المساعد الشخصي الرقمي

مشاهدة النسخة كاملة : ابي نقدكم يابوبندر وابوعمر وابويزيد

فتى العزه
23 - 03 - 2007, 18:05
السلام عليكم ورحمة الله وبركاته

هاذي القصيده كتبتها قبل اعلان من هو شاعر المليون

وخاصة(ن) عندما شكر الشاعر تركي الميزاني سبيع وخص القريشات والعزه

فقلت



قال السبيعي بعد ماشاف بعيونـه=تركي عطالله طلب فزعة جماهيره=
ابشر ياتركي وبذن الله مضمونـه=خذها وعد والله اللي يكتب الخيره=
شاعر و كل الوطن دايم يحبونـه=يشهد لكم شاطي الراحه مثل غيره=
حتيش لو نرخص الاموال من دونه=مانحسب المال لو تكثر مخاسيره=
ياتركي سبيع راع الطيب يجزونـه=والنصر قدامنا تبـرق تباشيـره=
تكفون تركي عطالله لاتردونه=والمعركه باديه بالنار وذخيره=
ياالله جعـل العداتمـوت مغبونـه=يامقدر الكون في خلقه وتقديـره=
تمت وهذه بيوت الشعر موزونـه=يقولها شاعر(ن)من نظم تفكيره=
خيَّال الغلباء
23 - 03 - 2007, 18:22
بسم الله الرحمن الرحيم

المكرم الاخ العزيز فتى العزة السلام عليكم ورحمة الله وبركاته وبعد القصيدة كاملة الوصايف ماتحتاج من ينقدها صح لسانك وبيض الله وجهك واسلم وسلم والسلام
فتى العزه
23 - 03 - 2007, 18:51
بسم الله الرحمن الرحيم

المكرم الاخ العزيز فتى العزة السلام عليكم ورحمة الله وبركاته وبعد القصيدة كاملة الوصايف ماتحتاج من ينقدها صح لسانك وبيض الله وجهك واسلم وسلم والسلام

]صـــح بدنك

ووجهك ابيض

لاهنت على مرورك العذب[/color]
أبــو فـــراج
23 - 03 - 2007, 20:27
صح لسانك اخوي فتى العزه معد وراء انتقاد من زين الى ازين انشاء الله
فـــالح السبيعي
23 - 03 - 2007, 20:35
صح لسااانك يافتى العزه

وبيض الله وجهك قصيده مكتمله والكامل وجه الله

ماشاء الله وزن ومعنى 10 على 10

وعدتنا بتقديم مشاركه أفضل ولم أجد أفضل من هذه المشاركه

وهذا يثبت إستفادتك من توجيهات الشعراء ونقدهم البناء وحرصك على

تقديم الأفضل ونتمنى في المره القادمه مشاركه مثل هذه المشاركه

تقبل ودي
ابن الروقه
23 - 03 - 2007, 20:54
حتيش لو نرخص الاموال من دونه
مانحسب المال لو تكثر مخاسيره=


طيب

تركي وش علاقته معكم يا سبيع ؟


وبعدين منهم العداء المقصودين ؟



تقصد اعداء تركي ؟



او اعداء سبيع ؟



وضح يا شاعر .؟




بغض النظر عن نقد القصيده نظراً لتحديدك لـــ 3 فقط للنقد





وشكراً يا شاعر .!
أبو حمود
23 - 03 - 2007, 21:39
حتيش لو نرخص الاموال من دونه
مانحسب المال لو تكثر مخاسيره=
طيب
تركي وش علاقته معكم يا سبيع ؟
وبعدين منهم العداء المقصودين ؟
تقصد اعداء تركي ؟
او اعداء سبيع ؟
وضح يا شاعر .؟
بغض النظر عن نقد القصيده نظراً لتحديدك لـــ 3 فقط للنقد

وشكراً يا شاعر .!
^^^^^^^^^^^^
( أن لم تستحي ففعل ماشاءت )

يدافع البلا .. يابن الروقه قصدي يادكتور غسان ..
فيه شعار أبدو أعجابهم بالقصيدة وأنت لا يرضيك العجب ولا الصيام في رجب
أدبآ .. وخلقآ شاعر ممبتدئ المفروض تقوم بتشجيعه واذا فيه ملاحظات على الخااااااص !!!
==========================
يالفتى العزة صح الساااانك الي يوم الحشر .. لاهنت
فتى العزه
23 - 03 - 2007, 21:58
تركي وش علاقته معكم يا سبيع ؟

تركي من الشعار البارزين اليوم في هذا المضمار الشاسع والعلاقه بيننا
علاقة طيب وحسن جوار غظ النظر عن انه يمثل قبيلة عزيزه مثلها كمثل عتيبه
وغيرها من سائر القبائل الذي نكن لهم كل الاحترام والتقدير ولاكن كل شاعر له جمهوره بين الناس والعكس
ويش يصير لوكان تركي عتيبي عندك اعتراض على ماصار


وبعدين منهم العداء المقصودين ؟

انت لاتفسر العداء انهم الشعراء المشاركين في مسابقة المليون
او التوجيه لاي قبيلة بعينها ابد ولاكن هناك ناس لا يريدون احد يتقدم
في هذا المجال


تقصد اعداء تركي ؟

اقصد اعداء الحقايق

او اعداء سبيع ؟

سبيع لا يريدون لاحد شر بالعكس يسرهم الذي يسر جيرانهم من القبائل
__________________
فتى العزه
23 - 03 - 2007, 22:05
فالح السبيعي


بيض الله وجهك

وماقصرت على رايك

وانا استفدت من الي قلتوه لي

وانشالله فالمرات القادمه قصائد مثل هاذي واحسن
ابن الروقه
23 - 03 - 2007, 22:16
^^^^^^^^^^^^
( أن لم تستحي ففعل ماشاءت )

يدافع البلا .. يابن الروقه قصدي يادكتور غسان ..
فيه شعار أبدو أعجابهم بالقصيدة وأنت لا يرضيك العجب ولا الصيام في رجب
أدبآ .. وخلقآ شاعر ممبتدئ المفروض تقوم بتشجيعه واذا فيه ملاحظات على الخااااااص !!!
==========================
يالفتى العزة صح الساااانك الي يوم الحشر .. لاهنت



اخي





الله يسامحك !!

بس


انا اسئل سؤال للشاعر وهو وضح وبيض الله وجهه



وانت اللي اخطيت وانت مالك لا ناقه ولاجمل




سامحك الله ..




شكرا يافتى العزه


ونعم فيكم يا سبيع .
خالد الشماسي
23 - 03 - 2007, 22:52
صح لسانك يا فتى العزة


والنعم بجميع المشاركين ، وعند النظر بمنظور الوطنية والجيره


ستجد أخي ابن الروقه بان تركي له حق علينا


ولا يعني اننا لن نصوت للباقين المستحقين


فابن فطيس متميز كشعر

وتركي متميز كشاعر وطن

والباقين بهم البركة ولا نقلل من قدرهم وقد يكون لهم جمهور أكبر



بالتوفيق يا فتى العزة
أبو يزيد
23 - 03 - 2007, 23:44
صح لسانك
يافتى العزه
قصيده جززززززله من جزززززل

ويستاهلون مطير (حمران النواظر). وكل القبائل مافيها قصور.

ومن هنا نبارك لشاعر المليون أبن فطيس المري.
شاعررائع ومميز وكانت النتيجه منصفه بالنسبه له .