المساعد الشخصي الرقمي

مشاهدة النسخة كاملة : اليله الدور مابه شك يابو عمر

المعتزي
26 - 07 - 2003, 23:13
السلام عليكم ورحمة الله وبركاته
الاخ العزيز ابو عمر
اذا سمحتلي بالعب معك
استلم لاهنت

ذا اليل مافيه شك الدور يابوعمر =عليك وانته تسد الدور مافيه ريب

اخذ الخبر طال عمرك زين واعط الخبر =والقصد معروف يالطيب تسلي بطيب
المتوهج
27 - 07 - 2003, 02:09
الاخ الشاعر المعتزي

صح لسااااااانك على هذا الطاروق الجميل

في انتظار ابو عمر

ترانا متابعين لكم
خالد الشماسي
28 - 07 - 2003, 01:41
ذالليل يا المعتزي نبغى نمد النظر= ما دام خصيتني يا مرحبا بالصحيب
هات الخبر والسوالف يا طويل العمر=والقصد معروف يخط الظن ولا يصيب
ابن شطيط
28 - 07 - 2003, 01:48
لاهنتوا

يالمعتزي وابو عمر

تحياتي لشعار

والحضور
المعتزي
28 - 07 - 2003, 02:04
ارحب ارحب يابو عمر واستلم لاهنت

تباتمد النظر فى البر والاالبحر =عدتك والعد واشرب من قراح القليب

دوك الخبر والخبر مضمونه اصرف زهر =وماطابلك ياطويل العمر ليه يطيب
المعتزي
28 - 07 - 2003, 02:07
الاخوه الكرام

المتوهج


و


بن شطيط


مرحبابكم


لنا الشرف ونعتز بمتابعتكم
خالد الشماسي
28 - 07 - 2003, 02:25
من فوق كل النجوم يبين نور القمر ****والنجم لا بان للعربان ما له مغيب
تغيب يالمعتزي شوفتك تال الشهر****والظاهر إنك بتفصل يا عميلي قريب
المعتزي
28 - 07 - 2003, 02:41
استلم يابو عمر

اتدور الافلاك والمعبود مجر الدهر =وسهيل يبدي ويسهل كل شين صعيب

المعتزي يعتزي بالطيبه لاحظر =امطيع لله وعاصي ذيب والاشبيب
خالد الشماسي
28 - 07 - 2003, 03:00
الظاهر الشوف عندك يالمعنى شجر*****والخط لا رغت عنه يجيك خط (ن) صليب
أركد على موترك مهيب ساعة طمر**** ولا توجه بخطك للهلال الخصيب
المعتزي
28 - 07 - 2003, 03:16
استلم لاهنت

اماصرفنا 0 ذهــــب0 ولا فــلا نعتبر0

0000000000ورمي التهجس بلاتاكيد ماهومصيب

منتك فى0 الطيبه واحذر تطق الحجر

00000000من لاحمى0 ماقفه قله0 يخيب ويخيب
خالد الشماسي
28 - 07 - 2003, 03:24
ما منك فزعه على تقليم روس الكفر****أما احرق النار ولا شد راس الشعيب
كانك تبا الخير والتمجيد يوم النصر ****هات المعاميل والددسن وكيس (ن)عطيب
المعتزي
28 - 07 - 2003, 03:36
استلم يابو عمر0

اصمل وقلي وانا ماحسب حساب الخطر

-----------------وانا معك لكن انته لايجي فيك0 ريب

ما فى القا والمغازي كود موتٍ حمر

----------------يالله لحــــــيفا نبا ننقذ0 لذاك0 الغريب
خالد الشماسي
28 - 07 - 2003, 03:48
أخاف تفطس ليا من جاك ضابط خفر****وتشرح له السالفه وتقول و ضعي كريب
وكانك معي فحتزم بنجوب واد الظفر****وأحذر تخون العهد والله ولي (ن) حسيب
خالد الشماسي
28 - 07 - 2003, 03:50
شكراً لك أخي المعتزي على هذه المحاوره الجيده

ولكل الأخوان الذين شاركونا فيها


وأتمنى اللقاء قريباًُ


والآن وقت الصلاة
المعتزي
28 - 07 - 2003, 03:57
الاخ ابو عمر
طابت اوقاتك

وتشرفنا بالعب معك

والمعذره اذا صار نقص او

والقصد ماهو الاستفاده من علوم مثلك من اهل الطيب

اشكرك

واشكر جميع الاخوان الكرام الذي حضرو معانا
للجميع تحياتي