ياطويق ياطويق ... وين أنت

[حمر عين]

قبل أمس وأمس ونهار اليوم والليله = وأنا مع الهم والضيقه على حالي
أكتم صوابي عن العربان وأشيله = وأضحك وأسولف وكني داله سالي
وإن جيت ياطويق صاحب مثلك أشكي له = أبدي له السد وأشكي له عن أحوالي
أشكي له اللي معاد أقوى غرابيله = شفت الغرابيل منه ألوان واِشكالي
أول عذابي عذابي من مظاليله = سود هدبها يجي له تحته ظلالي
إن سلهمت ياعنا العاشق وياويله = وإن فتحت ياهجاده في الخلا الخالي
والثانيه كان سمعني مواويله = لاجا يسولف تقول يجر موالي
هرج يعدل موازينه عن الميله = كنه يعاير مقاديره بمكيالي
والثالثه مامعي في قضبته حيله = لاهوب إبن عم لي ولاولد خالي
من طارف الناس صعبات مواصيله = مغير أهون على نفسي بالآمالي
ياطويق عزي لراع الحب عزي له = يضرب به الحب في غبات الأهوالي
قد راح قيس الملوح في هوى ليله = وإن راح الأول فلا تنشد عن التالي

[ابن شطيط]

يـاطـويــق عــزي لــراع الـحــب عـــزي لـــه يـضـرب بــه الـحــب فــي غـبــات الأهـوالــي
قـد راح قـيــس الـمـلــوح فــي هــوى لـيـلــه وإن راح الأول فـــلا تـنــشــد عـــن الـتــالــي


صح لسانك ملااااااااااااااااااااااين على هذه الرائعه

اخوي حمر عين والله يعينك وطويق يسند عليه ولاتبخل هذي الأوله ونبي غيرها

تحياتي لك

ابن شطيط

[اخو شما]

قـبـل أمـس وأمـس ونـهــار الـيــوم والـلـيـلــه= وأنـا مــع الـهــم والـضـيـقــه عـلــى حـالــي


صح لسانك على ها لقصيده
اخوك
اخو شما

[البدر]

اخوي حمر عين لاهنت على هاالرائعه والتي تضاهي في روعتها روعت قائلها اشكرك من الاعماق على المشاركه وصح لسانك ملايييييين




اخوك البدر

[طويق]

حييت يااللي تجر الصوت وتشيله== ماهوب أنا اللي من الضيقة تشكوالي
أشوف راع البريد أكثر مراسيله== حتى العلاوي يجيها أبراج وارسالي
فريد شوقي يمشيها بتمثيله == في عالم الحب له قصة وتمثالي
الخط قدمك مطباته وتحويلة== العب معه (يا للاله.........) لالي
لاتكتب الحرف ثم تعود تزيله== ماهي معك لو تلف يمين وشمالي
إن قام واحد فالاخر ليه تدعيله== عن الرشيدي مساعد قام هذالي
هي رحلتك في الشتا معطتك تحصيله== عن رحلة الصيف ربع جنيه وريالي
كل(ن)عطاك العطايا من محاصيله== وانا بعد لاوفيت أعطيك من مالي
من قدك اليوم تعسيلة وتعليلة== في ظهر جمسك تعد أكيال واميالي
لعاد اشوفك ترى للنفس تقفيله== حول الحمى واقرن الاول مع التالي
عقب الوتر رتل القرآن ترتيله== مع سورة الناس والجمعة والأنفالي
مط الشنب مايفيدك لاوتفتيله== فريد شوقي يبى يلعب على اشكالي

[عزيز النفس]

صح لسانك يا حمر عين

و صح لسانك يا طويق

و لا هنتو

[ابن جـــــــراح]

حمر عين + طويق

لا هنتوا على المساجله وبيض الله وجيهكم عليها يا الذيابه

تحياتي لكم جميع

اخوكم بن جراح

[سعد بن جراش]

بسم الله الرحمن الرحيم

الله الله الله


إن سـلـهـمــت يـاعـنــا الـعـاشــق ويـاويـلــه)()( وإن فـتـحـت يـاهـجـاده فــي الـخــلا الـخـالــي


صح لسانك ياحمر عين ملااااااااااااااااااايين



كل(ن)عطاك العطايا من محاصيله== وانا بعد لاوفيت أعطيك من مالي


وصح لسانك ياطويق


بصراحه صوت وصدى رائعين وقد يستغرب البعض الرد

الجاف منك ياطويق

حييت يااللي تجر الصوت وتشيله== ماهوب أنا اللي من الضيقة تشكوالي

لكن من يعود لمنتدى المحاورة ويرى مواضيعكم قد


يستطيع فهم بعض الرموز والمفردات واسلوب الرد المختلف


دام لنا هذا التواصل

وتقبلوا تحياتي

[طويق]

عزيز النفس - ابن جراح - سعد بن جراش

شكرا على المرور .

لعلك أصبت يابن جراش بعض الحقيقة للرد على سؤالك (الرد الجاف) .
تحياتي

[المزاح]

* حمر عين * طويق *

تسلمون والله على المساجله الجزله وبيض الله اوجيهكم ويعطيكم الف عافيه على القصيد الطيب

تحياااااااتي لكم

[ابن شطيط]

لاهنت اخوي طويق

وماقصرت وافي والرد وافي

ومساجله بين شعراء لهم وزنهم

دام لنا عذا لتواصل والله لايهينكم

تحياتي للجميع

اخوك

ابن شطيط