على الهواء

[السويدي حمد]

لن نقارن فالمقارنه مابين الاثنين كالمقارنه بين الثريا والثرى

ومن يتحجج بحجج واهيه معناه لايفهم شي وهذا الفرق واضح للأعيان

أكيد (( عرفتوا الاثنين )) ولكن ان يصل الامر ان يتم نقل كل فعاليات المهرجان

((على الهواء مباشرة)) فهذي السابقه التي لن يسبق عتيبة الهيلا عليها احد

وباعتقادي سوف يتعب من ياتي بعدهم قبل ان يسوي مثلهم ,,, لاحد يقول هذا شي سهل

ترى الحكي عندكم هو السهل ,, انما مجتمع بدوي على الفطره وناس غالبيتهم لم يشاهدون

الكميرات إلا في هذا المزاين لايعتبر شي سهل هذا بس هيض من فيض,,, وتستاهلوون يالهيلا


ملاحظة

الاخوة اعضاء الادارة

مايصير ناس يتهجمون علينا ولما نرد تقومون بحذف الرد

إذا كان مكيالكم نوعين علمونا ناخذ احتياطنا قبل نصير عرضةٍ لمن يسوى ومن لايسوى

وانتم سلووم والسلام

[رآعي الأوله]

مادامك عارف أنا بدو


وأول مرة نشوف الكميرات


طيب وشهولة نعرض حفلنا على الهواء مباشرة؟ زوود فضايح يعني !!


وشوف عيني أنا في مزاين عتيبة اللي فية بث مباشر على قولتك


منسق الحفل يمسك الميقرفون ويتكلم بصوت مبحوح وعيونة طالعة من راسة


على الجمهر اللي سبب ربكة في الحفل وقام من أماكنة وقت المحاورة الشعرية


ولا حياة لمن تنادي ؛ لم ينصت الجمهور لة وضل على فوضويتة.


لو كان الحفل مسجل لكان بالأمكان تلافي مثل هذة الأمور في المونتاج


بحذف مثل هذة القطات التي تسيء للقبيلة.



فالحمد الله أن حفل مزاين أسبيع لم يعرض على الهواء


ومدري هل هو مرضيك عرض حفل سبيع على قناة الساحة بشكلة الحالي؟


وهل يمكنك تخيل كيف سيكون لو عرض على الهواء مباشرة؟!!!!


شكراً

[جفين الطويرش]

الاخ احمد السويدي الله يهدينا وياك

ولا يصح منك انك تقارن ؟؟؟؟؟؟؟؟؟؟؟؟ بمزاين قبيله كامله عن بكرة ابيه

مقارنتً مع مزاين قردي وعادي جداً

اغلب اللي في المنتدى كانوا يتمنون ان يكون المزاين بصوره المرضيه للجميع ولاكن اللي صار صار وانتها


ولايصح انا نسبه خصوصً في هذا المنتدى


لك عندي ملاحضه بسيطه وانتبه لها ؟؟؟ شوف منتدى القبيله اللي تقول تشوف فيها مثل اللي عندنا
يعني ما عندهم خلافات هذا غير صحيح خلافاتم لشوشهم حتى ان الامير سلمان ابن عبد العزيز تدخل وحل هذه المشاكل وبعضها عالق الايوم الدين

ولاكن ما احد منهم كتب في المنتديات وقال هذا مخطي وهذا مقدي ؟؟؟


اجوا منك ومن الاخوه الكرام عدم تقليل مستوا المزاين لنه انتها بما فيه

ويشهد الله انني من اللذينا عارضوا على بعض التصرفات الفرديه


وفي الختام تقبل تحياتي


اذا ؟؟؟ فاستتروا ؟؟

[وادي الــثلــج]

الســــــيد الســــويدي .......



ياخــــوي الضـــاهــر انك متربـــع قـــدام الســـاحة وجالـــس تقارن وتطـــلــع الاخطـــاء الســـبعة

وتصـــيد الاخـــطاء على ربـــعك

تـــرا الشــــــغله مهـــيب حلى وكـــل يـــوم وانت مطـــلع لنا مـــوضـــوع نياحـــة جـــديد

فالصـــمت حـــكمةوخــاصةلمـــن تتحـــكم بهـــم عواطفهم



راعي الاولة لقد اصــــبت فيما قلت فالبث على الهـــواء مباشـــرة يعـــتبر مخاطـــرة كبيرة ومغـــامـــرة وخــاصـــة

في البـــرامج الجماهيرية ويمكن ان يـــؤدي الى نتائج عكســـية .ولا يعـــتبر النقل المباشـــر ميزة تميز غيرنا علينا

الا عند مـــن يـــريد الشــــماتة فقط ســـواء كان حق او باطل.


الاخـــوة المشـــرفين على هـــذا المنتدى ارجـــو ان يقفل النقاش في المــزاين فقد انتها بسيأته وحســـناته

وقبيلة ســــبيع غنية بتاريخها ورجالها وماضيها المشـــرف وحاضــرها المشـــرق والى الامام دائما

ومن حاولو التســـلق على هـــذه القبيلة العـــزيزة والبروز على حســـابها ســـوف ينســاهم الجميـــع والتاريخ

وبيقى كيان هـــــذه القبيلة شــــامخا الى الابـــــد ان شـــــاء الله على العــــز والطاعة.

[وادي الــثلــج]

جفين الطــــويرش بيض الله وجـــهك ياالاميـــــر.

[راقي المعالي]

اخواني لا يخفى عليكم أن مزاين قبيلة سبيع هم الذين رتبوه بأنفسهم

أما مزاين قبيلة عتيبه فالذي رتبه هو الأمير سلمان بن عبدالعزيز

فشتان بين مهرجان ترتبه الدوله وبين مهرجان يرتبه فرد من أفراد القبيله

هل تضنون أن عتيبه ليس بينها مشاكل لا والله

لكن الشيء الوحيد والفارق بيننا وبينهم هو أن كتاب عتيبه في المنتديات

رجال علموا ان ما سيكتبونه سوف يشاهده القاصي والداني فأضهروا الوجه الحسن وتركوا الوجه القبيح

اما نحن فكتابنا في المنتديات هم من يهذي بما لا يدري من طراء عليه كلمة قالها حتى لو موته فيها

اشبه ما يكونون برعاع الناس بدل ما يكتون عن مفاخر قبيلتهم ويدحرون من يتكلم فيها بسوء

قلبوا الموجه وصاروا هم من يضهر المثالب ويرد وبقوة على من يحاول اضهار المحاسن

إذا عتيبه ضهر وجهها الحسن من حسن من يكتب عنها أما سبيع ضهر وجهها القبيح من قبح من يكتبون عنها

فشتان بين مشرقاً ومغربِ

[السويدي حمد]

الحين الكلام عن نقل مباشر بقناة الساحة وانتم كل واحد رايح يهذر على كيفه مايدري

ويش السالفه

المصيبة ان رديت بحزم على هذرتكم حذف كلامي وان سكت ولينكم إنا لله وإنا إليه راجعون

صم بكم لاتفقون ,,,, يابشر ان كانكم بشر وانا اشك في ذلك السالفه مزاين يعني مهرجان يعني

جراءة يعني حرفنه يعني نقل قناة,, القبائل محد لحقها وبالطبع لن تفهمون إلى يوم القيامة

وهي واحد من اثنين ياتسمح الادارة لي بالرد عليكم يافرقاكم خير لآن ......تزعمون انكم

منها لاتستحق ......... ع شانها

الادارة تسمحون بهذا الرد وإلا السلام عليكم هؤلا بشر صعب التعامل معهم نقول قمر قالوا إلا شمس

نقول نقل مباشر قالوا إنا كذا وكذا ,,, وبالمناسبه انا ترى اعرف من هم !!!!!