ابي رايكم ونقدكم البناء .. واخص ابوعمر

[حفيد المجد]

اخواني في منتدى الغلباء رجعت لكم وودي استفيد قد ماقدر من الشعار والاخوان الاكثر خبره والاكبر عمرا مني وانا

مستعد اتحمل اي نقد بناء من اين كان ولابي احد يستحي او يخاف من تحطيم معنوياتي لاني احمدالله واثق من عمري

وعادني في بدايتي واذا ماعالجت اخطائي ونا ابو 20 متى بعالجها .... والقصيده المتواضعه اللي بين ايديكم اتمنى

تنول استحسانكم والله الله بالنقد البناء (( المدح شابعين منه قدام نجيكم)) يقوول:


يالله ياعالم خفا كل الاسرار=ياواهب(ن) كل المخاليق ترجيه
افرج لعبد(ن)يشكي البعد محتار=لامن غشاه الليل الهم يطويه
حاله كما طفل(ن)تولّوه الاشرار=عمّ(ن) رديّ(ن) بالمذله يمشيه
والا كما عود(ن) تعانده الاقدار=نسله بنات(ن) والمنيّه تباريه
والا غريب(ن) طاف في كل الاقطار=الا بلاده ظيمها دوم حاديه
والا عجوز(ن) دمعها مثل الامطار=تنعى ولدها بالعشيّه وتبكيه
والا عزيز(ن) يشتكي وقت غدار=وقت(ن) يحدّه صوب منّة معاديه
والا فقير(ن) صابه الهم مدرار=يدعي ويطلب يرتجي لطف واليه
والا حبيب(ن) مامعه كود تذكار=يشكي زمان(ن) فرّق اليوم غاليه
والا سجين(ن) يبتغي آخر اخبار=اهله نسوه وصادق الشوق يلهيه
يالله يامعتق عبيدك من النار=ارحم محمد ماجراله يكفيّه وسلاااامتكم

[ماضي المديري]

سبيعي مطفوووق
يعجبني اصرارك على النجاح

هذي والله ماهي مجامله

[فـــالح السبيعي]

ممتاز ياسبيعي مطفوق

صح لساااانك والقصيده صياغتها رااائعه

وعندي ملاحظه في عجز هذا البيت

لامن غشـاه الليـل الهـم يطويـه والصح هو

لامن غشـاه الليـل والهـم طاويـه

[أبو يزيد]

صح لسانك

يامحمـــد

فعلاااا انت انسان جميل قبل أن تكون شاعر وجمال روحك يتضح مع كل مشاركه
امامن ناحية القصيده فهي جميله جداااا جداااا
واترك النقاط لاخي الكبير وأستاذنا ابوعمر ليبينها لك وهي بلاشك لاتلغي جمال القصيده.

[حفيد المجد]

ماضي المديري لاهنت ع المرور

تحياتي يالذيب

[حفيد المجد]

ابوبندر لاهنت يالغالي على الرد المفيد لي

اما بخصوص صياغة البيت يالغالي فالعجز اصلا (لامن غشاه الليل والهم يطويه)) والواو مانتبهت اني ماكتبتها

لكن هذا مايمنع روعة الصياغه اللي انت صغتها

دمت بود ولاخلا ولاعدم

[حفيد المجد]

د . ابويزيد

الاجمل تواصلكم معي وتبيين جوانب الخلل عندي

وتمنيت انك تنقد الابيات وانت ماتقل عن ابوعمر دون قصور في الشعار الباقين

ملاحظه : د.ابوعمر ابطيت ((لك وحشه))

[خالد الشماسي]

مرحبا أخي سبيعي عاقل

تقبل مني هذه الكلمات والتي اقصد منها توجيهك وفق رؤيتي :

جميع الأبيات السابقة جيدة والملاحظة على هذين البيتين :


والا سجين(ن) يبتغي آخـر = اخبـاراهله نسوه وصـادق الشـوق يلهيـه
يالله يامعتـق عبيـدك مـن النـار=ارحـم محمـد ماجرالـه يكفـيّـه


والا سجين(ن) يبتغي آخر اخبار=اهله نسوه وصادق الشوق يلهيه

همزة الوصل وهمزة المد دائما ما تسبب ثقل لدى الشعار
يبتغي آخر : سببت الهمزة ركاكة في البيت وهو يعطي انطباع لدى السامع بضعف الوزن لدى الناظم

أهله نسوه وصادق الشوق يلهيه : فصادق الشوق لا يلهي ولكن يدفع للتوجد للخروج ورية الأهل فكلمة يلهيه غيرجائزة في المعنى ويتوجب عليك عكس معناها .

يالله يامعتق عبيدك من النار=ارحم محمد ماجراله يكفيّه

هذاالبيت يحتاج إعادة صياغة والربط بين الدعاء والطلب وهو بحالة الحالية جائز اذا كان اسم الناظم محمد والأجدر اعادة صياغته

وبالتوفيق

[منصور الحري]

شكراً لك يابو عمر فعلاً نقد بناء ووافي وفي محلة
مما جعلني أفكر جدياً في طرح قصائد لي وآخذ رايك ورأي الإخوان فيها