محاورت فالح السبيعي والبقمي

[ماضي المديري]

انقل لكم محاورت شاعرنا الكبير فالح السبيعي (((ابو بندر)))
http://www.almu6la3.net/vb/image.php?u=1003&dateline=1174255087

في احد المنتديات المحاوره

مع الشاعر مشعل بن عميان البقمي
http://www.almu6la3.net/vb/image.php?u=1005&dateline=1170361731





البدايه مع فالح

الليله الملعبه مثل العيون الوساع=اللي نظرها يروع كل قلبٍ شجاع
مثل المهاجم ليا من شاف قلب الدفاع=ياقانصين الحمامه كيف ترمونها



سلام تسليمةٍ مثل القمر والنجوم=مثل القمر والنجوم اللي بعرض السما
يامشعل إنا نحب سبيع قبل البقوم=يابن عميان جعله مايجيك العما



البقمي



يامرحبا ياهلا واهلا هـلا مرحبـاااا=حييت يافالح الليله ومحلـى النبـاااا
ومحلى مع الصبح يافالح نسيم الصبا= ياقانصين الحمامه كيـف ترمونهـا



عسى المحبه مع السبعـان دايـم تـدوم=وعسى ديُار الحباايب مايجهـاا الضمـااا
طيرن على الغصن ماهو مثل طيرن يحوم=ويبين ضحك السنون اليا فتحت الجمـااا



فالح السبيعي


تبقى وأنا في المعاني ماكتبت الرقوم=ألا علشان جيراني من أجل البقوم
ويضيع قدري ليا من جيت مالي لزوم=ياقانصين الحمامه كيف ترمونها


ترى المحبه صعيبه وأصعب من الهموم=يضيع علمي ليا من شفت عذب اللما
وشفيك قلبك ماحب مزينات الوشوم=يالشاعر الطيب الممتاز يالمغرما


البقمي


كان المحبه على شان الصور والقصيد=يانعنبو هالمحبه وانـت خلـك عنيـد
بعض العرب ياعميلي مالها من رصيد=ياقانصين الحمامـه كيـف ترمونهـا




الله يعينك على حبـك وتقـدر تقـوم=من بعد ماطحت في حبه وراح وزمااااا
لو تنشد القلب عن حبه يجيب العلـوم=بيقول لك حبه له وحده وحول الحمى


فالح السبيعي



الشعر ماهوب يامشعل من أملاك أبوك=الشعر كله مشاعر صدق لافض فوك
أعلمك كان ربعك هيك ماعلموك=ياقانصين الحمامه كيف ترمونها



ترى أول الحج يبدا من طواف القدوم=ان كنت تعلم بها وإن كنت ماتعلما
مادامك تحب قلبك ليش ماهو رحوم=على قلوب الأحبه ليش ماترحما

البقمي


الله يعينك يافالح دام جيت الخطر=مادام جيت الحرم لازم تحط الكمر
وانا مثقف وقاري مانبيهاا قشرر=ياقانصين الحمامه كيف ترمونها


الحج يبدأ من الميقات حول الجموم=ولازم تجيبلك يافالح معك مًحرًمًـااا
ان طعتني يالسبيعي حد علمي كتوم=لاتعرف الناس باللي صار لك يانمااا



فالح السبيعي


كانك مثقف فأنا دكتور علم البحور=عندي على التجربه برهان ماهوب زور
وإن جيت قدامنا لازم تلف وتدور=ياقانصين الحمامه كيف ترمونها


مهزوم ياصاحبي في اللعب معي مهزوم=الجو دوب إحتما واللعب دوب إحتما
ترى البحر لازم الأسماك وسطه تعوم=ياشاعرًمايبي يدرس بعلم علما


البقمي


قالوا وش الي تجيده قال شاعر جديـد=ثم قلت له ماتشوف ان اللقلب لي عميد
لاشفت تاجي ونجماتي يصيبك رعيـد=ياقانصين الحمامه كيـف ترمونهـااااا




اللعب دوب احتمى دافع وجاك الهجـووم=ويصبح هديرك رغى وتٌعٌوٌدٌ الاسحمـااااا
نبا نُقيُدك ثـم ناسمـك وسـم وسـوووم=وماوي لك اليوم لين تسيل منك الدمااااااااا






فالح السبيعي


عميد لكن ماتسمع كلام الفريق=أعجبك تاجك ونجماتك وضاع الطريق
وأصبحت في بحر شاعر في حساب الغريق=ياقانصين الحمامه كيف ترمونها



هجومك اللي تقوله يابقمي معدوم=والآدمي دائماا مايخلق المعدما
تبي تقيد جمل عدى عوال الرجوم=ياورع رح لأمك الله يجعلك بالوما [/align][/size]

[ربح السبيعي]

لاهنت ياماضي المديري


وصح لسان الشاعر المبدع فالح بن سعد


على هالمحاوره الرائعه والمتميزه

[منصور الحري]

الله الله الله الله
ياماضي وينا عنها هالمحاورة.. ياليتنا والله حاضرينها
إبداع إبداع إبداع للغـاااااايـة

[فــلاح]

لاهنت ياماضي
وصح لسان شاعرنا ابو بندر

[المـبـهـم]

شاعر كبير يابو بندر
صح لسان الشاعر فـالـح
صح لسان الشاعر مشعل
ومشكور ياماضي

[شحيفان بن ملفي]

ابو بندر الف شكر لك وصح لسانك
وصح لسان البقمي

[فتى العزه]

صح لسانك

يابوبندر

ابدعت يافالح

وحديت البقمي للصاجه

هههههههههههههههههههه

[ماضي المديري]

أشكر

الاخوان على مرورهم الكريم

وتصفحهم محاورت الشاعر الكبير ابو بندر

تقبلو تحياتي

[فـــالح السبيعي]

أشكرك أنت أستاذي الكبير
ماضي المديري السبيعي
على نقلك الذي أثلج صدري وأشكر إخواني
الذين مروا من هنا وأشادوا فلهم الشكر الجزيل
وشكر خاص لأخي الشاعر مشعل البقمي
تقبلوا ودي

[مخــاوي الليل]

فالح السبيعي


عميد لكن ماتسمع كلام الفريق=أعجبك تاجك ونجماتك وضاع الطريق
وأصبحت في بحر شاعر في حساب الغريق=ياقانصين الحمامه كيف ترمونها



هجومك اللي تقوله يابقمي معدوم=والآدمي دائماا مايخلق المعدما
تبي تقيد جمل عدى عوال الرجوم=ياورع رح لأمك الله يجعلك بالوما [/align][/size][/align][/size][/color]

عميد لكن ما تسمع كلام الفرررريق <<< ما حسب حساااابها البقمي خخخخخخخخ الله يرجك يااا بو بندرررر ..


كانك مثقف فأنا دكتووررررر علم البحووووورررر << كفوووو يا بووو بندرررر ..

سجل إعجاااابي بهذه المحاااوررررره التي بالفعل تقف الأقلام لها إحتررررررراماً ..

شكرررررررراً ماضي المديري على نقل هذا الإبداع إلينا :exela: ..

ولاننسى جهودك الملحوووظه :thumbup: في هذا المنتدى مِما جعلنا نتصفح مواضيعك قبل أن نذهب لرابط جديد المووواضيع ..

فلك مني أجممممممل تحيه :xyxwave: :xyxwave: ..

وبالتأكيد تستحق هذه ..:8430-003-04-1062:

[فتى رمـاح]

صح لسانك يابو بندر....

دائماً تثلج صدورنا...


تحيــاتـي،،

[ماضي المديري]

مخاوي الليل

فتى رماح

الف شكر على مروركم وتصفحكم محاورت نجم المحاوره

فالح السبيعي

تقبلو تحيااااتي