يالله دخيلك للشاعر خالد العتيبي

[محتزم بالطيّب]

قصيدة لشاعرنا الشاعر خالد بن محمد العتيبي
يالله دخيلكـ


يالله دخيلـك مـن ظـلام القبـر وإن جـاء منـزلـي=مـن ظلمـة اللحـد ومـن اللـي لاتعـدا صــاح لــه
والمشـكـلـه لانـــي نــبــي ولاشـهـيــد ولاولــــي=مـدري علـى ويــش آصــل الجـنـه بلـيـا راحـلـه
مــومــن بــأنــه لاإلــــه الا الـكـريــم المـعـتـلـي=كـافـر بعـبـاد الوجـيـه اهــل الـفـعـول الـواحـلـه
ولامــوت واقــف مـثـل اجـبــال نـجــد وزلـزلــي=يابيـد صـدري لانثـنـى للـوقـت عـبـد وطــاح لــه
ويالله فزعـاتـك انــت ولا عـلــى جـهــدعـمـلـي=يـامـن بـحـر عـفـوه وجـــوده مـايـحـدد سـاحـلـه
من بعدها ياللي تمر الدرب وان جيـت"لعلـي"=اضفـي عليـه اغلـى التحايـا مـن قدمـه لكاحـلـه
قلـه وهـو بقـدر يمـيـز افـخـاذ غـامـد مــن بـلـي=وش شجـرة تنبـت علـى شـط الـفـرات وماحـلـه
مايسـفـح الدمـعـه عـلـى خــده سعـيـد ولاخـلــي=مـيـر الـبـلاد مندمعـتـه بـيـن الضـلـوع الناحـلـه
شفني ليـا شفـت الدمـوع إمـع المقفـي تصطلـي=اضحك عليه من العنـا واحسـده قبـل ارتـاح لـه
والشاعر اللي حال بين اقصى طموحي وامهلي=يامـا لـوى غصـن القصيـد وكـل قمـري نـاح لـه
شـعــر تـبــي تـقــراه مـنـآخــر مــــداي الاولــــي=واللـي يبـي يقـراه قـل سـحـر المعـانـي لاح لــه
يحتاج من جمر الخيال اللي علـى المعنـى ملـي=حـتـى لـيـا مــر الـكـلام الـعـذب نــد وفـــاح لـــه
ميـر الـبـلا يـابـو هــلا آنــا فالـزمـان المخمـلـي=سلـم علـى هـاف الحشـا واللـي بكـاه وبـاح لــه

[خالد الشماسي]

صح لساااااااان شاعرنا الكبير الداعية


خالد العتيبي



والله اللي تستاهل التصويت يا ابو فهد

[سعـود]

صح لسان الشاعر خالد العتيبي

ابو فهد شاعر جزل مافيه حيله

وشكراا لك اخي محتزم بالطيب

[محتزم بالطيّب]

صح بدنك ياخالد وبيض الله وجهك
فعلا ابو فهد يستاهل والشي هذا يعرف عند الطيبين شرواك
.

[محتزم بالطيّب]

صح بدنك ياسعود وهذا من طيبك والطيّب محزم .

[محتزم بالطيّب]

قصيدة شاعرنا خالد العتيبي في التسامح




السعيد اللي الى لد للقبله ونام = مادخل في حساب ماله حقوق وماعليه


من علوه ماينزل عيونه في مقام = غير في موضع سجوده وقدر لوالديه


لان مايذكر له ذنوب في وجيه الحشام = لا ولا طاحت به آسف من عيون النزيه


وان وصل له سايق العذر ماشب الملام = من حطب بيض المشاعر إليا قامت تجيه


يطلع بردٍ كما البدر ويزيح الظلام = والكريم بوسع صدره ومن مدة يديه


ذاكر ٍ من فرق الناس في البيت الحرام = ماجزاهم سيد الناس باللي تحتريه

[خيَّال الغلباء]

قصيدة شاعرنا خالد العتيبي في التسامح




السعيد اللي الى لد للقبله ونام = مادخل في حساب ماله حقوق وماعليه


من علوه ماينزل عيونه في مقام = غير في موضع سجوده وقدر لوالديه


لان مايذكر له ذنوب في وجيه الحشام = لا ولا طاحت به آسف من عيون النزيه


وان وصل له سايق العذر ماشب الملام = من حطب بيض المشاعر إليا قامت تجيه


يطلع بردٍ كما البدر ويزيح الظلام = والكريم بوسع صدره ومن مدة يديه


ذاكر ٍ من فرق الناس في البيت الحرام = ماجزاهم سيد الناس باللي تحتريه

أخي الكريم / محتزم بالطيّب السلام عليكم ورحمة الله وبركاته وبعد : صح لسان الشاعر الإسلامي / خالد العتيبي وسلم بنانه على هذه الروائع التي تبع من اعتقاد جازم وبعد نظر وشكرا جزيلا لك على نقلها لنا مع أطيب الأمنيات واسلم وسلم والسلام .

[محتزم بالطيّب]

تسلم تسلم ياخيال الغلبا هذا من طيبك
وطيب اصلك .

كل الشكر .

[مشعاب]

يا اخي هذا شاعر المسلمين

الله يوفقه بالتصويت ولا بالبطاقه

رجل وشاعر

[محتزم بالطيّب]

اشكرك يامشعاب والله يبيض وجهك

[مجرٍد قلم]

الله لا يهينك على النقل


وأبـو فهد يستاهل من ياقف معه وإن شاءالله مايقصرون الغلبا


والله يوفقه إن شاءالله