صلح خطأ الماسنجر 80048820 بسهولة

[بندر الهديب]

الكثير منا يعاني مشكلة الخطأ 80048820 في الماسنجر


واليكم الحل ..

الخطوات ..


1_ اذهب لشعار الماسنجر بجانب الساعه تحت واظغط عليه كلك يمين بعدين انهاء .

2_ بعدين تروح على شعار ( الاكسبلولر (المتصفح) ) وتظغط عليه كلك يمين وتختار خيارات

بعدين تختار من شريط المهام ( محتوى ) بعدين تلقى ( الشهادات ) وتظغط على الخيار

( مسح حالة SSL )

بعدين بيجيك علطول تنبيه ( تم مسح ذاكرة التخزين المؤقت لـ SSL بنجاح )

اظغط موافق .. بعدين اظغط موافق تحت

3_ الحين تروح قائمة ابدأ وتختار ( تشغيل ) .. بيفتح لك اطار صغير مكتوب فيه
( اكتب اسم برنامج او مجلد .. الخ ) .. وفيه مستطيل ابيض

الحين انسخ الامر هذا regsvr32 softpub.dll wintrust.dll initpki.dll

وتلصقه في المستطيل الابيض واظغط موافق

وبيجيك علطول اطار تنبيه يقول ( نجاح DIIRegisterServer في wintrust. )

اظغط موافق .. بعدين بيجيك نفس التنبيه .. اظغط موافق بعد

4_ الحين انتظر شوي دقيقه تقريباً او ثنتين .. وبيجيك نفس التنبيه للمره الثالثة اظغط موافق

والحين روح وشغل الماسنجر وراح يشتغل معك بإذن الله ..

وإذا ما اشتغل ( وهذي الحاله نادره جداً ) اعد تشغيل الجهاز ..

وكل ماصار معك هالخطأ اعمل الخطوات هذي وبالتوفيق ,,

[ناصر المديري]

سلمت يمناك يا بندر ولاهنت

[كشاف]

بندر


شكرا على المعلومات القيمه ريحتني من المشكلة المستمرة

[بندر الهديب]

1- لاندمت ياخوي الكريم السبيعي 123 على الرد الطيب وانا مشكور لك .
2-العفو منك ياكشاف الذيب وانا تحت امرك وشكراًعى المرور الجميل .

[فارس بلاجواد]

وفيت وكفيت وبيض الله وجهك

[منيف السبيعي]

سلمت يمينك يا بندر

[الحر النداوي]

بيض الله وجهك يا بندر

عز الله انك ريحتني من مشكله هالماسنجر ويعطيك العافيه على هالمعلومه القيمة



ودمــتــم بــود ,,,,

[بندر الهديب]

وجيهكم بيضاء وماعليكم قصور كفيتوا ووفيتوا على ها الردود الطيبة يا :-
1- فارس بلا جواد
2- منيف السبيعي
3- الحر النداوي

[مناجي ربه]

السلام عليكم

الله يجزاك خير

مابقاء اختراع ماسويت بالمسنجر ولا فيه فايده

[الملحي1]

مشكور الله يعطيك العافية