بدر بن خرفاش ينتظركم

[راس النـــــايف]

باقي يومين وينتهي التصويت

وين الفزعه ياهلها

بدر ينتظر فزعتكم ياربعه


الوقفه الي للرجال محسوبه= وقفة سبيع ان كان ربي هداها
مع واحدن بالطيب ربعه هقوبه= عينن على الحروه وعينن وراها
الشاعر الي في كلامه عذوبه=جزل المثايل صاغها واحتواها
هذاك ابن خرفاش صعبه دروبه=كل المراجل من جدوده خذاها
ينخى رجالن من زمان مهيوبه =بالفزعه الي من قديم احتراها
جدانكم راس المعالي رقوبه=واليوم فزعتكم بدر في رجاها
تاريخكم كل الاوادم حكوبه=وبفعالكم كل القرابه تباها
من لاذ فيكم مايحسب ذنوبه=ياهل الوجيه الي يذري ذراها
رجلن بلا ربع تكاثر عيوبه=ورجلن معه ربعه يطول لحاها
لاتذخرون الجهد هبت هبوبه=واهل الحميه ماتقصر خطاها
تكفون يالغلبا ترى الحظ نوبه=لاتطلع العالم ونقعد وراها
تصويتكم ترى النشاما غدوبه=قبايلن تصويتها لشعراها

[admin]

بيض الله وجهك

بدر يستاهل وابشر بعزك


ارق سنود يا راس النايف


ان شاء الله يتأهل ابوسعد

[الخبير]

صح الساااااااااااااانك ياراس النايف

ولاهو غريب عليك الابداع والحميه

وانشالله يتاهل شاعرا بدر



تحياتي

[راس النـــــايف]

وجهك ابيض يا ادمن

وكفووووو

الله يوفق بدر والله انه يستاهل

لكن والله التصويت في الشاشه مايشجع

[راس النـــــايف]

الخبير هلا ومرحبا

صح لسانك ولاعليك زود فالثنتين

ياشيب عيني من الي اشوف على الشاشه من ترشيح

والله انه يقهر

وين سبيع ..هذا وقتهم

[العويد 2]

شدو حيلكم يالغلباااا تكفووووووووووووووووووووووووووون

[عـقيـد الـقـوم]

الشاعر الي في كلامـه عذوبـه
جزل المثايل صاغها واحتواهـا
هذاك ابن خرفاش صعبه دروبه
كل المراجل من جـدوده خذاهـا
ينخى رجالن من زمان مهيوبـه
بالفزعه الي من قديم احتراهـا
----------------------------------
بيّض الله وجهك يا راس النايف على هذي الجزلـه

ويبشر ابن خرفاش ابن العم باللي يحرق له التصويت


والله يالربع مافينا خير ان ماصوّتناله

انا عن نفسي ارسلت إلى الآن 30 رساله وانشاء الله بكمّل على هالموال

تكفووووووووووووووون يالربع لاتخيّبون الهقوه

[راس النـــــايف]

وجهك ابيض ياعقيد القوم

ننخى ربعنا هل النخوه قبل لايفوت الفوت

[متحمس للمزاين]

بيض الله وجهك

ولا هنت

وتكفووووووووووووون با قي يومين بس لا تخلووووووووووووووووون المليحي

والله انه كفوووووووووووووو وقصيده كفوووووووووووووو ويستاهل

وانتم إن شاء الله ما تقصروووووووووون

[القريشي 503]

بيض الله وجهك

بدر يستاهل وابشر بعزك


ارق سنود يا راس النايف


ان شاء الله يتأهل

[راس النـــــايف]

وجهك بيض يالمتحمس

وبدر بيض الوجه وماقصر سوى الي عليه والباقي على الله

ماعاد باقي الا فزعة ربعه

[نبع الجود]

ينخى رجالن من زمان مهيوبـه
بالفزعه الي من قديم احتراهـا
جدانكـم راس المعالـي رقوبـه
واليوم فزعتكم بدر في رجاهـا

بيض الله وجهك

بدر يستاهل وابشر بعزك


والتصويت مستمر حتى اخر لحظه

[عطيب المضاريب]

بيض الله وجهك على هالبادره
مع اني اجزم ان بدر سيطلع كاقل نسبة تصويت وسيأخذ نسبه قليله جدا جدا في التصويت
وذلك بسبب البروده الكبيره من ابناء سبيع في التصويت لابن عمهم
كل منافسينه حطو استراحات وصالات افراح واجتمعو بامراء ورجال اعمال واقامو لهم حملات كثيره
ولكن بدر ؟؟؟؟؟؟؟؟؟؟؟؟؟؟؟؟؟؟؟؟؟؟؟

بقى 45 ساعه بتغير حاجات كثيره بشرط الجدية في التصويت ولازم ندري ان الفلوس تروح وتجي وملعون ابو حلال ما ينومس راعيه

[العتش]

رجلن بلا ربـع تكاثـر عيوبـه
ورجلن معه ربعه يطول لحاهـا
لاتذخرون الجهد هبـت هبوبـه
واهل الحميه ماتقصـر خطاهـا

بيض الله وجهك .. يا راس النايف

وصح لسااااااااانك مليوووووووون والله ولايكفون

بدر والله ماذخر عنه كود مانذخره عن انفسنا

[راس النـــــايف]

القريشي وجهك ابيض

والله يوفق بدر .. والله ماقصر بس باقي وقفة سبيع مازلنا نتتضرها

[راس النـــــايف]

نبع الجود

الله يوفق بدر ووجهك ابيض

[راس النـــــايف]

عطيب المضاريب وجهك ابيض

وانا معك الف في الميه

بدر رايته بيضا والله سوى الي عليه واكثر

الباقي على سبيع والغريب انه الى الان لم يتحرك احد وجميع التصويت فردي ولايقارن مع باقي تصويت القبائل

اذا طلع بدر بسبب التصويت فالعتب على من كان السبب وهم ابناء القبيله الذين لم يصوتو

والغريب ان قبيلة سبيع معروفه بالحميه والفزعه ولكن متى تتم هذه الفزعه ومتى يتحرك عرق الحميه

[راس النـــــايف]

العتش وجهك ابيض

والله يوفق الجميع

[راس النـــــايف]

ويـــــــــــــــــــــــــــــــــن الفزعه

الرجال راحو بالتصويت لبني عمهم

[سمى الذيب]

التصويت مستمررررررررررررررررررررررررر

[فيصــل السبيعي]

معك يابدر
والله يستاهل
وان تكلمنا بواقعيه مابه احد صوت لـ بدر مقارنه بـ ولد مشعان والثاني وغيرهـ
االله يعين لاجا الدور على ناصر الفراعنه
وين حميتكم وفزعتكم يا السبعان

[خالد الشماسي]

صح لسانك يا راس النايف




وفيت وكفيت لا هنت

[راس النـــــايف]

سمي الذيب

فيصل السبيعي

ماقصرتو والعوض ان شاء الله في ابو فارس كان القبيله ماخذلته مثل ماخذلت بدر


خالد الشماسي

بيض الله وجهك على المحاوله لادراك مايمكن ادراكه

اعجبتني محاولتك للوقوف مع ابن عمك بدر واقفال المنتدى للتضامن معه

اشكر كل من صوت وحاول ان يثير حماس الناس لبدر

بدر شاعر رغماً عن من حاول التقليل من قدره واللجنه والقائمين على شاعر المليون ضالمين

فقد كان الضلم الاول من اللجنه والضلم الثاني من المنضمين الذين اخفو رسائل التصويت

فوالله اني ارسل رسائل ولا اشوفها تطلع على الشاشه

حسبي الله ونعم الوكيل يعني الرسائل حسبت علينا ولاحسبت لبدر