ابغى رايكم في { البنت و الامل )

[سناني]

بسم الله الرحمن الرحيم

انا اتمنى من اساتذة الشعر السبعان ان يتكرموا باللإطلاع على ما خطه قلمي

طبعا هذي قصة أمره من المعارف حبيت اكتب عنها فــــجــــأت ( البنت و الأمل )


عاشت البنت بسرور =عاشت بدنيا تدور

تقلب الفرحة هموم =تنشر الحزن و كدور

مثلها مثل البنات =تحلم بحب و غنات

يكفيه شر الهموم=يفرحه حتى الممات

عاشت بحلمه ويوم=هلت دموع الهموم

و أهطلت كل الغيوم=و الدعاء لأمه يدوم

جعل ما فيها يزول =و الأجر كله تنول

جعلها تشفى تقوم =و المرض عنها يزول

عاشت البنت بضنون =و أقسمت بأنه تكون

راعيه لأمه رحوم=و دايم(ن) تبقى حنون

عافت الفرّح و زواج=و أضوت بليله سراج

لأمها دايم رحوم=ترتجي ربي انفراج

و الفرح كله تنول=في حياته و القبول

بعد عيشه بالهموم = كل هم(ن) به يزول

يفرحه بعيش وممات=يرزقه كل الرجات

و يجعله طير(ن) يحوم=في جنان المكرمات

[سناني]

:arabiyat-y:



افا ماهيقتها منكم يا عيال العم
المشاهدات 12 و لا احد رد

افا والله

:arabiyat-m2:

[فـــالح السبيعي]

:arabiyat-y:



افا ماهيقتها منكم يا عيال العم
المشاهدات 12 و لا احد رد

افا والله

:arabiyat-m2:
معليش آسفين أخوي سناني
وأبشر بالرد اللي يعجبك

[سناني]

ابي رايكم حتى لو كان جارح

[بن مويهان]

برد ولا احد يضحك

تكفى لا عاد تكتب عن الامراه هذي
يا اخي العزيز ولك خالص تحياتي

[فـــالح السبيعي]

عاشت البنت بسرور =عاشت بدنيا تدور

تقلب الفرحة هموم =تنشر الحزن و كدور
أنت تريد نظم القصيده بطريقة المروبع
والمروبع أخطيت فيه فالمفروض يكون بهذا الشكل

عاشت البنت بسرور =عاشت بدنيا تدور

تنشر الحزن و كدور=تقلب الفرحة هموم



مثلها مثل البنات =تحلم بحب و غنات

يكفيه شر الهموم=يفرحه حتى الممات
وهذا البيت الأخير لابد تعاد صياغة البيت بنفس الصياغة السابقه
مع كسر في هذا الشطر يكفيه شر الهموم


عاشت بحلمه ويوم=هلت دموع الهموم

و أهطلت كل الغيوم=و الدعاء لأمه يدوم
وزن سليم وضعف في المعنى مع ملاحظة بناء قافية البيتين
على قافيه واحده وهي الواو والميم وهذا مخالف للطرق المروبع


جعل ما فيها يزول =و الأجر كله تنول

جعلها تشفى تقوم =و المرض عنها يزول
رجعت للخطأ السابق في بناء المروبع والصحيح هكذا

جعل ما فيها يزول =و الأجر كله تنول

و المرض عنها يزول=جعلها تشفى تقوم
هذا هو البناء السليم للقاف المروبع




عاشت البنت بضنون =و أقسمت بأنه تكون

راعيه لأمه رحوم=و دايم(ن) تبقى حنون
نفس الخطأ في المروبع
مع كسر في وأقسمت بأنه تكون وضعف في المعنى


عافت الفرّح و زواج=و أضوت بليله سراج

لأمها دايم رحوم=ترتجي ربي انفراج
نفس خطأ المروبع
مع تكرار كلمة رحوم في القافيه للمره الثانيه وهذه مخالفه شعريه لاتجوز
مع كسر بسيط في ترتجي ربي انفراج


و الفرح كله تنول=في حياته و القبول

بعد عيشه بالهموم = كل هم(ن) به يزول
نفس الخطأ السابق في بناء القصيده
والوزن سليم وخطأ كبير لاحظته عليك كررت كلمة هموم أو الهموم
أكثر من أربع مرات في آخر القافيه وهذه مخالفه شعريه واضحه


يفرحه بعيش وممات=يرزقه كل الرجات

و يجعله طير(ن) يحوم=في جنان المكرمات
ونفس خطأ المروبع وسأشرح لك القاف المروبع وهو
بناء الشطر الأول والثاني من البيت الأول والشطر الأول من البيت الثاني
على قافيه واحده تختلف في كل بيتين من القصيده
وبناء الشطر الثاني من البيت الثاني على قافيه ثابته في القصيده كلها
إجمالااا المحاوله مقبوله وتحتاج فكره فهذه القصيده لم نعرف ماذا تريد أن تصل إليه
في القصيده أغلبها دعاء غير مرسوم رسم متناسق فأنت لم تعطينا الهدف من القصيده
وأهم شي في الشعر وأول شي الفكره التي ترسم بها القصيده ثم القافيه ثم الوزن الشعري
ثم المعنى
أتمنى لك التوفيق

[سناني]

اخوي الكبير ابو بندر


أنت تريد نظم القصيده بطريقة المروبع والمروبع أخطيت فيه


انا شفت بعض الكتاب يكتبون كذا ولم ينكر علي احد



مع ملاحظة بناء قافية البيتين
على قافيه واحده وهي الواو والميم وهذا مخالف للطرق المروبع



جزاك الله خير اليوم تعلمت شئ جديد والله

انت اول من بين لي بعض الاخطاء , جميلك على عيني و راسي

وانا شاءالله راح انزل شئ غير وجديد قريبا جدا

[سناني]

انا تتبعت الخطاء وكان اني اخذت طريقه الفصحي بالمروبع علشان كذا تم الاشكال

[قليل المشاركة]

أبو بندر ( آسف الدكتور غسان )

وش ذا السوات بالرجال الرجل مزين قصيدته على كيفك ولا على كيفه هو

أخي محاولة جميلة وأنت أجمل أرجو تطوير الموهبة وستتمكن من نقد نفسك بنفسك

أخي فالح أشكرك على جهدك وتعليماتك يامعلم ......... كنت أمزح معك.......