علاقة

[ذيبان]

هذي قصيدة لشاعر / سعد بن جدلان الاكلبي

تتكلم عن الاصدقاء وفعلاً كلامة صحيح اسالؤا واحد جربها

البارحه عنزت للراس كفي=وعنيت من باب الشرس والحماقه
حبيت أبين من هجوسي أوخفي=ملامح(ن)عن الأصدقاء والرفاقه
صديقي اللي له لسان(ن)يلفي=ولو صملت مني نوى الانسراقه
أحسن يقفي عن طريقي وأقفي=مستغني(ن)بالله ولاهالصداقه
ورفيقي اللي مايوقف بصفي=لاينكتب بيني وبينه علاقه
فرقاه ربح وجيته ماتشفي=الا الذي ماله على الشي طاقه
والابعضهم للعلوم متلفي=ليا جاك حمل(ن)حط فوقه وساقه
كبير قلب وبالحياه متعفي=راس(ن) خلقه الله في جسم ناقه
لامولع(ن)نار(ن)ولاهومطفي=من حيث مايصفق به الموج ساقه


ارجوا ان تحوز على رضاكم

اخوكم:ذيـــــــــــبـــــــــــــان

[عابر القارات]

انشهد انه صادق سعد بن جدلان

الصديق وقت الضيق


لاكن اكثر الاصدقاء وقتك هذا يا ذيبان

صارت مبنيه على المصالح الشخصيه

سلمت ياطويل العمر على هذي القصيده عن الاصدقاء


تحيات فيصل ترشك يا ذيبان مثل رش المطر

[البدر]

ذيـــــبــــــــــــــان

سلمت يمناك يالذيب ولاهنت على نقل القصيده الرائعه للشاعر المبدع سعد بن جدلان احد رموز الشعر الشعبي في المملكه .

اكرر شكري لك على المشاركه الرائعه

اخوك البدر

[ابن شطيط]

لاهنت ياذيبان

وصح لسان الشاعر الكبير سعد ابن جدلان

والصداقه بعضها عالأيام مبني على المصالح

مثل كلام عابر القارات

ومشكور على نقل القصيده

تحياتي

[ذيبان]

شكراً على المرور عل المشاركة
عابر القارات

البدر

ابن شطيط

وفعلاً الصداقة الان مصالح

تقبلوا خالص تحياتي

ذيــــــــــــــبــــــــــــــــان

[مرساال اكلب]

صح لسان ابو محمد

وبيض الله وجهك ياذيبان

علي النقل الرائع

[الحرألأبيض]

الــبــارحــه عـنـزت لـلـراس كـفــي *** وعنيت من باب الشرس والحماقه

حـبـيـت أبين من هجوسي أوخفي *** مـلامح(ن)عن الأصدقاء والرفاقه

صـديـقـي الـلـي لـه لـسان(ن)يلفي *** ولـو صـملت مني نوى الانسراقه

أحـسـن يقفي عن طريقي وأقفي *** مـسـتـغـني(ن)بالله ولاهالصداقه

ورفـيـقـي الـلي مايـوقـف بـصفي *** لايـنـكـتـب بـيـنـي وبـيـنه علاقه

فـرقـاه ربـح وجـيـتـه مـاتـشـفـي *** الا الـذي مـالـه عـلى الشي طاقه

والابـعـضـهـم لـلـعـلــوم مــتــلـفي *** ليا جاك حمل(ن)حط فوقه وساقه

كـبـيـر قـلــب وبالـحـيـاه مـتعفي *** راس(ن) خـلـقـه الله في جسم ناقه

لامـولـع(ن)نـار(ن)ولاهــومـطــفـي *** مـن حيث مايصفق به الموج ساقه

أخي ذيبان لاهنت

وسلمت يمناك على نقل القصيده الجميله والرأئعه والتى تتكلم عن

الأصدقاء والرفاقه وقد أجاد الشاعر الوصف والتعبير عن صدأقة هذا الزمن

اخي الكريم ذيبان بيض الله وجهك ودمت بخير