عبدالله النعيمي
04 - 12 - 2007, 09:21
اهداء الى اعضاء ومشرفين منتديات سبيع الغلبا الافاضل من زميلكم المحب عبدالله المهنا النعيمي :
لحاك الله يا ساف الهبوبي = دفنت الرسم في بطن الترايب
طمست اقطان خلي ومحبوبي=خرايب تصطفق فيها الهبايب
الاحي ورقتن تلعي نحوبي=تلاعي راعبين بان غايب
بقلبي نا ر تشعط باللهوبي=كما مرجل تشيط به اللهايب
وجسمي منهكن من شيل ثوبي=تخاطفني جليلات الخطايب
تناهبني عضيلات الخطوبي=كلاليبن عضيمات المقاضب
والا من هب لي ريح الجنوبي=يزود بي صوابي والعطايب
والا شفت السما فيها شبوبي= كما سيوفن تلامع في حرايب
تذكرته طرف خدن نهوبي= وقلبي صار بحساب النهايب
وكفن فيه حنا ومخضوبي=كما عسجد عليه التبر ذايب
ورمش العين عسكر بالجيوبي=نظامين يسير بالكتايب
زمي النهد مركوزن كعوبي= هلالي الحجاجين الحواجب
وضامر بطن كالعوصا النجوبي=نبي الردف مبروم الجوانب
مديد الجسم والمشي محسوبي=يحسب خطاه عد(ن) بالحسايب
تذكر ت الزمان اللي طروبي=وقد زانت لنا فيه الطرايب
زمانن عجل ويحث الخبوبي=تقفى وانتحى عجل الذهايب
احث السير عجلن بالركوبي=ودون القصد يقصرن الركايب
ولي همة على قطع الصعوبي=ولا كن القدر قاطع وصايب
وزود الحذر ما رد الكتوبي=ومقدور الفتى لا شك غالب
تغيب الشمس في حزة غروبي=وعمرك يالفتى لوطال ناضب
الا يالله علام الغيوبي = تسخر لي عناها والصعايب
لحاك الله يا ساف الهبوبي= تعبت القلب بشجون النوايب
نظم \عبدالله ابراهيم المهنا النعيمي
لحاك الله يا ساف الهبوبي = دفنت الرسم في بطن الترايب
طمست اقطان خلي ومحبوبي=خرايب تصطفق فيها الهبايب
الاحي ورقتن تلعي نحوبي=تلاعي راعبين بان غايب
بقلبي نا ر تشعط باللهوبي=كما مرجل تشيط به اللهايب
وجسمي منهكن من شيل ثوبي=تخاطفني جليلات الخطايب
تناهبني عضيلات الخطوبي=كلاليبن عضيمات المقاضب
والا من هب لي ريح الجنوبي=يزود بي صوابي والعطايب
والا شفت السما فيها شبوبي= كما سيوفن تلامع في حرايب
تذكرته طرف خدن نهوبي= وقلبي صار بحساب النهايب
وكفن فيه حنا ومخضوبي=كما عسجد عليه التبر ذايب
ورمش العين عسكر بالجيوبي=نظامين يسير بالكتايب
زمي النهد مركوزن كعوبي= هلالي الحجاجين الحواجب
وضامر بطن كالعوصا النجوبي=نبي الردف مبروم الجوانب
مديد الجسم والمشي محسوبي=يحسب خطاه عد(ن) بالحسايب
تذكر ت الزمان اللي طروبي=وقد زانت لنا فيه الطرايب
زمانن عجل ويحث الخبوبي=تقفى وانتحى عجل الذهايب
احث السير عجلن بالركوبي=ودون القصد يقصرن الركايب
ولي همة على قطع الصعوبي=ولا كن القدر قاطع وصايب
وزود الحذر ما رد الكتوبي=ومقدور الفتى لا شك غالب
تغيب الشمس في حزة غروبي=وعمرك يالفتى لوطال ناضب
الا يالله علام الغيوبي = تسخر لي عناها والصعايب
لحاك الله يا ساف الهبوبي= تعبت القلب بشجون النوايب
نظم \عبدالله ابراهيم المهنا النعيمي