سؤال اللي يجاوب عليه له هدية بشرط ان هو اللي يجين ويستلمها من يدي

[مشاكس مؤدب]

بعطيكم القصيدة وابغي مكان قبيلة البنت صاحبت القصيدة وين كانت متواجده قبيلة هذه البنت

طعبا القصة انا عارفها من بدايتها لنهايتها بس اللي ابغي اعرفه وين مكان القبيلة بالضبط يعني لو يتوفر احداثيات ماجلان ياليت


طبعا القبيلة الحين اكثر ما يتواجدون بالنعيرية على حسب علمي


يهيضني ياسبع دار ذكرتها= ولاعاد منها الامواري حيودها

سباع تبكي امك بعين ودمعها = من عينها يحفي مذاري خدودها

وكن وقود النار بقصى ضمايرها=× هاض الغرام وبيح الله سدودها

وكن حجر العين فيها ميليله = وكن ينهش موقها مع برودها

دمع يشادي قربة شوشليه = بعيدن معشاها زعوج قعودها

زعبية ياعم ماني همية = ماني من اللي هافيات جدودها

أنا من بني زعب وزعب اهلى اوجهو= على الخيل عجلات سريعا ردودها

اهل سربة لادبرت كنها مهجرة = وان أقبلت كن الجوازي ورودها

لطاح طايحهم بشوفي ترايعوا = تقول فهد مخطيات صيودها

لصاح صياح بالسيوف تفازعوا = عزي لغمر ثبرت به بلودها

لحقو على مثل القطا يوم وردته= متغانمين عين قراح برودها

خيل تغذى للبلاوالمعارك=ترهق صناديدالعدا في طرودها

لا تلقحون الخيل يازعب ياهلي = ترى لقاح الخيل يردي جهودها

إن جت سماح الخد مايلحق بكم = ون جت مع السنداء لزوم يكودها

جينا الشريف بديرته والتفانا = كل القبايل جامع به جنودها

طلب علينا الخور هجمة قصيرنا = مصمل يبغى جناديب سودها

ياما عطينا دونها من سبيه = تسعين صفرا حسبها ومعدودها

تمامهن ( شعيطان) خيالة( مهوس )= إصايل صنع النصارى قيودها

يقطع قبيلة ضفها ما يذري= تشبه جمال عضها في بدودها

قصيرنا في راس عيطا طويلة= يحجي ذراها من عواصيف نودها

عيو عليها لابتي وحتموها = بمصقلات مرهفات حدودها

حربنا وتو البنت نشو بها امها = لين استتمت واستوى زين عودها

على الحنايا نقضن الجدايل = سمر الذوايب كاسيات نهودها

وجيههن كمزنة عقربية = هلت مطرها يوم حنت رعودها

تسعين لليلة والقراين معقلة = حمالذرا معقلات عضودها

شقح البكار اللى زهن الجنايب = قامت تضالع من مثاني عضودها

وخيل تناحي خيل وتضرب بالقنا = مثل التهامي يوم احلي جرودها

بنات عمي كلهن شقن الخبا = بيض الترايب ضافيات جعودها

كل نهار الهوش تنخا رجالها = ستر العذارى بالملاقى اسودها

لباسة للدرع والطاس باللقاء= على سروج الخيل عجل ورودها

من صنع داوود عليهم مشالح = تجيبه رجال من غنايم فهودها

يما طعنوا في حربة عولقية = شلف تلظا يشرب الدم عودها

اللي ايتموا في تسعين مهرة = مامنهن اللى متلاوي عمودها

وتسعين مع تسعين والفين فارس = تحت صليبالخد تطوى لحودها

تسعين بني عمي وابوي واخوتي = وتسعين عنان واللواحي شهودها

قبيلة كم اذهبت من قبيلة = اذا عدت الجود ات ينعد جودها

(زعب) اهل المدح والمد والثنا=من الربع الخالي إلى الحجاز حدودها

إن اجنبوا للصيد منهم تحوز = الربد والوضيحي والجوازي عنودها

وان اشملوا تهج منهم قبايل = دار يجونها ضدهم ما يرودها

إذا انتووا في ديرة ياصلونها = تقافت الاظعان عجل شدودها

وركابهم يم العدا متعبينها = بيض المحاقب مقترات لهودها
ياما اخذوا من ضدهم من غنيمه = من ذاق منهم ضربة مايعودها

نمر تشادي للجراد التهامي = ماطاعوا الحكام من عظم كودها

أشوف بالحره ظعون تقللت= أبوي حماي السرايا يذودها

شفي معه صفرا تباري عندل = مرا يباريها ومر يقودها

أنا فتاة الحي بنت بن غافل = كم من فتاة غر فيها قعودها

شرشوح ذود ضارب له خريمة= ماودك يشوفه بعينه حسودها

حولت من نضوي ورقيت سرحة= حطيت لي عش باعالي فنودها

وجوني ركيب ونوخوا في ذراها= شافني عقيد القوم زيزوم قودها

قال حولي يابنت وانت بوجهي = ولا جيته الا واثقه من عهودها

امرا كتبه الله وصار وتكون = تسبب علينا من الاعادي قرودها

بحرب شديدة ماتمناه عاقل = تعده عيال عادها في مهودها

ذكرت يوم فايت قد مضى لهم = يوم علينا من ليالي سعودها

ضو زمت للمال من عقب سريه= ضو زمت عودان الاراطي وقودها

كن قرون الصيد من خلف بيتنا = هشيم الغضا يدني لحامي وقودها

تسعين عدد صيدنا في عشية = وضحية نجعل دلانا جلودها

قناصنا يروح شريق وينثني = ويجيب الجوازي داميات خدودها

ورواينا يروي بيومه وينثني = يجيب القلاصي لاحقات حدودها

ومدادها ياخذ حديد وينثني = ويجيب الجلادي ضايمات كبودها

غزاينا يروح بيومه وينثني = يجي بالرعايا ضايماتها ديودها

لنا بين ( حبر) والغرابه منزل = نهد في زين العرابا قعودها

حنا نزلنا الحزم تسعين ليلة =وغل الاعادي لاجي في كبودها

لمن حجى معنا عليم ولاذرى= الا شخوص العين قب نقودها

قليبنا غزيرة الجم عيلم = ماينشدون صدورها من اورودها

طولها ثمان مع ثمان مع اربع = وسط من الصفراء ) وقبلةنفودها

اهل عقلة يحده الحاذ من الغضا = مادارها الزراع يبذر امدودها

الفين بيت نازلين جباها = والفين بيت بالمضامى ترودها

تخالفوا في يوم تسعين لحيه = على شان وقفت اجنبي بنفودها

دار لنا ماهي دار لغيرنا = تحدها الرملة لموارد عدودها

[أبو يزيد]

القصه معروفه بالنسبه لي ومكان تواجدها ولكن سأترك المجال للاخوه

وسأنقل المشاركه الى المنتدى المفتوح بعد اذنك اخوي مشاكس,,,

[مشعاب]

القصيدة للزعبيه بنت شيخ زعب

حمو قصيرهم ضد الشريف وانهزموا


ديارهم


الموطن الأصلي لقبيلة زعب حتى نهاية القرن الثامن الهجري ، هو المدينة المنورة وفي حرة رهاط ، وشرقا إلى الدَّفينة وأطراف حمى الربذة ، في عالية نجد إلى الربع الخالي وتمر عبر جبلي حبر والغربة وحول عفيف وحتى وادي الدواسر .

وكانوا يسكنون هذه الأرض ، مع أبناء عمومتهم من بني سليم ، وأراضيهم كانت كبيره جداً، ولا زالت بعض قبائل من بني سليم يقيمون في نفس المكان في محافظة الكامل ووادي سايه وستارة

ومن ديار زعب القديمة السوارقية وتقع بين مكة المكرمة والمدينة المنورة وقد اقطعها الرسول صلى الله عليه وسلم ، للصحابي الجليل ضميرة بن سعد بن سفيان بن حبيب بن زعب بن مالك السلمي .

وكانت لقبيلة زعب محطات تستقر فيها فترات قد تطول وقد تقصر ثم ترحل منها وذلك في نجد والحجاز ومنطقة شرق الجزيرة

أما في الوقت الحاضر فتوجد قبيلة زعب في البلدان التالية

المنطقة الشرقية من السعودية (النعيرية، الدمام ،ابقيق، الخفجي ،الحسي، قصوان ، المليحة، ابرقية )

المنطقة الوسطى من السعودية ( الرياض ، الخرج ، القويعية ، المجمعه )

و توجد قبيلة زعب في الكويت وقطر والاردن والشام


--------------------------------------------------------------------------------

[مشاكس مؤدب]

القصه معروفه بالنسبه لي ومكان تواجدها ولكن سأترك المجال للاخوه

وسأنقل المشاركه الى المنتدى المفتوح بعد اذنك اخوي مشاكس,,,

ماشاء الله ابو يزيد عندك سعة اطلاع تغبط عليها


وانتبه الهدية لاتفوتك

وياعيني على الزهد اللي زي كذا

او انك جاعل من الاية (ويؤثرون على انفسهم ولو كان بهم خصاصة) مبدا لك

[مشاكس مؤدب]

القصيدة للزعبيه بنت شيخ زعب

حمو قصيرهم ضد الشريف وانهزموا


ديارهم


الموطن الأصلي لقبيلة زعب حتى نهاية القرن الثامن الهجري ، هو المدينة المنورة وفي حرة رهاط ، وشرقا إلى الدَّفينة وأطراف حمى الربذة ، في عالية نجد إلى الربع الخالي وتمر عبر جبلي حبر والغربة وحول عفيف وحتى وادي الدواسر .

وكانوا يسكنون هذه الأرض ، مع أبناء عمومتهم من بني سليم ، وأراضيهم كانت كبيره جداً، ولا زالت بعض قبائل من بني سليم يقيمون في نفس المكان في محافظة الكامل ووادي سايه وستارة

ومن ديار زعب القديمة السوارقية وتقع بين مكة المكرمة والمدينة المنورة وقد اقطعها الرسول صلى الله عليه وسلم ، للصحابي الجليل ضميرة بن سعد بن سفيان بن حبيب بن زعب بن مالك السلمي .

وكانت لقبيلة زعب محطات تستقر فيها فترات قد تطول وقد تقصر ثم ترحل منها وذلك في نجد والحجاز ومنطقة شرق الجزيرة

أما في الوقت الحاضر فتوجد قبيلة زعب في البلدان التالية

المنطقة الشرقية من السعودية (النعيرية، الدمام ،ابقيق، الخفجي ،الحسي، قصوان ، المليحة، ابرقية )

المنطقة الوسطى من السعودية ( الرياض ، الخرج ، القويعية ، المجمعه )

و توجد قبيلة زعب في الكويت وقطر والاردن والشام


--------------------------------------------------------------------------------


حياك الله اخوي مستر بن قصدي مشعاب
اللي ابغي اعرفه مكان القبيلة يوم هج البعير بالبنت وين كان ومكانهم في ذاك الوقت

ثم اين هي بيرهم التي وصفتها البنت

لا تقول انها بير هداج بتيما

[المنفلوطي]

حول رنيه والله العالم

[نجم سبيع الغلبا]

اظاهر انها في عالية نجد