تسجيل الدخول

مشاهدة النسخة كاملة : مجاراة السيف في المقناص

أبو يزيد
09 - 02 - 2007, 18:41
اعزائي في رحلة السبعان الى ارض السودان (ابوعمر) واخوياه كان هناك ابيات للشاعر القدير السيف موجهه لاهل المقناص وحقيقة شدتني وجاريتها في ذلك الحين بابيات متواضعه وانقلها لكم كماخرجت صادقه وعفويه .


الصوت من السيف


مالله كتب لي مع هل الطيب خـوه=حدتني اظروف الليالـي وهونـت
لكـن علـي الله لنـادي وانــوه=في مثلها يابو عمر غير انا وانـت
اثنين من داخـل ريـاض المـروه=والخامس بغرب الرياض ان تيامنت
والاردني يكمل نصـاب المخـوه=لديار قوم مـا عشقنـا لهـم بنـت
هذي طرات الروح والعمـر تـوه=والي يبي يرتـاح قلـه كماكنـت


الصــــدى من ابويزيد


جالي على بدع المثايل جروه= وهاضت هواجيس الضماير ودونت
السيف ضلع الشعر يرقى علوه=وأنا على شفه وهجسه تبينت
شفه مثل شفي وجوي وجوه=ماهوب في جوف المباني والاسمنت
وابوعمر للمرجله شب ضوه=لاهنت يالمنعور لاهنت لاهنت
رجل عريب وتعتني فى السموه=حتى عن المقناص نوهت واعلنت
منصور الحري
09 - 02 - 2007, 18:47
صح لسان السيف
صح لسان أبو يزيد
ولاهنت يالقرم
فـــالح السبيعي
09 - 02 - 2007, 19:13
الله الله على المثايل والجو الرائع

الحقيقه السيف أبدع وأعجبني في قوله


هذي طرات الروح والعمـر تـوه=والي يبـي يرتـاح قلـه كماكنـت

وأنت عارف عسكري

ومجاراه حلوه جداً من أبويزيد وأعجبني قوله


السيف ضلع الشعر يرقـى علـوه=وأنا على شفـه وهجسـه تبينـت
صحت ألسنتكم ياشعراء يامبدعين :8430-003-04-1062:
أبوعبدالله
09 - 02 - 2007, 19:14
صح لسانك يا السيف

وصح لسانك يا ابو يزيد

رائعين بمعنى الكلامه
خالد الشماسي
09 - 02 - 2007, 19:46
مبدع راااااااااااااااااائع يا ابو يزيد


قصيدتين من أفضل ما قرأت



بصراحة اكتشفت أن لدينا شعراء أفضل واجزل من كثير من شعراء الساحه البارزين



لا هان السيف ولا هنت يا أبو يزيد
الجبل الراسي
09 - 02 - 2007, 22:30
مجاراة رائعه وسلمت يداك وصح لسانك ولسان الاخ السيف

تقبل مروري
السيف
09 - 02 - 2007, 23:38
صح الله السانك يابو يزيد على القصيدة الجزلة

ابدعت في المجاراة جدا ولاهي غريبه عليك

ولا عليك زود يالوافي والي مثلك نشتري خوته

والمقناص علمه عند ابو عمر واظنه حدد وقته ووجهته
مصلح ربح
10 - 02 - 2007, 09:21
صوت وصدى


لاهنت يا ابو يزيد ولاهان السيف


ابيات في قمة الابداع


سجلوا اعجابي وتقبلوا تحياتي
البدر
10 - 02 - 2007, 16:15
رجل عريب وتعتني فـى السمـوه
حتى عن المقناص نوهت واعلنـت

لاهنت يابو يزيد ابداااااااااااااااااااااع في ابداااع

بيض الله وجهك وصح لسااااااااااااااانك ملاييين

ولابد من رحلة مقناص تجتمعون فيها ان شاء الله وتعوضون اللي فاتكم وانا معكم :)

تحيات اخوكم البدر
البحيح
10 - 02 - 2007, 16:18
اقراء هذة القصائد وانا اتذوق طعم ومعنى وجزالة الشعر من المبدعين الشاعر السيف وابو يزيد
ابو مساعد1
10 - 02 - 2007, 17:14
الطيب لا تستغربه من هل الطيب


انا اكد على ماذكر ابو عمر


ولكم تحياتي
أبو يزيد
10 - 02 - 2007, 22:58
صح لسان السيف
صح لسان أبو يزيد
ولاهنت يالقرم

صح بدنك

يامنصور

اسعدتني بمرورك يالغالي,,
أبو يزيد
10 - 02 - 2007, 23:00
الله الله على المثايل والجو الرائع

الحقيقه السيف أبدع وأعجبني في قوله


هذي طرات الروح والعمـر تـوه=والي يبـي يرتـاح قلـه كماكنـت

وأنت عارف عسكري

ومجاراه حلوه جداً من أبويزيد وأعجبني قوله


السيف ضلع الشعر يرقـى علـوه=وأنا على شفـه وهجسـه تبينـت
صحت ألسنتكم ياشعراء يامبدعين :8430-003-04-1062:


صح بدنك
يابوبنــــدر

تسلم على ثناءك واعجابك يالغـــــــلا,,,
أبو يزيد
12 - 02 - 2007, 23:01
الاخوه الذين عطروا الموضوع بمرورهم

شكرااا لكم من الاعمااااااااااق ,,
فتى العزه
13 - 02 - 2007, 10:30
صـح لسانــك

يبويزيد

على المجاراه الرائعه
مشعاب
17 - 02 - 2007, 20:47
السيف وابو يزيد


انا اشهد انكم ما قصرتوا ذكرتونا المقانيص لا هنتوا


كل قصيدكم نقوه لا هنتوا