محمد بن حمدان
05 - 02 - 2007, 14:24
صداقة قرناس
أبك ! الطيور أشكال وأنواع وأجناس =ولكل منها - حسب قدراتها - دور
البعض منها رخم .. والبعض قرناس=والبعض منها نسر .. والبعض عصفور
والبعض منها ف المواقيف حساس =لا يقبل الزله .. ولا يقبل الجور
والبعض منها طير سارق وبلاس =عايش على الهزله .. ومنهي ومامور
وأصل الشبه واضح على ساير الناس=فيهم رخم .. والبعض من ماكر صقور
تلقى صقور الناس للمجد حراس =بانين في ضلع الوقا دور وقصور
والرخم منهم لا مكانه ولا ساس=بالذل والخيبه مع الناس مشهور
وأنا يشرف ماقفي ساطي الباس =ريف الخوي .. سقم العدا .. صايب الشور
رجلٍ تحيزم به لعمين الارماس =يفزع بميقاف النشامى على الفور
ماهو بمن يجفل لدقن الاجراس =ياقف لها لو كانت اكبر من الطور
صادق وماخذ رادع الدين مقياس =نشمي .. ومتواضع .. ولا هو بمغرور
خل الذي لا طوحت صار منحاس =ياخذ تلابيبه ويقفز على الصور
كن من رمى في مسمعه قرن بسباس =كنّه مركب تحت الاقدام ماطور
هذاك ماله ف الدواوين مجلاس =يبعد عن دروب المطاليق مثبور
يا تاجر الحكمه ويا شامخ الراس =خذها نصيحه واقبل الشور مشكور
من قبل ما ياقع على راسك الفاس=وتصير تاجر للخرافات والزور
جنب صداقة رخم معدوم الاحساس=والزم صداقة صقر من ماكر صقور
محمد بن حمدان المالكي
17/1/1428
أبك ! الطيور أشكال وأنواع وأجناس =ولكل منها - حسب قدراتها - دور
البعض منها رخم .. والبعض قرناس=والبعض منها نسر .. والبعض عصفور
والبعض منها ف المواقيف حساس =لا يقبل الزله .. ولا يقبل الجور
والبعض منها طير سارق وبلاس =عايش على الهزله .. ومنهي ومامور
وأصل الشبه واضح على ساير الناس=فيهم رخم .. والبعض من ماكر صقور
تلقى صقور الناس للمجد حراس =بانين في ضلع الوقا دور وقصور
والرخم منهم لا مكانه ولا ساس=بالذل والخيبه مع الناس مشهور
وأنا يشرف ماقفي ساطي الباس =ريف الخوي .. سقم العدا .. صايب الشور
رجلٍ تحيزم به لعمين الارماس =يفزع بميقاف النشامى على الفور
ماهو بمن يجفل لدقن الاجراس =ياقف لها لو كانت اكبر من الطور
صادق وماخذ رادع الدين مقياس =نشمي .. ومتواضع .. ولا هو بمغرور
خل الذي لا طوحت صار منحاس =ياخذ تلابيبه ويقفز على الصور
كن من رمى في مسمعه قرن بسباس =كنّه مركب تحت الاقدام ماطور
هذاك ماله ف الدواوين مجلاس =يبعد عن دروب المطاليق مثبور
يا تاجر الحكمه ويا شامخ الراس =خذها نصيحه واقبل الشور مشكور
من قبل ما ياقع على راسك الفاس=وتصير تاجر للخرافات والزور
جنب صداقة رخم معدوم الاحساس=والزم صداقة صقر من ماكر صقور
محمد بن حمدان المالكي
17/1/1428