ياسبيـــــــــــــــــــــــــــــع ... !!

[عاشق الوطن]

ياسلامي من ضميرٍ على مدّ الجزيل = ماختلف في مذهبه ماختلف في مذهبي
ياسبيع أنّا مشاريه من وقتٍ طويل = تلحق أهل الحله اللي عليهم مطلبي !

[راس النـــــايف]

ياهلا يامرحبا ياهل الفعل الجميل=والسلام يرد للمشرقي والمغربي
انت ياعاشق وطن لك مشاريهن تهيل=مير علمنا وش الي من العالم تبي

[أبو يزيد]

ياسلام ياسلام

عاشق الوطن,راس النايف

صحت السنتكم

بداية رااااااااااااااااائعه

[راس النـــــايف]

صح بدنك يابو يزيد


الرائع مرورك ومتابعتك

[فتى العزه]

عاشق الوطن

راس النايف


صح لسانكم

بدايه رائعه


ونا في صف اخوي

راس النايف

ولايهوون عاشق الوطن



الليل الليل


ياشعار

[راس النـــــايف]

مرحبا بك يافتى العزه

تعز الصف الي انت فيه ياذيبان

[عاشق الوطن]

البقا يلي ترررحب عسى لك من بديل = لحتمت دعواي جعلك لها ماتهربي !
وش تقول ليا وقف عند بابك يالعميل = ضيف له عامين محدٍ بشووفه رحبـــي !!

[عاشق الوطن]

أبو يـــــزيد ..
فتى العزة ..

حييتم .. وصحة أبدانكم ..

لاهنتم .

[معاند الشماسي]

الله الله

محاورة جميلة

أنا بصف عاشق الوطن

ولا يهون راس النايف

[عاشق الوطن]

واناا أقول يامعاند الشماسي ..

تزيدني فخراا ..

لاهنت ..

[راس النـــــايف]

مايعود عن طريقن بغاه الا الذليل=ومن رمى نفسه على الناس قالو له غبي
للضيوف نقدم الحيل مع بنن و هيل=وان سمعنا زلة الضيف قلنا ياصبي !!

[راس النـــــايف]

مرحبا يامعاند

لاهنت على المرور

[عاشق الوطن]

الغبي ياصاحبي من طرق باب البخيل = مار أنا لا جيت أميّــز واعرف معزبي !
رووح وأنشد عن عريــــمط ترى جاكم محيــل = ربعه عتيبه كريمه , عريبت منسبي !

[راس النـــــايف]

من طرق باب العرب لايزل ولايعيل=السلوم سلوم والدار في ضل شنبي
نعم بعتيبه هل الخيل والسيف الصقيل= مير مانعرف عريمط رسول ولانبي

[عاشق الوطن]

السلوم أسلوم يلي تحطون المكيل = والمطفف كل خلق الله أتقول يهبـــي
أنشد البوواب يعطيك عن هذا حصيل = وان جهل ما من عراشٍ(ن) ورى راس الظبي !

[راس النـــــايف]

مانقول الهرجه الا لها وقع ودليل=الخطر في روس الاموال مامن مكسبي
يابروق الصيف يالي سحابك مايسيل=الشواوي تتبعه مشي وتعود تحبي

[فـــالح السبيعي]

الشعار الكبار

عاشق وطن

راس النايف

صحت ألسنتكم

[عاشق الوطن]

مانقول الهرجه الا لها وقـع ودليـل


صح لسانك ..

ولاهنت واستمتعت معك .. وعذرا انا انشغلت ..

__________

ولاهنت يافالح
وصح بدنك

[راس النـــــايف]

صح بدنك ياعاشق الوطن

المتعه والفائده متبادله

وشكراً لكل من حظر وشاركنا