ابو فهد اقلط للقهوه

[المعتزي]

ابو فهد لاهنت ودي اتعلم
معك طال عمرك
استلم
مادمت يابو فهد ماجود وش نتحتري =الوقت توه وباكر ماورانا دوام

نبيع باالطيبه وبمثلها نشتري =امع اهل الطيب مثلك والمقام المقام

[خالد الشماسي]

الله الله صح لسانك

وينك يا ابو فهد


تراني الصف

[مسعود الحويزي]

هلا والله باخوي المعتزي والله لايهينك

ولي كل الشرف ... وانت الاستاذ هنا طال عمرك


استلم لاهنت :







يامرحبا مرحبا بالشاعر البحتري = اللي كلامه يجي بين الحم والعظام

سوق المعاني وانا بجيك مشي وجري = في ليلة ٍ لعبها يازينها ويا سلام

[smart]

لاهنتوووا يااالمعتزي وابوو فهد

على هالطااارووق الرااائع

عليكم الابدااع وعلينااااا الاستمتاااع


ازهلووا الصفووف جاااهزه:D

ابو عمر زبط صفك خلهم يركدوون:D

[المعتزي]

يامرحبا يابو فهد

الك البقا والرساله نصها ينقري =والدرب بين ودرب اهل الوفاء للامام

سقنا المعاني وكلٍ بالنظر يانضري =في ليلةٍ جاك علمي مير شد الحزام

[المعتزي]

مرحبا ابوعمر

لاهنت تشرفنا بوجودك

--------------------------

مرحبا

سمارات

تشجعنا بوجودك

لاهنت

[مسعود الحويزي]

رسالة ٍ واضحه من واحد ٍ عبقري = والطيب فيها من المضمون مثل الوشام

حكم الوزاره غدى لسلوّم والعنقري = ولازعل سلوّم صار العنقري ماينام

[نديم القوافي]

المعتزي
بو فهد
تسلمون
على هاذى الطاروق الحلو
وكلام الطيب
ونافي الصفوف
عاشو

[مسعود الحويزي]

هلا ومرحبااااااا با بوعمر وسمارت


ولنا كل الشرف بوجودكم وتشجيعكم

[مسعود الحويزي]

هلا والله

اخوي الشاعر حمود (( نديم القوافي ))

لنا كل الفخر والاعتزاز بوجودك

[المعتزي]

استلم لاهنت

ارسالةٍ واضحه وشوي من دفتري =باق الرسايل تجيك بعلم عم اللعمام

حكم الوزاره على المجرم ماهوب البري =واللي زعل يشتكي لمصدرين الحكام

[المعتزي]

ارحب

يانديم القوافي

تشرفنا بوجودك

لاهنت

[مسعود الحويزي]

الارض يابعدهاعن كوكب المشتري = مليون كيلو بحسب امتارها بالتمام

الظلم طعمه كما العلقم ومثل الشري = ومن صاح ياالمعتزي ماقلت هذا حرام

[خالد الشماسي]

صح لسانك يا أبو فهد


وينك يا المعتزي لا تبطي علينا .



واصلو يا مشرفينا .

[المعتزي]

ياكوكب المشتري في رحلة(المستري) =رايد فضاء طاف سطحك قبل عشرين عام
ولظلم راعيه مايكبر قبل يصغري =اتصيحلي واسمعك مير البقيه انيام

[المعتزي]

نعم نعم

يبو عمر

مشرفينكم شادين الحيل والكن وين الصفوف والتشجيع

[مسعود الحويزي]

استلم لاهنت :





الله يرعاك ياراع الوفا ويستري = اركد تركد ترى مافالقضيه خصام

فالملعبه رحت انا وياك توم وجري = ياهيه ركّب بيوت الملعبه فالسنام

[المعتزي]

استلم لاهنت

ماجاك ياصاحبي غير الكلام الطري =واليا وصلنا الخصام الحظ بالطيب قام

وفى الملعبه مالك الا نارها تعمري =واليا انتهى الشوط قلنالك هلا بحترام

[مسعود الحويزي]

لاجيت بالطيب قلت المعتزي يشكري = ولاجيت في غيرها بتشوف قدمك ظلام

والملعبه لعبتي لو ثرثر البربري = ماهمني يارفيع القدر عندي وسام



اخوي المعتزي : سعد ت وتشرفت بالعب معك بهذا الطاروق ... الذي اعتبره فخر لي

ولنا لقاء اخر ان شاء الله ......

اخوك

ابو فهد

[المعتزي]

استلم لاهنت مسك الختام


المعتزي لاعتزى بالطيب مايفتري =واليا عتزى للقشر جر القشر بالخطام

والملعبه لعبت الي للقا يقدري =ياقف ومن لاحما الميقاف قله خمام

[مسعود الحويزي]

هههههههههههههههههههه

من يومك تبيها مسك الختام ابشر من عيوني :



والنعم يالمعتزي وش فيك متوتري = ماجاك مني ترى ماغير حلو الكلام

ماينفخ من الهوى الا الخبل والبنشري = وهذا الكلام الصحيح وهاك مسك الختام



وتصبح على خير

اخوك

ابو فهد

[المعتزي]

ابو فهد

لاهنت انا اقول مسك الختام بالطيب حيث انت قلت الى القاء وقلت يمكن طولنا


المهم حصل لنا الشرف بالعب معك والعب طال عمرك على مستوا الشعراء الكبار ماحد يزعل منه صح

تحياتي

[مسعود الحويزي]

هلا اخوي المعتزي

لي كل الشرف ان العب مع شاعر بمستواك ...

واشكرك على المعنى الذي اتضح لنا والظاهر لنا وحدنا فقط :D

يعني بين المشرفين بس اهم شي لايزعل علينا المقصود ..

ولو يزعل منا والا ينفخ علينا ويهاوشنا ترانا بنسوي انفسنا ماسمعناه...... :D

ولك مني كل الود والاحترام

اخوك


ابو فهد

[الزاحف]

ياهووووووووووووووووووووه انا جيت


اول شي عيب عليكم تحشون في وانا غايب;)

ثاني شي اعتذر عن عيابي الاضطراري الفترة الذي منذ مبطي وانا مادري وين رحت:rolleyes:

ثاني شي موصاحي وابو سهم يسلمون عليكم ويقولون وين رحتوا ولاتخلون ممثل الزحفيشن


لحاله



وبعدين تراني باطربأها على نفوخكم وش وداكم للمشتري خلوكم عند



البايع :D


المشتري اشترى وسرى مع الليل


الله لايهينكم على كل حال وانا باتمغط شوي ويمكن اجيكم:D

[خالد السهلي]

ياسلام على الابداع ياسلام على الابيات الجزلة
بيض الله وجيهكم

صحت السنتكم


ابداع وامتاع