ابن عبيدان
14 - 06 - 2007, 14:22
يامل قلب مر ليله ولا بات=ويامل عينٍ تو جاها بلاها
وياسعد فكر داهمته الجزيلات= ولبت ندا اللي في لزومه دعاها
الفكر حاضر والمعاني وفيرات= وفعولنا تصعب على من حصاها
ورجلي جريه والخطاوي وثيقات= وعزمي كما شم الجبال ورساها
لي الفخر يا أهل الفخر والمباهات= والطايلة حقي ولا ارض سواها
وأنا حمد الله ماعلية ملامات= يوم أفتخر بفعولهم واتباها
حنا عبادينٍ شيوخ وزعامات= هقواتنا تصعب على من هقاها
شيخان بني عمر لياجات صكات= بقعا نقاسي مانلين لقضاها
من نسل اخو شثنا زبون الملمات= شيخٍ بلغ بالمرجلة منتهاها
تلقى مواكرنا بعالي المنيفات= ذيك الجبال معيفة من رقاها
ينشأ ولدنا بين خال وعمامات= متعلم صيب السلوم وخطاها
ينشأ رفيع الشأن معتز بالذات= ونفسة على حب المراجل غذاها
الراس عالي والمناهي بعيدات= وأنظار واحدنا بعيد مداها
ونملك على العليا صكوك وكيدات= والمجد راياتة حمنا لواها
ولنا مع الايام سيرة وعادات= يفخر بها التاريخ لا من حكاها
ترعى بنا في ديرة القوم شرهات=وديارنا من نطلبة مارعاها
ولا وردت ذود القبايل محيمات= ذيداننا تشرب من الجم ماها
ولنا المساري فالليال المخيفات= ماغيرنا انا والضواري سراها
حريبنا نومة تململ وغفوات= يمشي ذليل وعيشتة ماهناها
وطعوننا يوم الملاقى وسيعات= ورماحنا تلحق على من لقاها
فتخان الأيدي كاسبين النفيلات= وكفوفنا في العوز تعطى ملاها
تفرح بنا سباع الفلاه المجيعات= لاجا نهار الكون تضمن عشاها
نرمي لها مابين جثة وهامات= وكفوف شيخان عرفنا دواها
ويوم ان ابو تركي بدأ بالفتوحات= وحاز الجزيرة كلها واحتماها
كنا بيمناه السيوف الصقيلات= وكنا دروعٍ للمواقف حساها
فتح تربة يشهد لنا كل حزات= وأرض الرغامة لو بينطق ثراها
ويشهد لنا الساحل وينبع ورضوات= ونجد المسى سهلها مع رباها
وأرض الجزيرة لو تقيس المساحات= في كل شبر جيشينا قد وطاها
كانت لبني عمر هجاد وغارات= حتى تملكها الامام وخذاها
بني عمر في حربهم سم ساعات= غنوا بها الشعار في مبتداها
وربعي اسبيع أهل الفخر والبطولات= قوم رفيعٍ في الملأ مستواها
خذوا على كل القبائل مفازات= ماحدن كسبها غيرهم واحتواها
هذي وثيقه ثابته فالملفات= للي يريد البحث في محتواها
ماجت بتزوير ولا دفع رشوات= للي على بيض الصحائف مضاها
جت بالفعول الثابتات الصحيحات= وغصبٍ نثبتها على من نفاها
بعض العرب جدة ذخر لة جنيهات= يتعب على جمع القروش وشقاها
وبعض العرب جدة ذخر لة مهونات= وارتاح من طرق الرجال وعناها
وبعض العرب جدة بنى له منصات= عز وشرف لابد يحفظ بناها
صحيح تتعب والمراجل تعيبات= ولولا تعبها كل شخص علاها
وعند اللزز تطلع يدين الأصيلات= والباقية تتعب وترجع وراها
ولا أنسى القبائل بالفعول المجيدات= كل القبائل حصلت مبتغاها
كل اخذ حقه ولا فية شكات= والفرق في بعد الشيوخ ودناها
واختامها يأهل العلوم الحكيمات= سالفتي أنتم حكمها وأحكماها
والله يحفظ الي بقى والذي مات= منهم بجنات النعيم ورخاها
والله يحفظ شعبنا والقيادات= اللي رضيناها ونحفظ ولاها
هذه القصيدة للشيخ / جبر بن جفال بن عبيدان السبيعي
الاستاذ بقسم التخطيط والدراسات بالهيئة الملكية بينبع
وياسعد فكر داهمته الجزيلات= ولبت ندا اللي في لزومه دعاها
الفكر حاضر والمعاني وفيرات= وفعولنا تصعب على من حصاها
ورجلي جريه والخطاوي وثيقات= وعزمي كما شم الجبال ورساها
لي الفخر يا أهل الفخر والمباهات= والطايلة حقي ولا ارض سواها
وأنا حمد الله ماعلية ملامات= يوم أفتخر بفعولهم واتباها
حنا عبادينٍ شيوخ وزعامات= هقواتنا تصعب على من هقاها
شيخان بني عمر لياجات صكات= بقعا نقاسي مانلين لقضاها
من نسل اخو شثنا زبون الملمات= شيخٍ بلغ بالمرجلة منتهاها
تلقى مواكرنا بعالي المنيفات= ذيك الجبال معيفة من رقاها
ينشأ ولدنا بين خال وعمامات= متعلم صيب السلوم وخطاها
ينشأ رفيع الشأن معتز بالذات= ونفسة على حب المراجل غذاها
الراس عالي والمناهي بعيدات= وأنظار واحدنا بعيد مداها
ونملك على العليا صكوك وكيدات= والمجد راياتة حمنا لواها
ولنا مع الايام سيرة وعادات= يفخر بها التاريخ لا من حكاها
ترعى بنا في ديرة القوم شرهات=وديارنا من نطلبة مارعاها
ولا وردت ذود القبايل محيمات= ذيداننا تشرب من الجم ماها
ولنا المساري فالليال المخيفات= ماغيرنا انا والضواري سراها
حريبنا نومة تململ وغفوات= يمشي ذليل وعيشتة ماهناها
وطعوننا يوم الملاقى وسيعات= ورماحنا تلحق على من لقاها
فتخان الأيدي كاسبين النفيلات= وكفوفنا في العوز تعطى ملاها
تفرح بنا سباع الفلاه المجيعات= لاجا نهار الكون تضمن عشاها
نرمي لها مابين جثة وهامات= وكفوف شيخان عرفنا دواها
ويوم ان ابو تركي بدأ بالفتوحات= وحاز الجزيرة كلها واحتماها
كنا بيمناه السيوف الصقيلات= وكنا دروعٍ للمواقف حساها
فتح تربة يشهد لنا كل حزات= وأرض الرغامة لو بينطق ثراها
ويشهد لنا الساحل وينبع ورضوات= ونجد المسى سهلها مع رباها
وأرض الجزيرة لو تقيس المساحات= في كل شبر جيشينا قد وطاها
كانت لبني عمر هجاد وغارات= حتى تملكها الامام وخذاها
بني عمر في حربهم سم ساعات= غنوا بها الشعار في مبتداها
وربعي اسبيع أهل الفخر والبطولات= قوم رفيعٍ في الملأ مستواها
خذوا على كل القبائل مفازات= ماحدن كسبها غيرهم واحتواها
هذي وثيقه ثابته فالملفات= للي يريد البحث في محتواها
ماجت بتزوير ولا دفع رشوات= للي على بيض الصحائف مضاها
جت بالفعول الثابتات الصحيحات= وغصبٍ نثبتها على من نفاها
بعض العرب جدة ذخر لة جنيهات= يتعب على جمع القروش وشقاها
وبعض العرب جدة ذخر لة مهونات= وارتاح من طرق الرجال وعناها
وبعض العرب جدة بنى له منصات= عز وشرف لابد يحفظ بناها
صحيح تتعب والمراجل تعيبات= ولولا تعبها كل شخص علاها
وعند اللزز تطلع يدين الأصيلات= والباقية تتعب وترجع وراها
ولا أنسى القبائل بالفعول المجيدات= كل القبائل حصلت مبتغاها
كل اخذ حقه ولا فية شكات= والفرق في بعد الشيوخ ودناها
واختامها يأهل العلوم الحكيمات= سالفتي أنتم حكمها وأحكماها
والله يحفظ الي بقى والذي مات= منهم بجنات النعيم ورخاها
والله يحفظ شعبنا والقيادات= اللي رضيناها ونحفظ ولاها
هذه القصيدة للشيخ / جبر بن جفال بن عبيدان السبيعي
الاستاذ بقسم التخطيط والدراسات بالهيئة الملكية بينبع