خـــــالــد الطــيـب !!!!

[مسعود الحويزي]

السلام عليكم :

هذه الابيات المتواضعه امام مايتصف به الاستاذ / خالد بن عبدالله الشماسي
من نبل اخلاق وكرم لاتعبر عن شيء بما له عندي من معزه وتقدير . ولاحظت في هذه القصيده
انها لم تتعداء سبعة ابيات لأنها تريد ان تكون ايضاً شقيقة ٍ لـ خالد السبيعي
مشتقة من اسم قبيلته عدد ابياتها ومنافسة بذلك الطيب الذي اصبح له شقيق .
فكره اتمنى ان تكون جديده بالمدح وحبيت ان اشارك بها في هذا المنتدى
واتمنى ان ترقى الى مستوى ذائقتكم العاليه .
/
/
/


ياخالد أنت الطيب ولا طريقه؟ = ألا انت والله إنك الدرب والطيب
احترت اقول الطيب ولا شقيقه = سبحانه اللي يعلم السر والغيب
ياعزوتي وإن كان تبغى الحقيقه = ويش الغريب إليا عرفت المواجيب !
عجزت بحور المدح لو هي عميقه = لو قلت لك يالذيب فالمدح للذيب
معك اتمنى لي علاقه وثيقه = شرواك مكسب ياحصان الأطاليب
ياعزوتي من يذكر إنك رفيقه = يموت همه داخل الصدر ويشيب
حتى القصيده ودها لك شقيقه = عيت تعداء سبعة ابيات يالطيب

/
/
/
/
/
وسلامتكم جـميعــــاً

[عبدالله الحضبي]

صح لسانك يابو فهد
ابيات رائعه من شاعر متمكن
شاعر استمعنا الى روائعه
فطربنا
شاعر جيد يجيد حرفنة الحرف والكلمه
العذبه
وابيات رائعه في الاستاذ القدير خالد الشماسي
مشرفنا الرائع والمبدع دائما
شكرا لك يابو فهد على القصيده
والممدوح يستاهل
تحياتي

[عيسى السبيعي]

صح لسانك يابوفهد على هذه الابيات الطيبه في كل شي
وابو عبدالله يستاهل المدح والطيب مايستغر ب من اهله
تحياتي

[البحيح]

اخي العزيز ابو فهد

من ملك المفرده اجاد التعبير وها انت تمتلك هاتين الصفتين بالاضافة الى صفاتك الحميده

ماقصرت يبوفهد والمدح في رجل يحمل السجايا الحميده ويستاهل

اخوك الفارس

[فـــالح السبيعي]

أبوفهد

صح لساااانك مليون

قصيده ممتازه ولاهي غريبه عليك فأنت رفيق للإبداااع

ويستااااهل أبوعمر أكثر من ذلك فهو يستحق كل هذا الحب

وهذه بادره طيبه منك تدل على طيبك ونبل أخلاقك

دمت بمحبه

[أبو حمود]

صح لسانك يابوفهد على هذه الابيات التي تحمل عنوان الوفاء

ابوعمر يستاهل علومه جعله يسلم تنومس القريب والبعيد

لاهنت تقبل مروري المتواضع ,,,

[خالد الشماسي]

مرحبا بأخي أبو فهد

مرحبا بقصيدتك الرائعة بنظمها و مفرداتها


تشرفة بهذه الرائعة و اقدم لك ردي المتواضع راجيا أن يسمى إلى ذائقتك و ذائقة الأعضاء الأكارم


قصدت ان تكون تابعة في موضوعك وتحت قصديتك تعبيرا عن علو مقامك و مكانتك عندي



يا أبو فهد راع اليمين الطليقه = شيخ شهر فينا وعند الأجانيب
نفسي على بيوتك وشوفك شفيقه = ولا في صداقتنا شكوك ولا ريب
مبنية بني القصور العتيقه = مثل الجبال النايفات المراقيب
ذخري ليا شانت علي الخليقه = وذراي لا هبت علي اللواهيب
يفداك رجل تنشف القوم ريقه =وأطيب مراجل حضرته يشتري جيب
ونفسه ليا جته القضايا غليقه =واكمل وصوفي له قريب محاضيب
قصيدتك في أعتبرها وثيقه = ومعلقه مثل القلاده على الجيب

وتقبل محبتي وتقديري لشخصك الكريم

أخوك

[خالد الشماسي]

الأخوان

تين

عيسى

الفارس

فالح

أبو حمود


ما عليكم زود و لا هنتو ،،، الله يخليكم لنا

[أبو يزيد]

انطلق الصوت الشجي والصادق من الراقي والنقي

ابوفهــــــد



ياخـالـد أنــت الطـيـب ولا طـريـقـه؟=ألا انـت والله إنــك الــدرب والطـيـب
احـتـرت اقــول الطـيـب ولا شقـيـقـه=سبحانـه اللـي يعـلـم الـسـر والغـيـب
ياعزوتـي وإن كـان تبـغـى الحقيـقـه=ويش الغريب إليا عرفت المواجيب !
عجزت بحور المدح لـو هـي عميقـه=لـو قلـت لـك يالذيـب فالمـدح للذيـب
مـعـك اتـمـنـى لـــي عـلاقــه وثـيـقـه=شـرواك مكسـب ياحصـان الأطاليـب
ياعـزوتـي مــن يـذكـر إنــك رفـيـقـه=يمـوت همـه داخـل الصـدر ويشـيـب
حـتـى القصـيـده ودهــا لــك شقيـقـه=عيـت تعـداء سبعـة ابـيـات يالطـيـب



ليأتي صدى هذا الصوت الرائع من هناك قمة المجد والنقاء من الكبير والرائع

ابوعمر



يا أبو فهـد راع اليميـن الطليقـه=شيخ شهر فينـا وعنـد الأجانيـب
نفسي على بيوتك وشوفك شفيقـه=ولا في صداقتنا شكـوك ولا ريـب
مبنيـة بنـي القصـور العتيـقـه=مثل الجبـال النايفـات المراقيـب
ذخري ليا شانـت علـي الخليقـه=وذراي لا هبـت علـي اللواهيـب
يفداك رجل تنشـف القـوم ريقـه=وأطيب مراجل حضرته يشتري جيب
ونفسه ليا جتـه القضايـا غليقـه=واكمل وصوفي له قريب محاضيـب
قصيدتـك فـي أعتبرهـا وثيـقـه=ومعلقه مثل القلاده علـى الجيـب



مسعود الحويزي,خالد الشماسي


والله انكم

ناموس


دمتم لنا ايه الرائعين,,,,

[راشد التوم]

صح السانك يابو فهد وهذا يدل على صفاء نيتك

ويستاهل ابو عبدالله وعلومه ان شاء الله طيبه

وتقبلوا مروري وخالص تحياتي لكم

[عيسى السبيعي]

صح لسانك يابو عبدالله على الرد الوافي والجزل في نفس الوقت
يالغالي وابو فهد يستاهل لاعدمناكم يالغالين عساكم لنا ذخر
تحياتي للجميع

[مسعود الحويزي]

السلام عليكم ورحمة الله وبركاته

الاخوان الافاضل

تين

اشكرك استاذي الفاضل على تشجيعك الدائم
ولا خلا ولا عدم وبيض الله وجهك .
واطرائك وسام على صدري

عيسى السبيعي

ماعليك زود واشكرك على مرورك الجميل

الفارس

شهادة اعتز بها اخوي ولي الشرف بذلك
واشكرك على اطرائك


فالح السبيعي

لا اريد ان اكرر كلام تعرفه انت مسبقاً
فأنت صديق عزيز ورفيق درب

ابو حمود

اشكرك على مرورك وكلامك الطيب وهذا من طيبك


ابو يزيد

مثلك وشرواك معرفته راس مال وانت لك معزه
وتقدير والله يديم المحبه .

راشد التوم

لا يسعني الا ان اقول لك بيض الله وجهك
ولا عليك زود ولك مني صادق الود



ولكم مني كل الشكر والتقدير جميعاً ولكل من مر على هذا الموضوع

[مسعود الحويزي]

الاستاذ القدير

السلام عليكم ورحمة الله وبركاته

خالد الشماسي

صح لسانك وبيض الله وجهك على الرد الرائع
ولا عليك زود طال عمرك .

والله يديم المعزه والتقدير مع الرجال الطيبين
شرواك .

ومثلك وشرواك نحرص على معرفته و توطيد
العلاقه معه. انت وكثير من الاخوان بالمنتدى


وتقبل شكري وتقديري وفائق احترامي

[ابن عبيدان]

الشاعر الكبير/ مسعود الحويزي
الشاعر الكبير/ خالد الشماسي
ماشاء الله تبارك الله على المادح والممدوح وكلن منكم كفاء وفاء بالاخر والطيب تستاهلونة وليس بغريب عليكم
تقبلوا تحياتي

[مسعود الحويزي]

الاخ الفاضل

الشاعر

مطلق بن عبيدان


اولاً اسف على التأخير فالرد عليك

لأسباب خارجه عن ارادتي

وثانياً بيض الله وجهك على الاطراء

وهذا شرف ووسام لي طال عمرك

وتقبل مني فائق التقدير والشكر