معانات المنتسبين بجامعة الامام

[ابن عبيدان]

{ معانات طالب منتسب بجامعة الامام محمد بن سعود الاسلامية }
هذة القصيدة تعبر عن معانات الطالب المنتسب في جامعة الامام وقد لخصتها في عدة ابيات وكلي امل من عميد الجامعة الجديد ان ينظر في حال المنتسبين ونعامل كما يعاملون زملائنا في جامعة الملك عبد العزيز بجدة


ياعميد الجامعة هذي وصية=من رجالٍ وكلوني بالنيابة
جيت ابشرحلك وعلمك القضية=وانت قاضيها وحكمك مرحبابة
كل طالب منتسب يشكي علية=حالتة فالجامعة وقت أنتسابة
الدروس الي خذيناها قوية=ماتناسب شايبٍ قفا شبابة
يحسبون أفكارنا توها طرية=تفهم المضمون وتجيب الاجابة
مادرو عنا وحالتنا شقية=بين علم وبين بزران وكأبة
والمراجع مانحصلها سوية=ماتجي ياكود بهواش وطلابة
وكل طالب منتظم يخدم خوية=وكل دكتورٍ(ن) يعرضنا كتابة
ماكسبنا الا الشقاء في كل جية=عادة المفلس على الدنيا عذابة
والحقيقة لاتعاون لاحمية=كننا مجهول مايحسب حسابة
مطلق بن عبيدان

[شحيفان بن ملفي]

صح لسان شاعرها ولاهنت اخوي

[خالد الشماسي]

صح لسانك



جامعة الأمام افضل جامعة كمستوى علمي و عداله



وهي قوية في تخصصاتها ولا ينافسها احد


تبقى ان تثابر و تحتسب وستصل لمسى معرفي ممتاز



لا هنت صح لسانك

[منصور الحري]

صح لسانك أخوي مطلق
ونتمنى لك التوفيق والنجاح

[مقعد بن دسم]

من طلب العلا سهر الليالي اصبروا والله كريم