ابــي نـــقــدكــم يااهل الشعر

[فتى العزه]

السلام عليكم ورحمة الله وبركاته

بعد انقطاعي اعود لكم بقصيده جديده

واتمنى ان تحوز على رضاكم


ذهـيــنــة الــعــقــل



ياريم فيك القصيد يزين واحلى الكلام=وانتـي عليهـم تـرى فالزيـن متسيـده
ارسلك احساس قلبي والغلا واحترام=غـلاك فالقـلـب لــه بنـيـان وامشـيـده
انتي كمـا النـور لامنـه دخـل فالظـلام=وانتي عظيمه عليهم وانتـي السيـده
لكنـي اخـاف يلحقنـي عـتـاب ومــلام=لـزوم(ن) اكتـب ولـو افكـاري امقـيـده
كلامك انعم من الحرير وريـش النعـام=ذهيـنـة العـقـل كــل اعلومـهـا جـيـده
مالك شبيه(ن) وربي غير بـدر التمـام=وضلوع قلبي لارحتي ماهـي امعيـده
تمخطري فالحشـا خليـه بـرد وسـلام=قــدام نــار الـولــع تـشـويـه واتـبـيـده
اختامها اهديـك باقـات الولـع والغـرام=فالـح ملكتيـه ملـك وخذيتـي افـويـده

[أبو يزيد]

عوداً حميداً اخي

فتى العزه

وحقيقه القصيده جميله فيها عذوبه وعشق جميل والفاظها سلسه ومحببه للنفس وهي من نوع السهل الممتنع .
هذا القصيده تنبئ بميلاد شاعر جميل له مستقبل وهناك ملاحظه صغيره لاتعيب القصيده واتمنى تلافي ذلك مستقبلاً ولكن هذا لايلغي جمال النص.

(كلامك انعم من الحرير وريـش النعـام)
في هذا الشطر ثقل واضح اخل بالجرس الموسيقي للقصيده اتمنى ملاحظته.

امابقية القصيده فهي كما ذكرت سابقا جميله تشكر عليها يافتى العزه

صح لسانك ولاهنت,,,

[فتى العزه]

عوداً حميداً اخي

فتى العزه

وحقيقه القصيده جميله فيها عذوبه وعشق جميل والفاظها سلسه ومحببه للنفس وهي من نوع السهل الممتنع .
هذا القصيده تنبئ بميلاد شاعر جميل له مستقبل وهناك ملاحظه صغيره لاتعيب القصيده واتمنى تلافي ذلك مستقبلاً ولكن هذا لايلغي جمال النص.

(كلامك انعم من الحرير وريـش النعـام)
في هذا الشطر ثقل واضح اخل بالجرس الموسيقي للقصيده اتمنى ملاحظته.

امابقية القصيده فهي كما ذكرت سابقا جميله تشكر عليها يافتى العزه

صح لسانك ولاهنت,,,


اخوووووي


ابويزيد..


مشكوووور

على النقد الرئع

واللي استفدت منه صراحه


ويعطيك الف عافيه


وصح بدنك

وتشرفت بمرورك

[فـــالح السبيعي]

(كلامك انعم من الحرير وريـش النعـام)
في هذا الشطر ثقل واضح اخل بالجرس الموسيقي للقصيده اتمنى ملاحظته.


صح لساااانك أخي فتى العزه

ونفس الملاحظه موجوده كما ذكر أخي أبويزيد

القصيده راااائعه لايوجد بها خلل سوى ماذكر