البدر
11 - 04 - 2007, 15:31
قصيدة من ارشيف الشاعر محمد بن عايض البحيح اتمنى ان تحوز على رضى ذائقتكم
ياقلب لا تشكي لغير الله الحال = شكواك يا قلبي لغيره مذله
كلش يزول وهو له الملك ما زال = سبحان رب خالق الكونة كله
يزجي السحاب الوان وخفاف وثقال = ويسوقها بمره لمن ناوين له
يارب تسقينا من المزن همال = تسقي وطنا مزنة مستهله
ياربنا يالي له نسوق الامال = اكشف عن الإسلام سحب مظله
وياربنا نرجيك شيبان واطفال = تنصر عبادك والعدو رد غله
يارب لا تاخذ بسيات الاعمال = نرجوك عفوك كل ما صار زله
انا عبادك تعلم احوالنا احوال = نخطي ونذنب وانت غفار يالله
نغفل عن الواجب ونطرد ورى المال = وكل ورى الدنيا بليسه يذله
كلن كتفه بليس بقياد وعقال = ما ندري ان اكثر عملنا رضن له
يامسلم اصح وعدل المسلم الظال = وره طريق الحق اربه يدله
خله يتوب وقله العمر ما طال = مادم سيف الموت ما وصل حله
والجنه افضل دار واخير منزال = يا ربح من جت عقب موته محله
يا مسلمين انتم صناديد وابطال = سيف الله المسلول مسلم وسله
القدس دنسته يد الكفر الانذال = والله حبانا دين الإسلام مله
الله وعدنا أنهم لنا ملك وانفال = ونغنم جميع الجيش دقه وجله
ادع بيقين يزلزل الكفر زلزال = واخضع لرب العرش والليل صله
الله يضللني عن الشمس بظلال = لا من كل قام يعطى سجله
وصلى الله وسلم على خير رجال = الي منحه الله دوى كل عله
الشاعر محمد بن عايض البحيح
ياقلب لا تشكي لغير الله الحال = شكواك يا قلبي لغيره مذله
كلش يزول وهو له الملك ما زال = سبحان رب خالق الكونة كله
يزجي السحاب الوان وخفاف وثقال = ويسوقها بمره لمن ناوين له
يارب تسقينا من المزن همال = تسقي وطنا مزنة مستهله
ياربنا يالي له نسوق الامال = اكشف عن الإسلام سحب مظله
وياربنا نرجيك شيبان واطفال = تنصر عبادك والعدو رد غله
يارب لا تاخذ بسيات الاعمال = نرجوك عفوك كل ما صار زله
انا عبادك تعلم احوالنا احوال = نخطي ونذنب وانت غفار يالله
نغفل عن الواجب ونطرد ورى المال = وكل ورى الدنيا بليسه يذله
كلن كتفه بليس بقياد وعقال = ما ندري ان اكثر عملنا رضن له
يامسلم اصح وعدل المسلم الظال = وره طريق الحق اربه يدله
خله يتوب وقله العمر ما طال = مادم سيف الموت ما وصل حله
والجنه افضل دار واخير منزال = يا ربح من جت عقب موته محله
يا مسلمين انتم صناديد وابطال = سيف الله المسلول مسلم وسله
القدس دنسته يد الكفر الانذال = والله حبانا دين الإسلام مله
الله وعدنا أنهم لنا ملك وانفال = ونغنم جميع الجيش دقه وجله
ادع بيقين يزلزل الكفر زلزال = واخضع لرب العرش والليل صله
الله يضللني عن الشمس بظلال = لا من كل قام يعطى سجله
وصلى الله وسلم على خير رجال = الي منحه الله دوى كل عله
الشاعر محمد بن عايض البحيح