نكتة الاسبوع

[محمد سعد النعيس]

كان فيه واحد " على نياته "..
جرّب يستثمر أمواله !
وكان عنده ببغاء يتكلم ..
مشكلة الببغاء .. إنه كل ما شاف راعيه قال: ياغبي .. يا غبي .. يا غبي! ..
راعيه ضاق صدره.. وقرر ياخذ الببغاء لمدرب الطيور علشان يعدّله ..
يا مدرب الطيور .....
شوف لك صرفة مع هذا الببغاء ....
كل ما شافني فشلني عند الناس " غبي، غبي " !
أبيك تدربه زين وتعدّل كلامه ..
علشان يغيّر هالكلمات الي يرددها كل ما شافني !
قال المدرب : ما عليك .. خلّه عندي كم يوم ..
ولما راح راعيه .. جاب المدرب " سطل " مويه حاااارة ....
وحطه قدامه .. وسأل الببغاء ..
أنا مين ؟ !
قال الببغاء : أنت صديق الغبي ! ..
وينزله المدرب في المويه الحاااره ثم يطلّعه .. ويسأله ..
أنا مين ؟
قال : أنت صديق الغبي ..
وينزله في الموية مرة ثانية .. ثم يطلعه ...
أنا مين ؟
وعلى هالحال .. حتى تربى الببغاء وتسنّع ..
أخيراً .... قال له المدرب ..
أنا مين ؟ !
قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب: تفضل اسأله ..
قال راعي الببغاء .. : أنا مين ؟!
قال الببغاء : أنت مين ؟! وهذا سؤال !! ... أنت الذكي ....
إلا أنت أذكى واحد عرفته في حياتي !
قال له راعيه : .. طيّب ..
وإذا لعبت بفلوسي على كيفي ؟!
قال الببغاء : .. هذي فلوسك .. من عرق جبينك ..
تسوي فيها اللي تبي ..
قال : طيّب .. إذا دخّلت فلوسي عند " هابتكو " ؟ !
قال الببغاء : ممتاز .. حركة استثمارية في غاية الذكاء .....
ومن أذكى واحد في العالم ..
طيّب .. وإذا دخلت فلوسي عند " الجمعة " ؟ ..
طبيعي .. تنويع استثماري .. من أذكى واحد في العالم !
طيّب .. وإذا دخلت فلوسي عند " ابن حسن " ؟ ..
ذكاء خارق ... وماشي مع الحكمة اللي تقول " لا تحط البيض في سلة واحدة " ..
فعلا أذكى واحد في العالم !
طيّب .. وإذا دخلت فلوسي عند " العيد " ؟ ..
عادي .. وزي ما يقولون " حشر مع الناس عيد " ....
صحيح إنك أذكى واحد في العالم ..
.... طيّب .. وإذا دخلت فلوسي في سوق الاسهم السعوديه؟ !
قال الببغاء : يا عمي هاااات الموية ! .....
قايلّك هذا أغبى وأثور وأدبش واحد في العالم !!





تحياتي للجميع ,,,,,,,,,

[خالد الشماسي]

حلوه



يا كثرهم الأغبياء على طريقة الببغاء




وبالمناسبه هل الببغاء بتكلم صدق ؟

[قليل المشاركة]

أخي بارك الله فيك
وأعتقد أننا جميعاً ذاك الرجل صاحب الببغاء
لأننا أنزلقنا في مستنقع الأسهم نسأل الله المخرج

إجابة على سؤال أخي خالد الببغاء لا يتكلم وليس لدية جهاز حركي نطقي لنطق الكلمات لكن لديه القدرة على تقليد الأصوات
طبعاً بعد تدريب مضني يستطيع أن يقلد الصوت لكن ليست على طريقة الإنسان في نطق الأحرف بل بأصوات قريبة من صوت الحرف دون ظهور الحرف على شكل نطق الإنسان

تقبل مروري وتحياتي.

[سداح راشد العلي]

أخي الحبيب النعيس : كما قال صديقي النحوي قليل المشاركة فالببغاء لايتكلم بحروف واضحة فهو على ماعوده صاحبه من ترديد كلمات سواء كانت مليحة أم قبيحة وما أكثرهم في زمننا الأسهمي هذا .
وتقبل مروري

[نواف الشامان]

الحلوة طيب هذي نكتة يقولك في لبناني عنده بقالة وصار يكسب من هلبقالة كثيرة وطرا على بال اللبناني انه يبيع البقالة وجا واحد سعودي يشتريها يوم باعها اللبناني على السعودي صار السعودي يقل ربحة اليومي كل يوم بعدين راح سأل اللبناني وقالة انت كيف كنت تخلي الناس يشترون منك قال اذا جت حرمة تبي تشتري تبي فرظن حلى اقولها كيف حلى يبغى حلى عاد هي تشتري كل شي واذا جت زبونة مررة ثانية وتبغى عسل اقولها كيف عسل ياكل عسل عاد هي تشتري كل شي قال طيب فهم السعودي السعودي على نياتة ومرت الايام وجت زبونة وقالت عندك حليب قال السعودي كيف بقرة تبي حليب ههههههاهاهاهاهاهاهاهاهاهااهاهاهااهاههاهاهااهااهااه اه

[شحيفان بن ملفي]

ههههههههههههههههههههههه
جميله ولاهنت يابو سعد

[حسين شلاش]

جميله ولاهنت يابو سعد

[أبــو فـــراج]

هههههههههههههههههههههههههههومشكووورين يا ايو سعد ونواف الشامان