موعد المقناص القادم

[خالد الشماسي]

السلام عليكم

نظراً لحقكم علينا ورغبة في خوة شرواكم وجب علينا اخباركم بموعد هذا المقناص


الدولة : احدى الدول التي سيقع عليها الأختيار
الموعد : بداية شهر رجب من هذا العام
أدوات مهمة : لبس واقي من عظ الأسود ولسعات الكوبرا بالإضافة للجواز والمستلزمات الأخرى .
مهارات ضرورية : اتقان كبسة المضغوط وتتبيل المشاوي والرمي بدون ناظور لمسافات بعيده .
مدة المقناص : من 15يوم إلى 20 يوم وفق المشورة .




:1044199220:

[يســ الصمت ــود]

الله يوفقك يابو عمر ومنت عفو من الطيب والبيضاء دائما والمقانيص وإعلوم الرجآل


كلها موجوده ومتقنه بس الضروف ما تسمح وآلا أتشرف بخوتك وخوة النشاما اللي مثلك


وفقك الله في حلك وترحآلك

[فـــالح السبيعي]

حجز فاخر على متن هذه الرحله إن شاء الله

لا أجيد القياده أثناء القنص

لا أجيد الرمي بدون ناظور إلا من مسافات قريبه {4 أمتار}

أصلح قهوه وشاهي وأطبخ وأنفخ وأصلخ

وإذا فيه كوبرا وأسود ماني برايح

والراي لكم:biggrin:

[أبوعضيدة]

الموعد : بداية شهر رجب من هذا العام

[خالد الشماسي]

يسود الصمت : خيرها بغيرها وابشر بالعوض ان الله عطانا عمر

أبو بندر : ضبط الأجازة وتشرفنا خوتك انت وشرواك

ابو عضيده : ان شاء الله ان التاريخ يناسبك



شكرا لمروركم على هذا الموضوع

[البدر]

محجوووووووووووووووووووووووووز

في رجب والا في شعبان معاكم معاكم

لاهنت يابو عمر على الفكرة الرائعة والجواز جاهز وخوة النشاما شراوكم تنشرى

اخوكم البدر

[منصور الحري]

لا والله الخوة اللي تشرى
لكنني ياخوان أستبيحكم عذراً
وذلك لضروف عملي والله ماتسمحلي..
والجايات أكثر إن شاء الله

[راشد التوم]

والله يصور السودان في البال حتى الان وشوفت الغزلان والصيد

واخوت شرواكم تنشرى والله بدون مجامله ولكن لظروف العمل

نعتذر عن مخاواكم واذا رحتم ترنى بايحكم والله يستر عليكم

وتحياتي لكم ابومطلق











ملاحظه


( لا احد يروح ترى فيه اسود ونمور وكوبرا)

واحد مقهور مايبيكم تخلونه ههههههه

[عيسى السبيعي]

الله الله بداية رجب
يعني نزبط الإجازة
نقدمها من بكره
وانا عندي صبت الدله
والمساعده في الأمور الاخرى

[خالد الشماسي]

البدر

حياك الله وخوتك تشرى

الفتى منصور

خيرها بغيرها وابشر بالعوض .

راشد التوم

ان شاء الله نعوضك بغيرها و قد قدمنا خبر المقناص لجل الإيجازات .


عيسى السبيعي

هلا بك ومسهلا ضبط الأجازه وخوتك تشرى

[عيسى السبيعي]

من بداية الشهر نقدمها
وقع القرار وخله جاهز

[المسعري]

ياربع هو بعد لي مكان معكم فودي بخوتكم

خوت نشاما وصيد وعلوم غانمه علي الحرام انها تنشرى

وترى الاجازه من كيس الطبيشي

[بندر الهديب]

ياليتني أروح معكم يابوعمر لو تخلوني أقطع طماط وبصل ابي صحبة الكرام وجلساء الخير ليس إلا .

[الحميدي السويدي]

الاخ أبو عمر خوتكم تنشرى وسجلوني معكم إن شاء الله إذا المولى
يسر ذلك فهذه والله فرصه خوة النشاما شرواكم والاستمتاع بالرحلة
التي فيها رجال أصحاب خبره وأصحاب طاعة وهذه هي المكسب
الحقيقي أسأل الله أن يسر ذلك وأن يفقنا جميعاً لما يحبه الله ويرضاه
وأحسنت التوقيت يا أبو عمر وأنا بجتهد في الاجازة في التاريخ المحدد
إن شاء الله بالنسبه للشروط فأنا موافق عليها واللي تبونني فيه أنا حاضر
وأزيدك من الشعر بيت أجيد السلاخه في وقت قياسي جداً وبمهاره هههههه
لاهنت يا أبو عمر وتقبل تحياتي ,,,,,,أخوك الحميدي بن سعد

[خالد الشماسي]

أخواني

المسعري ، بدر الهديب

شكرا لكم على مروركم ، وهذا الموضوع لم ينشر الا لكم وشرواكم وحضوركم وخوتكم شرف لنا



أخي ابو سعد

هلا بك وغلا ،،، خوتك تنشرى طال عمرك ضبط الإجازة ،، ترانا خلاص اشفينا على خوتك ،، ولا نسمح لك تعتذر فيما بعد .

[أبو يزيد]

أبوعمر يعني مالقيتوا الاشهر رجـــــب

آااااااااااااااااااااه يالقهر


لكن تدري( النيجتيف) حقي اشوفه متكئ فوق وهو نسخه طبق الاصل ومصدقه مني وتراه وداعتك تراه صقرااا يقنص وليده وبواردي وصلاخ (وتهامل عيونه لاقام يقطع البصل ) بس عيبه الوحيد رقووووووووود.
عاد اخذوا معكم مطارة ماء بارده لزوم تصحيته من النوم.

ولاتبطون عنا والحذيه من الصيد .

[شحيفان بن ملفي]

الله يوفقكم يالمقناص والله الله بالغذاء
لالا امزح
الله يوفقكم

[بن مويهان]

يا الاخ خالد تسمحون لي بخوتكم فأنا شاريها
ومعكم بس حددو موعد المقابله الشخصيه ومتى نجهز العزبه
وبئذن الله ان اخاويكم
وتنشرا خوتك والي معك