تاريخ مــــلــــقــــــه ؟؟

[سعد بن جراش]

بسم الله الرحمن الرحيم

اخواني الاعزاء اعضاء وزوار منتدى سبيع

يسرني ان اضع بين ايديكم اخر قصائد اخي العزيز
الشاعر / سفر بن نهار الثوري السبيعي
والتي يبحر بنا فيها في جو من اصالة الماضي الى ايامٍ مضت وما اجملها من ايام

ـــ حتى ولو لم نعش فيها ولكن وصل الينا ذكرها ـــ

ولنتعرف على الحلف الذي سبق حلف الاطلسي بمراحل ومن كان اطرافه ؟؟؟؟؟؟

انها باختصار تحكي تاريخ وقصة فارسنا جري بن هملان وشلفاه ملقه

فتعالوا بنا نبحر مع ابداع ابو عبدالله وتذكيره لنا بملقه وراعيها

ذكراك تفرق فرق ملقه عن الشلف = لاوقـّعت تفضى صليب العظامي
من كف راعيها جزت والهوى صلف = يضرب بها لعيون زاه الوشامي
يرعى بها لحيات في مرتع الخلف = وعلـّق بها العاني بروس المظامي
من فعلها تتلف كبود العدا تلف = كم أشبعت من جايعات ٍ احيامي
ومشكـّـله في عصرها مع جري حلف = قدام حلف الأطلسي لايقامي
تاريخها الهجري ثلاث إميه وألف = تبقى على صدر السبيعي وسامي
تنسب لربع ٍ يزلفون العدا زلف = لاد العسيلي لازما كل زامي
تاريخهم فالمجد من ماضي السلف = كم راس شيخ ٍ أحرموه المرامي
وحنا بني ثور ان زما العايل الجـَلف = ربع ٍ لهم لاجا نهار الزحامي
حنا لهم لاجا نهار الشقى الصلف = وهمه لنا لا طيحن اللثامي
واليوم وقت الخير والأمن والولف = وقت ٍ تساوت به جميع الأنامي
وهذي تحياتي تسطر على الألف = تاريخ ملقه مايحصره كلامي

[smart]

صح الله لساااان الشاعر / سفر بن نهار الثوري السبيعي

الفارس جري بن هملان وشلفاه ملقه

هو راعي الساااالفه المعرووفه بين النااس

وجوووابه على من اسأله منك في وجهه قال في وجه ملقه

يستاااهلووون المدح ربعنااا لو هم ماخذينها بذرعتهم

سلمت اخووووي سعد ابن جراااش

على اتحااااافناااا بهااالراااائعه


لاهنت طال عمرك



تقبل فااائق تقديري

[عابرعرق سبيع]

صح لسان الشاعر ابو عبدالله
ومشكور يابن جراش

[ابن شطيط]

صح الله لساااان الشاعر / سفر بن نهار الثوري السبيعي

وبيض الله وجهه على على هالقصيده

والعوده الى الماضي


وحنا بني ثور ان زما العايل الجَلف

شطر يسواله قصيده


وكفو ببني عمي بني ثور

ولاهنت يابو ظافر على نقل القصيده وسلمت يمناك وانا اخوك

والتحيه والسلام للشاعر سفر ابن نهار


وتقبل تحياتي

اخوك

ابن شطيط

[الراعي]

للقول مصداقيه
اذا قيل في اهله
ونعم بالثوري ابن نهار
ونعم بالقريشات
فرسان ومشائخ

[الكوكب السيار]

ابن جراش


لاهنت يالذيب اختيار رائع بما تحمله الكلمه

وكفو في بني ثور وميه نعم بالاد العسيلي


وصح لسان الشاعر نهار

[العويد]

صح لسان سفر بن نهاار

وبيض الله وجهه على هالجزله

وملقه يبيلهااا اقل شي ملحمه

وهذي شوي في الفاارس جري بن هملالان

مااقصرت يااسعد

ولا هنت يالقرم

[عيسى السبيعي]

الأخ ابو ظافر

السلام عليكم ورحمة الله وبركاته

تسلم يمينك على نقـل هذه الرائعه

وصح لسان أبو نها ر جزل ولا يجي مالطيب الا طيب

[سعد بن جراش]

بسم الله الرحمن الرحيم

اخي العزيز سمااااااااااااااارت


صح بدنك ومثل ماقلت جري بن هملان احد الرجال الذين ذكرهم وسيذكرهم التاريخ

وغيرهم الكثير من فرسان وابطال قبيلة سبيع الذين لهم علينا الكثير من حيث توثيق

ونقل اخبارهم للاجيال

الله لايهينك على مرورك الكريم وتعليقك الرائع

[البدر]

ابو ظافر



لاهنت على نقل القصيده وسلمت يمناك يالذيب وصح لسان الشاعر / سفر بن نهار الثوري السبيعي وبيض الله وجهه وجهك ومن منا ما يعرف جري بن هملان راعي ملقه اشهر من نار على علم .



اكرر شكري لك يابو ظافر على اهتمامك بقسم الشعر وعلى مشاركاتك الرائعه والتي نتمنى ان تستمر معنا .



اخوك البدر

[السبيعي الغازي]

ابو ظافر الله لا يهينك على هالقصيدة الرائعة
وصح لسان أبو نهار

[العوام]

الاخ الشاعر سعد بن جراش

اشكر على نقل هذه الابيات

الجميله والذي تعبر تاريخ

وصح لسان شاعرها

ولكن ياليت تشوفون لمشكلة التنسق حل

لان برنامج التنسيق فيه مشكه للعموم

تقبل وافر تحياتي

[المزاح]

تسلم والله ابو ظافر على القصيده الجزله وصح لسان شاعرهااا سفر بن نهار السبيعي وبيض الله وجه ووجهك يالذيب

الف شكر لك بابو ظافر على القصيده الرائعه كما عودتنا دايماْ بطرح القصائد الجزله وليست غريبه عليك

تحياااااااتي

[طويق]

شكرا يابن جراش وصح لسان القائل
ومليون نعم فيكم ياسبيع قاطبة

تحياتي

[lion1430]

بسم الله الرحمن الرحيم

إخواني الأعزاء / أعضاء وزوار منتدى سبيع يسرني أن أضع بين أيديكم اّخر قصائد أخي العزيز الشاعر / سفر بن نهار الثوري السبيعي والتي يبحر بنا فيها في جو من أصالة الماضي إلى أيامٍ مضت وما أجملها من أيام ـ حتى ولو لم نعش فيها ولكن وصل إلينا ذكرها ـ ولنتعرف على الحلف الذي سبق حلف الأطلسي بمراحل ومن كان أطرافه ؟ إنها باختصار تحكي تاريخ وقصة فارسنا / جري بن هملان وشلفاه ملقه فتعالوا بنا نبحر مع إبداع أبو عبدالله وتذكيره لنا بملقه وراعيها :-

ذكراك تفرق فرق ملقه عن الشلف
= لا وقـّعت تفضى صليب العظامي

من كف راعيها جزت والهوى صلف
= يضرب بها لعيون زاه الوشامي

يرعى بها لحيات في مرتع الخلف
= وعلـّق بها العاني بروس المظامي

من فعلها تتلف كبود العدا تلف
= كم أشبعت من جايعات ٍ احيامي

ومشكـّـله في عصرها مع جري حلف
= قدام حلف الأطلسي لا يقامي

تاريخها الهجري ثلاث إميه وألف
= تبقى على صدر السبيعي وسامي

تنسب لربع ٍ يزلفون العدا زلف
= لاد العسيلي لا زما كل زامي

تاريخهم فالمجد من ماضي السلف
= كم راس شيخ ٍ احرموه المرامي

وحنا بني ثور إن زما العايل الجـَلف
= ربع ٍ لهم لا جا نهار الزحامي

حنا لهم لا جا نهار الشقى الصلف
= وهمه لنا لا طيحن اللثامي

واليوم وقت الخير والأمن والولف
= وقت ٍ تساوت به جميع الأنامي

وهذي تحياتي تسطر على الألف
= تاريخ ملقه ما يحصره كلامي

مشكور وما قصرت ولا هنت