المساعد الشخصي الرقمي

مشاهدة النسخة كاملة : الشــــــــــــــــاطـــــــــر يـــــــــــجــــــــــــــــي

الخبير
27 - 09 - 2003, 02:29
السلام عليكم ورحمة الله وبركاته

سلام رديه تـفك الراس من راس الخبير------ اقولها وانا على مركاي والشاطر يـجي
عيني على التجار مالديت عيني للفقير------ ياللي تعرف ال منهج الشاعر هذا منهجي
سعود
28 - 09 - 2003, 00:23
وعليكم السلام

البقى لك بالنيابه والطيبه دايم تطير***والسوالف كثيره والخلايق وش ترتجي
التجاره شطاره تبى لها حسن تدبير***وانا عارف مدخلي منها وعارف مخرجي
المعتزي
28 - 09 - 2003, 00:48
يامرحبا وياهلا بالخبير

الساعه المباركه 00تراماني بشاعر مير اعجبني طاروقك

استلم


يامرحبا واخذ الخبر والعلم من راس المدير

------------- يامر وينها ماحسب لموظفين وقهوجي

عينك على التجار مير احسب حسابك والمسير

------شف مدخلك فى السوق قبلٍ انك تزل المخرجي
المعتزي
28 - 09 - 2003, 01:01
سعود

معليش والله ماشفت ردك على الخبير الابعد مارسلت ردي والكن فيك الكفايه واصل مع الخبير

وانا تراني ابامسك صفك00

ماعليش يبدو انا ارسلنا في ان واحد
يالله اليل اليل

لك تحياتي

المعتزي
سعود
28 - 09 - 2003, 01:12
لالا حبيبي فيك الخير والبركه وحنا تلاميذ عندكم والله وابد ماحصل قصور
والله يعطيك العاافيه اخوي
الخبير
28 - 09 - 2003, 02:19
مرحبااا بكم كلكم استلموووو لاهنتوووووو


الله يحيكم جميع اثنين عادي وش يصير --- اهم شي ان السوالف بيننا ماتسمجي
غنو لاكن لاحد(ن) يقوم ايحن من بعد الهدير ----- ترا الحقيقه قالو اهل المعرفه ماتزعجي
المعتزي
28 - 09 - 2003, 02:44
استلم يالخبير لاهنت

الله يبارك فيك قدها قدم بسلوك الحرير

----------------والكيف لهله ياعميلي خل ناره تسرجي

نبيع نشري بالذهب ماهو نحاس ولاشعير

----------------مير انت وشلونك عسا سلمك عدل مايعرجي
سعود
28 - 09 - 2003, 02:45
الله الله استلم
لو نجيب شداد فوق شداد ماشاله بعير***رحاتنا فوق راسك قامت تلف وتدرجي
الطايره في سمانا والعلم كله فال خير***مهما تبعد ولا تقرب لزوم تعود مدرجي
سعود
28 - 09 - 2003, 03:04
الله الله استلم
لو نجيب شداد فوق شداد ماشاله بعير***رحاتنا فوق راسك قامت تلف وتدرجي
الطايره في سمانا والعلم كله فال خير***مهما تبعد و تقرب لزوم تعود مدرجي
تعديل بسيط
الخبير
28 - 09 - 2003, 22:44
المعتزي استلم لاهنت

سلمي ينومسني لاكن اقرب على السيف الشطير
00000000000000000سيف(ن) من سيوف اهل الغلباء يعدل الأعوجي
كان انت منا منت عنا مانبا الهرج الكثير
0000000000000000 00وكان انت عنا منت منا ياسواليف ادرجي



اخوي سعود ،،، ابيوتك تبي شووي وزنيه الله لا يهينك على كل حال وجودك يشرفنا طال عمرك
المعتزي
28 - 09 - 2003, 23:53
استلم يالخبير لاهنت وناسف على التاخير


اليا عودت السيف سيف اعتيبه الهيلا خطير

-------------------وانا عتيبي والعتيبي يعتزي مايلتجي

اقدح شرارة نار والمرضان يوضع بالسرير

--------------لومك على اللي لاحتمة يسج والايسهجي
الخبير
29 - 09 - 2003, 02:15
استلم استلم يالمعتزي لاهنت



راحت علوم اوجت علوم وسيفكم وسط الجفير
00000000000000هاذي حقيقه مثل واجه الصبح والصبح ابلجي
والمشكله فاللي يحط الجندي العادي وزير
00000000000000مشكلته انه مايعرف ان الصبخ ماينتجي
المعتزي
29 - 09 - 2003, 23:11
استلم يالخبير
لاهنت

راحت علوم وجات واعيون العداء تكحل ذرير

-----يوم انت فى اقصاء الكور الاقصا ياعميلي تحتجي

المشكله فى الوقت ذا ياصاحبي طال القصير

------شره يطاول واحدٍ طــــــــايل عسا الله يبرجي
الخبير
29 - 09 - 2003, 23:52
استلم يالمعتزي لاهنت


هون على نفسك ترا طب العمى عند البصير
000000000000000 انا حديتك لين قمت اتنط روس العرفجي
يالشاعر الفنان لا تهتم فالوقت الاخير
00000000000000شجع هل الكوره وشاهد قول خالد قهوجي
المعتزي
30 - 09 - 2003, 23:28
الخبير

الشاعر الرايع

لقد استمتعت بالعبمعك واستفدت

واقول صح لسانك 0ومتا ماناسب لك الوقت اعطني خبر بالرسايل الخاصه نبا نلعب محاوره مبارشره

ليلة خميس اوجمعه 0

لك تحيات
اخوك

المحب لسبيع

المعتزي
الخبير
02 - 10 - 2003, 19:20
الشاعر الكبير المعتزي


اولا :0 صح السااااااااااااااااااانك والحقيقه العب معك لا يمل0
ثانيا:0 ابشر يالمعتزي متى ماجاء عندي واقت ارسلت لك رساله خاصه




تقبل تحياااااااات


اخوك




الخــــــــــــــــــــــــــــــــبـــــــــــيــ ـــــــــر