الشيخ / ضيدان بن محمد بن مطر أبو اثنين

[+*رمح العنــا*+]

السلام عليكم ورحمة الله وبركاته


اخواني واخواتي اعضاء منتدى قبيلة سبيع اقدم لكم هذه القصيده في الشيخ / ضيدان بن محمد بن مطر ابوثنين وهو شيخ من شيوخ سبيع ومناره من مناراتها ونار على راس علم عند قبيلته وجميع القبائل.

وهذه قصيده للشاعر /سعد بن ذعار بن سعد بن نهار السبيعي:
البـارحه ما أمسيت والليل ليليـن **** من هاجس" في القلب دايم يلوفه

قم ياخوييي شغل الجمس ذلحين****حسب الطلب والوقت تحكم ظروفه

من غير ليـه وتفهم العـلم بعدين **** لامن وصلنا اللي مقامه تشوفه

نبغى الامير اللي يفك المساجين****من روس قوم"بالفعول معروفه

شيخ الفخر والعـز شيخ الجمالين**** ابن مطر لاقام برهن وقوفه

ضيدان راس المال لسبيع ابوثنين**** ومن يندبه يشفيه مكرم ضيوفه

وأصله وفصـلـه كلبوهم سلاطين **** شيخ" ولد شيخ"عديمه وصوفه

وافعـالهم بالطـيب ثبت وبراهـين **** فعلً لهم ماحد" طلب بمعروفه

وافعالهـم نامـوس مبطي وذالحين**** وسعد الرفيق وموقف" له يشوفه

وهم هل الطالات في العسر واللين**** وكريم سبلا والوفا مايطوفه

ابنـدبه وابشـرح اوضـاع وامـرين **** يجيبهن والا حديــــهن يشـــوفه

ابغى الامــن كلـيتـه منــهج" زين**** وقدمت والمعروض نطلة زروفه

وقدمت في التسليف ودونه حسودين**** والحظ يامشكاي كثرت صدوفه

ياعــزوتـي بين الــربــع والبعيــدين**** محــتاج لك والوقت واجد حفوفه

وحيثك كفو فسرت لك فالملاحين**** ومن علمك ماقال لك واحسوفه

تشفيه بافعال" تضد المعادين**** لنك كفو والطيب كله تنوفه

وتم الكلام بذكر رب المصلين**** واعداد حجاج" لبيته تطوفه






اخوكم ( +*رمـــح العــنــا*+)

[خالد الشماسي]

والله وألف نعم بالشيخ / ضيدان بن محمد بن مطر ابوثنين


وصح السان الشاعر سعد بن ذعار بن سعد بن نهار السبيعي




قصيدة جزلة في رجال يستاهل

[رمح مهنا]

ونعم باابوثنين شيخ من شوخ الغلبا المعروفين باالفزعه للقاصي والداني

وصح لسان الشاعر وشكر لنقل القصيده

[+*رمح العنــا*+]

اخوي خالد الشماسي


شكرا لمرورك الكريم وابو منصور يستاهل


وهذا ترا اقل مانقدمه له







اخوك +*رمـــح العنــــا*+

[+*رمح العنــا*+]

رمـــــــــح مهنـــــــــا




اخوي شكرا لمرورك الرائع وكلماتك المميزه

وابو منصور يستاهل والله لايهينك






+*رمــــح العنــــــا*+

[ربعي بني عمر]

كفو كفو ال بوثنين وتستاهلون المدح

يستاهل الشيخ ضيدان ابن مطر على هذا المدح ومهما قالو لن يعطوه حقه

[عبدالله الحضبي]

صح لسان الشاعر ورحم الله الشيخ ضيدان بن محمد أبو ثنين