المساعد الشخصي الرقمي

مشاهدة النسخة كاملة : أصبحت مثل اللي مراده لبن طير - المعجزة / ناصر الفراعنه

الكوكب السيار
15 - 07 - 2003, 06:40
لعيونك يالبدرعربون صداقه عقب البطا







تقول خير منين بالله يجي خير"="وانا معك قضيت عمري بلاشي

اصبحت مثل اللي مراده لبن طير"="وانا مرادي بوسة وانت ماشي

عنك ارفع الكفين حشمة وتقدير"="شيمة حرار ما ترب العشاشي

ولا فانا المجنون حكمة وتدبير"="وقبلك جلابيب الرعابيب شاشي

لو ودي افعل ما فعل سالم الزير"="والله لاخيط من جديلك فراشي

لا شك ابيها منك فزعة مناعير"="ووصل الاحبة ما يجي بالهواشي

فكان المراد انساك ياصاحبي طير"="والله لاموت وعلتك وسط جاشي

كل شي الا نسيتك يمكن يصير"="لو جابت الناقة ثلاثين حاشي

لولا دموعي فيك ما ترجع البير"="وللغيث ما ينشي على نجد ناشي

بالله كيف انسى هذيك النواوير"="وسود العيون المسكرات الغواشي

ولا ثنين قطعن الازارير"="ومن الحرير يصيبهن ارتعاشي

ولا ثنين مثل بيض القوارير"="شفت ازرق الماء بينهن يوم طاشي

ولا ثنين يفضحن الحمارير"="حمر الطعوس اليا صبغها الرشاشي

ادخل على الله مانت مضبوط يصغير"="ولا فكيف انساك وانته معاشي

وان لمتني يا وش بقى عاد للغير"="الغير واجد والملامة بلاشي
العويد
15 - 07 - 2003, 07:48
الله الله

قصيده روعه

الله يعطيك العاافيه اخوي االكوكب

وصح الله لسان نااصر

وتسلم يمينك
الكوكب السيار
16 - 07 - 2003, 02:45
العويد


الله يعافيك اخوي

والرائع هو معانقتك القصيده


كل الشكر على المرور الكريم
عابر القارات
16 - 07 - 2003, 04:50
هذي والله القصيده اذا بقول صح لسان شاعرها قليل في حقها وحق قايلها


( المعجزه/ناصر الفراعنه ) غني عن التعريف ياجعلك سالم ياناصر


لانسى ان نقول سلمت ( الكوكب السيار ) على نقل مثل هذي الروائع




دوك تحياتي اسبق من هبوب الصيف:D
المزاح
16 - 07 - 2003, 12:50
تسلم يمينك اخوي الكوكب السياااار على القصيده الرايعه جداْ وصح لساان شاعرهااا

والله يعطيك الف عافيه على المشاركاات الجزله

تحياااتي
الكوكب السيار
17 - 07 - 2003, 07:33
فيصل بن موصاحي


اررررررررحب ياذا في ذمتي ذمه اررررحب

.....................ارررررررحب ويكفي عن جوابي سؤالي


الشكر كل الشكر على المرور الكريم
عيسى السبيعي
17 - 07 - 2003, 18:03
الأخ الكوكب السيار

تسلم يمينك على النقل وصح لسان الشاعر
البدر
17 - 07 - 2003, 21:10
ابو حطاب

الله لايهينك على كل حال وبيض الله وجهك وسلمت يمناك يالذيب على تلبية طلبي ونقل قصيدة ابو فارس وصح لسان ابو فارس ملاييييين وانا اسف اني تاخرت مارديت عليك والسبب اني مسافر خارج المملكه واتصالي بالانترنت قليل .


اكرر شكري لك يابو حطاب على تلبية رغبتي ورغبة الكثير من الاعضاء وعزالله انك عوضتنا عن البطى وننتظر منك المزيد والمزيد .



اخوك البدر
الكوكب السيار
18 - 07 - 2003, 02:12
المزاح


الله يعافيك اخوي

والشكر لك انت على المرور الكريم
الكوكب السيار
23 - 07 - 2003, 02:24
الواسطه

لاهنت اخوي على المرور الكريم
الكوكب السيار
26 - 07 - 2003, 02:01
البدر

ابشر بكل شئ يرضيك

وانت تامر امر

كل الشكر على المرور الكريم
ناصر المديري
03 - 01 - 2006, 03:49
الأخ الكوكب السيار

تسلم يمينك على النقل وصح لسان الشاعر
ابن سلامه
03 - 01 - 2006, 03:58
شكرا اخوي (السبيعي 123) على وقفاتك المعنويه مع اعضاء المنتدى وكتابه
واشكرا عموم الاعضاء
ناصر المديري
03 - 01 - 2006, 04:01
العفو والله هذا من طيبك ومن حبي لربعي يا طويل العمر
ناصر المديري
03 - 01 - 2006, 04:16
ولعيونكم هي القصيدة بالصوت

http://www.sh3r.net/Sh3r/alfra3nah/ygee_5eer.ram
ناصر المديري
03 - 04 - 2006, 19:10
111
صـــــــــــرام
30 - 05 - 2009, 01:46
صح لسان الشاعر وسلمت على النقل المميز

وتقبــل مروري اخـــوك/ صـــــرام
النداويـ
30 - 05 - 2009, 16:55
مشكور ولاهنت
محمد المليحي
23 - 03 - 2010, 18:16
ولا هو بقصور بالباقين مارجعت للمنتدى الا يوم شفت اسمك يالكوكب


ولرب نازلةٌٌَ يضيق بها الفتى ...... ذرعاً وعند الله منها المخرج

ضاقت فلما استحكمت حلقاتها...... فرجت وكنت اظنها لا تفرج
الله يجيب الخير
30 - 03 - 2010, 20:35
مشكور والاهنت