا مشرفين
وأنت تقول نقلب أبك ذا أبو عمر رجال ولا كل الرجال ابك ذا اللي
جمع القبيلة في مكان واحد يوم نادى ( منتديات سبيع) أفا والله أدري
إنك ما زلت تعاني من أثار البنج من مستشفى الهدى هذا إن كنت فعلاً
فيها . بس ما عليك بقفل الموضوع عشان ما يدري عنك ابو عمر ويفصلنا
من القبيلة( قصدي المنتدى خصوصاً ومنتدنا بابه مفتوح دايم .
أقول الله يرجك الظاهر إن سمعت وقش ابو عمر ... لو الله سمعنا.
ما عليك عندي واسطه بنصلحها المرة ذي بس لا عاد تعودها .
سمعت .
.
.
.
.,












تبيني أعلمك المقدمة ذيك كلها فرش وأبوعمر بيقراها وبينبسط من كلامي
بس إنا على الموعد .نفذ خطتك (وخلك من موصاحي تراه حروش)
شف المستحيل تراه مجبر ذا اليومين وبينفع نستعطف به الأعضاء.

( ابو عمر : لا تصدق تراها مزوح ) ( وألا تدري صدق وريحنا من الإشراف
الله ...... ( يعلي قدرك عند واليك )

تقبلوا جميعا تحياتي الخالصة
خالد الشماسي
03 - 07 - 2003, 02:17
يا نفداك يا السبيعي الغازي والله يطول لي عمرك أدري انك ما تقصر بس اخاف يغسلون مخك هالمجنن .


ألا اقول ويش رايك تساعدني عليهم وتصير مراقب .


بحطك بدال موصاحي اللي مثل بيض الصعو يطرى ولا يشاف .


ولا اقول بادلني بصير مكانك وانت تعال هناك بس ترى محلك ازين هناك بلشه فيه جماعة مرصفين يحترون الفرج بعضهم من يمكن ما تقدر تقوله لا . وتخربها;)
السبيعي الغازي
03 - 07 - 2003, 02:29
أبشر بسعدك يا ابو عمر اللي تطلبه جاهز

بس بشرط ......؟؟؟؟!!!!!














أخو شما يا عصابة راسي لا يجيه مثقال ذره .
أنا رفيقك في الليل المعاسير ..... وألا الرخاء كل(ن) يسد بمكاني

شكر الله لك مداخلتك أبو عمر والشك زائل طال عمرك
تقبل فائق تحياتي
اخو شما
03 - 07 - 2003, 02:31
ههههههههههههههههههههههههه
ابن براك
ابو عمر
السبيعي الغازي
ماعاد اقدر اكمل بموت من الضحك
الجيران من كثر ضحكي شكوا فيني
بس اسمع يابن براك انت وابو شرك انزلوا تحت ابيكم شوي
7
7
7
7
7
7
7
7
7
7
7
7
7
7
7
7
7
7
7
7
7
7
اسمعوا ترا ذا ماهو ابو عمر
هذا شبيهه
ايه ايه
ديروا بالكم لاتنسون الموعد يوم الجمعه وانت يابن براك لاتقوم تهدد خلاص اللي
تبيه بنسويه
اما انت حبيب البي ابو شرك وينك رايح حبيبي ترانا في الهوا سوا
يعني مصيرك مربوط في مصيري
والتراجع له عقوبه وحده بس
انتبه تراك ماتعرفني زين تراهم يسموني اخو شما الكيماوي على وزن
المجنون العراقي راعي حلبجه.
ولاتنسى اجل تكلم المستحيل وتوعده بالمنصب الزين واذا نجحنا اول واحد نضحيبه هو.
السبيعي الغازي
03 - 07 - 2003, 02:42
اشوى أحسبه ابو عمر ...... يا ولد
أجل توكلنا على الله ...

المستحيل يسحب رجليه خاف نبلسش به يا ولد

تدري وشلون أنت نفذ ( ا ل ا ن ق ل ا ب ) ما أقدر أكتبها كامله قويه
يا اخو شما ... وحدك مع العيال وأنا طال عمرك بزين علاقاتي مع ابوعمر
أما تفشل وألا شيء أصير أنا اتوسط لك ونرجع حبايب بس وش رايك نركب
باب للمنتدى ترى الجماعة أشوفهم طيحين ينزلون مواضيعهم هنا بس
خصوصا الأخ / ابن براك ( أمزح ) والمنتدياتالأخرى تاركينها حتى
الخ/ ابو عمر ترك مراقبة المنتديات وعانه مغير لابد في منتدانا
( وش رأيك نسمي المنتدى ( منتدى أخو شما وشريكه ) طبعاً بعد ...( اللي ما يتسمى)
خالد الشماسي
03 - 07 - 2003, 02:49
الشامل : خلك معهم يا رئيس الإستخبارات وطبق الخطه .

واسمع بوصيك

السبيعي الغازي واخو شما

اقلب لون منتداهم بناتي خل كل اللي يدخلون عليهم يشوفون لون منتاهم بناتي .


وعليك بهم . وإن قدرت تزود زد .


الشامل : أبشر وعندي رأي تفرقهم في منتديات عده لجل ما يسوون عنصريه ودكتاتوريه مثل هذا السبيعي الغازي .

ابو عمر : لا اصبر تراهم لا يقين على بعض اخاف ينشرون المرض في المنتديات :)

الشامل : يعتمد تعديل لون اللمنتدى المفتوح .

لكم تحياتي
بن براك
03 - 07 - 2003, 02:52
السلام عليكم

اخو شما

السبيعي الغازي

شكلي انا اللي بسوي انقلاب عليكم وباخذ

المنتدى المفتوح ( منتدى اخو شما وشريكه ) :D

لاعاد تجيبون طاري انكم تحطون باب :mad:

فقد اعذر من انذر

بن براك
السبيعي الغازي
03 - 07 - 2003, 03:00
ابن براك .... أنت واعي [[ لا ذا الحزة ))( ما بين القوسين ظني ما يعرفونها ألا أهل الخرمة ورنية)
اسفين يا ولد أنا كنت أمزح مع اخو شما
بصراحة ناوين نعطيك جائزة العضو المميز
على طرحك للمواضيع مع إني كل ما دخلت ابغا
أرد على المواضيع الجديدة تعثرت في مواضيعك
من كثرها يا ولد الهاتف صرف علينا من كثر تتبع مواضيعك
والرد عليها . لذلك بنعطيك الجائزة بدري قبل نعلن المسابقة
وش رأيك بس لا تزعل علينا .

أبو عمر : الله يسامحك .. إذا غيرت المنتدى للون بناتي
بتشوف الشباب كلهم عندنا وبتخسر المنتديات
الثانية وبتشوف المستحيل ينزل الموضوع ويشكر نفسه على إنزله
وتشوف البدر ورفيقه ::: ينزلون القصيدة مرتين واحد ينزله والثاني يشكره
وتشوف راعيها ما عاد هو راعيها من قل الزوار.
وتشوف ابن جراح وسمارت طافيتن ظوهم ما عندهم أحد يرحبوبه ز
طعني وركب باب لمنتدانا وخله على ما هو عليه .
اخو شما
03 - 07 - 2003, 03:01
ياناس ارحموني
والله ماني اقدر اكتب مثل الناس
مت من الضحك
ولدي قام من النوم
ههههههههههههه
السبيعي الغازي
03 - 07 - 2003, 03:05
العلم ويش ..... منتدانا علامه
يا ولد .
( اخو شما )
ابو عمر هّونَّا ياولد إن انقلبنا عليك
بلغ المرور . وهو يتولانا .

بس رجع منتدانا على ما هو عليه .

تكفى ترى تكفى تهز الرياجيل .
خالد الشماسي
03 - 07 - 2003, 03:05
الشامل : ابشرك عدلنا اسم منتداهم وصار اسمه الجديد

المنتدى المفتوح _ اخو شما وشريكه

وعدلنا لون منتداهم صار وردي mac2


أبو عمر : بيض الله وجهك اسمع وقف سيارتك جنب الباب حق المنتدى لجل ما يقدرون يركبون باب لمنتداهم // وقربه منهم لجل يضايقهم

الشامل : ما عليك هذي مسويها من زمان بس تراهم اللي مريض والي مجبر ما عليك منهم .
السبيعي الغازي
03 - 07 - 2003, 03:17
أخو شما : فارس القبيلة لا عدمناك .
أخو شما : فارس القبيلة لا عدمناك .
أخو شما : فارس القبيلة لا عدمناك .
أخو شما : فارس القبيلة لا عدمناك .

فارس القبيلة : أبشر بسعدك
اخوشما: يا ولد وخذ لون منتدانا تكفى يا فارس القبيلة
رده لنا إلحق الغزاه.
فارس القبيلة : أبشر سوف ألحق بهم قبل أن يبتعدوا
ثم لا أمزقمهم إرباً إربا ولأقطعنهم تقطيعنا صغيراً
حتى لا يجرؤا على غزو منتدياتنا وأخذ ألوانها بعد اليوم
دعهم لي .... دعهم لي

أخو شما : إلحق بهم وافعل بهم الأفاعيل مزقهم كل ممزق
فارس القبيله : إزهلهم ... إزهلهم ( شفرة خاصة لقبيلة سبيع)
اخو شما : ونعم فيك يا فارس قبيلتنا.
السبيعي الغازي : كفو عليك بهم إنهم أبو عمر والشامل
فارس القبيلة : ما ..ما......ما..... منهم ماذا قلت أعد أيها الرجل
اخوشما : ( حسبي الله عليك يا شريكي ... خربت علينا )
فارس القبيلة : اب... اب.... ابو عمر لا سوف ألحق به حتى
أجده وولله لأتينه ثم لأقول له بالحرف الواحد:
لو سمحت رجع لون منتداهم لهم وإن ما رجعته بكيفك أنت حر .
السبيعي الغازي : ونعم والله بفارس القبيلة ( عارفينك وعارفين مغامراتك )


الأخوة الأفاضل : أرجو المعذرة فهذه مزوح لادخل الدعابة على الموضوع لا أكثر
شاكر ومقدر الأخوان الكرام ( ابو عمر واخوشما على سعة صدورهم )
تقبلوا فائق تحياتي.
اخو شما
03 - 07 - 2003, 03:21
ابو شرك
حبيب البي
انت وينك
اصصصصصه
انزل انزل

7
7
7
7
7
7
7
7
7
7
7
7
7
7
7
7
7
7
7
7
7
7
اقول الله العالم اللون البناتي ذا هو مايشوفه الا انا وانت والا كل الاعضاء والضيوف
يشوفونه؟:eek:
اسمعني زين اذا كسب ابو عمر جوله فتراه ماكسب المعركه
وش رايك نغير التكتيك؟
اجل البس النظاره السوداء:cool:
ها اسمع زين
الظاهر انا استعجلنا ولاحسبنا حساب ابو عمر زين
ياولد له شعبيه قويه..صح:confused:
بس وش رايك اذا نام نسرق المفتاح من ثوبه
لا لا لا ياخوي اي سياره
قصدي مفتاح المنتدى واززززززز طيران تروح تقص عليه
ماعليك انت رح قص عليه وخل الباقي عندي
خالد الشماسي
03 - 07 - 2003, 03:30
أبو عمر : الشامل كيف الوضع الآن .

الشامل إنهم في مأزق وفارس القبيلة ... طاح من الفرس وانكسرت رجله .

أبو عمر : ماعليك منه ان جاك خله يجيني وبدرسه لك من دروس الزير سالم .

الشامل : واخو شما مريض ومن كثر الضحك عوره ظهره والدكتور بيزعل عليه. والسبيعي الغازي يصيح ما يبي لون المنتدى الجديد ويقول لازم تحطون اسمي مع اخو شما وتشيلون شريكه .

ابو عمر : لا تغير اللون لين يوقعون ما يتعودونها .
السبيعي الغازي
03 - 07 - 2003, 03:44
نقر نحن الموقعين أدناه بأن نكون خير مشرفين للمنتدى
المفتوح ، في الفترة القادمة وإن حصل خلاف ذلك فاللإدارة
الحق في تعيننا مراقبين للمنتديات عقاباً لنا لما اقترفت يدينا
في محاولة ( اللي ما يتسمى ) [ حسبي الله عليك اخو شما ورطني)
وإذا نقر عدم المطالبة بأي شيء بعد تعييننا مديرين لمنتديات سبيع
بالشراكة وقعنا بذلك للعلم والإحاطة
والسلام .
http://algazay.jeeran.com/التواقيع.gif
اخو شما
03 - 07 - 2003, 03:51
انا موافق
وهذا توقيع على شيك مفتوح
او تدرون خلاص السبيعي وقع عني
بس انا عندي شروط وهي:
1- ان لا يتم نفينا الى الارشيف
2- ان يصرف لنا بدل تعيين كمشرفين طبعا راتبين ومثل ماقال ابو شرك
حنا مقبيلين على زواجات والله يعينا على المعونه, اذن نحن في امس
الحاجه لبدل التعين
3- اذا تم نقلنا الى اي قسم فيصرف لنا بدل نقل عفش
4-الشروط اعلاه ليست اجباريه يعني اذا ماتبون تدفعون فحنا مسامحينكم
خالد الشماسي
03 - 07 - 2003, 03:52
خلاص يا ويلكم ان تعودتوها :):)
السبيعي الغازي
03 - 07 - 2003, 04:17
http://images.animfactory.com/animations/computer/creatures/analyzing_computer_tv_head_md_wht.gif
حال : اخو شما وهو يوقع الإقرار

http://images.animfactory.com/animations/computer/parts/server_on_fire_md_wht.gif
جهاز ابو عمر من كثر محاولاته لقمع المشرفين المتمردين


http://images.animfactory.com/animations/business/miscellaneous/workstation_office_chair_spinning_md_wht.gif
مكتب مدير المنتدى


http://images.animfactory.com/animations/science/chemistry_physics/horseshoe_magnet_magnetic_rays_md_wht.gif
يوضح مدى قوة جذب المنتدى المفتوح للأعضاء
اخو شما
03 - 07 - 2003, 22:25
انتهى الجزء الاول
ويليه الجزء الثاني
ولكن بعد هدوء العاصفه التي احدثتها محاولة الانقلاب الفاشله:confused:
فانتظرونا:D
خالد الشماسي
04 - 07 - 2003, 04:04
اخو شما..........-:(
اخو شما
04 - 07 - 2003, 04:39
ابشر يابو عمر;)
البارع 2000
06 - 07 - 2003, 17:18
ما شاء الله .............

المشرفان / السبيعي الغازي واخو شما .......

وين بترحون الباب اللي دخلتوا معه ممنوع منه الخروج للدخول فقط هذا اولا

ثانيا / باب الخروج مجهز باجهزة استكشاف مطورة وحديثة ... وهو فاتح للخروج

حتى مافي القلب الله العالم يمكن يمسك على يد ك والله يستر

هذا المعلومات سرية وقد اخبرني بها صاحب الشان عند ما كان صد يق وياخذ رائي

يمكن غير هذه الطرق...... لا اعلم لانه غير احبابه ......

اللمهم لكم الحرية .............

السبيعي الغازي خبري بك لا تقول الا الحق ولا تحيد عنه ....... اشوفك بتسلم الجائزة لا ابن براك

ولا احد شاف ولا احد درى ..........


ان شاء الله تنرفع ونصير مشرفين للمنتدى المفتوح ....... ونغير جميع مافعلتوا ونشوف الخطط

خاص لا ابو عمر ((( جنت على نفسها بر اقش )))
بن براك
06 - 07 - 2003, 18:20
السلام عليكم

هلا بالبارع

اقول لولا الحسد ما مات احد :p

دخيل الله خلني استلمها ومابينا اخلاف

وبعدين ياخي لي سنتين مانسمع منهم الا كلام :D

فلا تستعجل

وبعدين السيارة الي بيهدونها اسوقها شهر وانت شهر

بس لاتخرب علينا :mad:

بن براك