الراعي
16 - 02 - 2008, 19:19
بسم الله الرحمن الرحيم
قصيدة ترحيبية بمناسبة زيارة سمو الأمير /
خالد الفيصل أمير منطقة مكة المكرمة سلمه الله لمحافظة رنيه
للشاعر محمد مفلح مثيب السبيعي
عضو المجلس المحلي والبلدي برنية
نبدي بذكر الواحد الرزاق هو أكرم كريمه= اللي توحد بالجلالة سبحان رب العالمينا
ومن بعدها محبوبتي بنت الشرف عندي حشيمه =وانا المولع في هواها والحب طبع العاشقينا
قف في مرابعها عساها من سحاب الوسم ديمه = وأذكر ديار أحبابنا يا عساكم سالمينا
ما بين وقف ليا تدوم تلقى لهم جرة قديمه= وبأعلى الأغر رسوم نزله في دارة الكور ويمينا
ويا كم ثور عجها وتناطح الخصم وخصيمه= ويا ما تناخوا واعتزوا لعيون وضاح الجبينا
استقبلي تلك الربى اللي لهم حشمه وقيمه= استقبلي رنيه واهلها ابن الكرام الأكرمينا
ابكم يا ابن فيصل هلا ونثني التراحيب الحميمه= يا مرحبا ترحيب مخلص من ضمير المخلصينا
ما هوب تو خلاصنا والحكم جعل الله يديمه= قرت وقرينا بها توفيق رب العالمينا
تفقدك للمنطقه يرفع خطاك المستقيمه= وام القرى وما حولها وليت فيها يا الأمينا
ولا غرابه فانت حاكمها بعزمات وعزيمه = بانت جهودك في خلال شهور والقاسي يلينا
شعركم هو العمل ومن لا عمل يعطى قسيمه = ولك هيبة ولك مقدره خلت خوافيها تبينا
مجالس الديره ترحب بالتراحيب العميمه= ومطالب الديرة كثيرة يا عشير الغانمينا
التحليه مطلب ضروري والبحر نسنس نسيمه= والما عماد ٍ للحياة وانتم لنا عد رسينا
وخط الجنوب لمفرق الطائف نبي منكم تقيمه = وعينك بصيره يا بن فيصل وانت رجال ذهينا
والمعهد الفني فخر نطلبه بعقول سليمه= قالوا صناعة في يدك تغنيك عن مد اليدينا
من اول الصنعه معابه وذا قول من نظرة سقيمه= والعامل المهني تخرج وصار مرفوع الجبينا
والغرب مجده في علومه وصارت حضارتهم مقيمه= من عقب ما حنا العرب أهل الحضارة الأولينا
قاموا بتطبيق العلوم ولا صارت علوم ٍ عقيمه=وصلوا على سطح القمر رواد أبلوا في السفينا
وصار التفرق طبعنا وصهيون للأقصى يضيمه=ويحتل أهل الدار ويدنسك أولى القبلتينا
ويا كم وكم تاريخنا يشهد لنا بقو الشكيمه=ويا كم رفعنا أعلامنا نفتح ديار المشركينا
في قرطبة وطليطلة أثارنا ما هي وخيمه=بالعدل نحكم لا ولينا وحنا القادرينا
نمنا ويصحونا العدى ويا كبرها والله جريمه= صحت اوروبا والجهل يهدمك يا البيت الحصينا
ودار الفلك ثم استحال ومن نجد جا رجال ٍ عظيمه= ظهر بها عبد العزيز واعاد مجد المسلمينا
وحدك يا أرض الجزيره ومن اول ما لك صميمه= وقرت على الميزان قرت تمشي طريق الراشدينا
ويعيش عبد الله ملكنا زعيم وملوك ٍ زعيمه= بسياسة الحكمة حكيم ويكسر قناة المعتدينا
قاد المسيره ما انثنى وما صار في دربه ثليمه= عهد الأمن عهد الرخا بدرب التطور سايرينا
نعيش عصر الجامعات وزود بفروع ٍ عميمه= ورصيدنا شبابنا بسلاح العلوم مسلحينا
قمنا ومن طب البحر يغوص ويجيب اليتيمه= وملا يفكر في المعالي يرضى حياتك يا الغبينا
العصر عصر تكنولوجي ومن فوق ذو علم عليمه= وما دام في الدرب الطويل لطريقنا مستشعرينا
ولينهزم فكر الضلال هزيمة ٍ تلو الهزيمه= وأهل الجهل ما يفلحون وحقدهم دايم دفينا
والله يوفقنا الهدى وحكامنا رجال ٍ حكيمه= نحكم بشرع الله وحده لا يسار ولا يمينا
وختامها يا مرحبا ونثني التراحيب الحميمه= ابكم يا بن فيصل هلا وعداد ودان الغشينا
بقلم الأستاذ / محمد بن مفلح بن مثيب السبيعي
عضو المجلس المحلي والبلدي بمحافظة رنيه
0506430060
قصيدة ترحيبية بمناسبة زيارة سمو الأمير /
خالد الفيصل أمير منطقة مكة المكرمة سلمه الله لمحافظة رنيه
للشاعر محمد مفلح مثيب السبيعي
عضو المجلس المحلي والبلدي برنية
نبدي بذكر الواحد الرزاق هو أكرم كريمه= اللي توحد بالجلالة سبحان رب العالمينا
ومن بعدها محبوبتي بنت الشرف عندي حشيمه =وانا المولع في هواها والحب طبع العاشقينا
قف في مرابعها عساها من سحاب الوسم ديمه = وأذكر ديار أحبابنا يا عساكم سالمينا
ما بين وقف ليا تدوم تلقى لهم جرة قديمه= وبأعلى الأغر رسوم نزله في دارة الكور ويمينا
ويا كم ثور عجها وتناطح الخصم وخصيمه= ويا ما تناخوا واعتزوا لعيون وضاح الجبينا
استقبلي تلك الربى اللي لهم حشمه وقيمه= استقبلي رنيه واهلها ابن الكرام الأكرمينا
ابكم يا ابن فيصل هلا ونثني التراحيب الحميمه= يا مرحبا ترحيب مخلص من ضمير المخلصينا
ما هوب تو خلاصنا والحكم جعل الله يديمه= قرت وقرينا بها توفيق رب العالمينا
تفقدك للمنطقه يرفع خطاك المستقيمه= وام القرى وما حولها وليت فيها يا الأمينا
ولا غرابه فانت حاكمها بعزمات وعزيمه = بانت جهودك في خلال شهور والقاسي يلينا
شعركم هو العمل ومن لا عمل يعطى قسيمه = ولك هيبة ولك مقدره خلت خوافيها تبينا
مجالس الديره ترحب بالتراحيب العميمه= ومطالب الديرة كثيرة يا عشير الغانمينا
التحليه مطلب ضروري والبحر نسنس نسيمه= والما عماد ٍ للحياة وانتم لنا عد رسينا
وخط الجنوب لمفرق الطائف نبي منكم تقيمه = وعينك بصيره يا بن فيصل وانت رجال ذهينا
والمعهد الفني فخر نطلبه بعقول سليمه= قالوا صناعة في يدك تغنيك عن مد اليدينا
من اول الصنعه معابه وذا قول من نظرة سقيمه= والعامل المهني تخرج وصار مرفوع الجبينا
والغرب مجده في علومه وصارت حضارتهم مقيمه= من عقب ما حنا العرب أهل الحضارة الأولينا
قاموا بتطبيق العلوم ولا صارت علوم ٍ عقيمه=وصلوا على سطح القمر رواد أبلوا في السفينا
وصار التفرق طبعنا وصهيون للأقصى يضيمه=ويحتل أهل الدار ويدنسك أولى القبلتينا
ويا كم وكم تاريخنا يشهد لنا بقو الشكيمه=ويا كم رفعنا أعلامنا نفتح ديار المشركينا
في قرطبة وطليطلة أثارنا ما هي وخيمه=بالعدل نحكم لا ولينا وحنا القادرينا
نمنا ويصحونا العدى ويا كبرها والله جريمه= صحت اوروبا والجهل يهدمك يا البيت الحصينا
ودار الفلك ثم استحال ومن نجد جا رجال ٍ عظيمه= ظهر بها عبد العزيز واعاد مجد المسلمينا
وحدك يا أرض الجزيره ومن اول ما لك صميمه= وقرت على الميزان قرت تمشي طريق الراشدينا
ويعيش عبد الله ملكنا زعيم وملوك ٍ زعيمه= بسياسة الحكمة حكيم ويكسر قناة المعتدينا
قاد المسيره ما انثنى وما صار في دربه ثليمه= عهد الأمن عهد الرخا بدرب التطور سايرينا
نعيش عصر الجامعات وزود بفروع ٍ عميمه= ورصيدنا شبابنا بسلاح العلوم مسلحينا
قمنا ومن طب البحر يغوص ويجيب اليتيمه= وملا يفكر في المعالي يرضى حياتك يا الغبينا
العصر عصر تكنولوجي ومن فوق ذو علم عليمه= وما دام في الدرب الطويل لطريقنا مستشعرينا
ولينهزم فكر الضلال هزيمة ٍ تلو الهزيمه= وأهل الجهل ما يفلحون وحقدهم دايم دفينا
والله يوفقنا الهدى وحكامنا رجال ٍ حكيمه= نحكم بشرع الله وحده لا يسار ولا يمينا
وختامها يا مرحبا ونثني التراحيب الحميمه= ابكم يا بن فيصل هلا وعداد ودان الغشينا
بقلم الأستاذ / محمد بن مفلح بن مثيب السبيعي
عضو المجلس المحلي والبلدي بمحافظة رنيه
0506430060