مجنون الفراعنة
13 - 02 - 2008, 15:30
اقول ما تستاهل المليون يالفراعنة ... وبس
انت تستاهلك الملايين .
السلام عليكم ورحمة الله وبركاته
بداية لي عتب على منتدى الغلباء انا مسجل لسبب ودافع كنت منفعل وقتها
لكن للاسف اني ما قدرت اشارك الا اليوم يعني صار لي اكثر من ثلاثة ايام ما قدرت ادخل ولا ادري وش السبب
المهم .. راح اللي راح
اخوكم / عتيبي وللغلباء معزة خاصة عندي وعند كل طيب
اما الشاعر العلم ناصر الفراعنة وهو موضوعي
انا ما جيت هنا يا سبيع عشان انافقكم منتم في حاجة وانا ما ادور بها مصلحة وخذوها على البساط
انا من عام 1997 حين وقع في يدي شريط للشاعر ناصر الفراعنة عن طريق الصدفه
بدأت رحلتي مع البحث عن هذا الشاعر من محلات بيع الاشرطة ومكاتب الشعراء الى الانترنت
وبعد ان حصلت على مجموعة من قصائدة اصبحت واقولها بكل صراحة لا ارى شاعر غير ناصر الفراعنة
ودارت في هاجسي عدة اسئلة لكن اهمها (ليش مثل هذا الشاعر غائب عن الاعلام)؟؟؟؟؟؟؟؟؟ لكن مع مرور الوقت وبعد ان تتبعت سيرة هذا العملاق ادركت السبب .. حينها تذكرت المقولة ( الشمس ما تحجب بغربال).
بدات من عام 2000م تقريبا الدخول الى المنتديات وقمت بنشر عدد من قصائد الفراعنة عبرها وهي لازالت خالدة الى الان في اكثر من منتدى
اخيراً وعن طريق الصدفة ايضاً وجدت ناصر الفراعنة ولم اصدق في البداية وذلك في منتدى شعبيات وجرى بيني وبينه مراسلات عبر رسائل خاصة احتفظ بها عندي وموجودة في المنتدى ايضاً
بختصار / مشاركة ناصر الفراعنة في شاعر المليون مجازفه خطيرة كنت اقولها كما قالها غيري لكن جاء الرد الملجم لكل من يقول بهذا القول الكلام للفراعنة قبل القاه قصيدته التي اصبحت حديث العالم ( ما يقدم الا شجاع ).
كلام يخص عتيبة اكيد لايخلاء هذا المنتدى منهم ابا اقدم العصابة قبل الفلقة
لو قال احدهم وين الحميا وموقفك من شاعركم / خالد العتيبي .. اقول ونعم بشاعرنا وش مطلوب مني كاعتيبي ؟ تصويت ؟ والله لصوت له لين يقطع جوالي وهذا اللي لعتيبه عندي .. وبس
اما الفراعنة اسمحولي هذا بالنسبة لي غير غير غير ما عرف والله اعبر
كلام موجه للسبيع : والله لو عندي قدرة مادية لجيب خيمتنا حقت المزاين وطقها على طريق ارماح مفرق روضة خريم وحط صورة ناصر الفراعنة وشعار المليون فقط وحلف يمين ما تعدى جميع سيارة ماره مع الخط الرايح والجاي الا ينزل ويصوت بدون محد يطلب منه.
اعذرونا على الزلل وللاحاطة ما كان هذا الموضوع هو سبب تسجيلي في المنتدى لكن عاد فاتت حرته
اخوكم / العتيبي
انت تستاهلك الملايين .
السلام عليكم ورحمة الله وبركاته
بداية لي عتب على منتدى الغلباء انا مسجل لسبب ودافع كنت منفعل وقتها
لكن للاسف اني ما قدرت اشارك الا اليوم يعني صار لي اكثر من ثلاثة ايام ما قدرت ادخل ولا ادري وش السبب
المهم .. راح اللي راح
اخوكم / عتيبي وللغلباء معزة خاصة عندي وعند كل طيب
اما الشاعر العلم ناصر الفراعنة وهو موضوعي
انا ما جيت هنا يا سبيع عشان انافقكم منتم في حاجة وانا ما ادور بها مصلحة وخذوها على البساط
انا من عام 1997 حين وقع في يدي شريط للشاعر ناصر الفراعنة عن طريق الصدفه
بدأت رحلتي مع البحث عن هذا الشاعر من محلات بيع الاشرطة ومكاتب الشعراء الى الانترنت
وبعد ان حصلت على مجموعة من قصائدة اصبحت واقولها بكل صراحة لا ارى شاعر غير ناصر الفراعنة
ودارت في هاجسي عدة اسئلة لكن اهمها (ليش مثل هذا الشاعر غائب عن الاعلام)؟؟؟؟؟؟؟؟؟ لكن مع مرور الوقت وبعد ان تتبعت سيرة هذا العملاق ادركت السبب .. حينها تذكرت المقولة ( الشمس ما تحجب بغربال).
بدات من عام 2000م تقريبا الدخول الى المنتديات وقمت بنشر عدد من قصائد الفراعنة عبرها وهي لازالت خالدة الى الان في اكثر من منتدى
اخيراً وعن طريق الصدفة ايضاً وجدت ناصر الفراعنة ولم اصدق في البداية وذلك في منتدى شعبيات وجرى بيني وبينه مراسلات عبر رسائل خاصة احتفظ بها عندي وموجودة في المنتدى ايضاً
بختصار / مشاركة ناصر الفراعنة في شاعر المليون مجازفه خطيرة كنت اقولها كما قالها غيري لكن جاء الرد الملجم لكل من يقول بهذا القول الكلام للفراعنة قبل القاه قصيدته التي اصبحت حديث العالم ( ما يقدم الا شجاع ).
كلام يخص عتيبة اكيد لايخلاء هذا المنتدى منهم ابا اقدم العصابة قبل الفلقة
لو قال احدهم وين الحميا وموقفك من شاعركم / خالد العتيبي .. اقول ونعم بشاعرنا وش مطلوب مني كاعتيبي ؟ تصويت ؟ والله لصوت له لين يقطع جوالي وهذا اللي لعتيبه عندي .. وبس
اما الفراعنة اسمحولي هذا بالنسبة لي غير غير غير ما عرف والله اعبر
كلام موجه للسبيع : والله لو عندي قدرة مادية لجيب خيمتنا حقت المزاين وطقها على طريق ارماح مفرق روضة خريم وحط صورة ناصر الفراعنة وشعار المليون فقط وحلف يمين ما تعدى جميع سيارة ماره مع الخط الرايح والجاي الا ينزل ويصوت بدون محد يطلب منه.
اعذرونا على الزلل وللاحاطة ما كان هذا الموضوع هو سبب تسجيلي في المنتدى لكن عاد فاتت حرته
اخوكم / العتيبي