مقادير

[الشاااااامخ]

محمديقول اشوف الاقدار يرمني=واشوف الزمن في درب الاخطار يحداني

مقادير بسقني من المر يروني =وانا شارب من الامرار ما ارواني

الا يازمن وش مقصدك وش تبي مني =علامك على قلب الشقى المتعب العاني

الا يازمن من بعد ما كنت متهني =واش اللي جرى وش صار للداله الهاني
انا طالب الله خالق الانس والجني =يفرج هموم بقاصي القلب تلحاني

والا ياطيور السعد ياطايره غني =وجري مواويلك مع عذب الالحاني

طيور السعد وخذي المراسيل وتعني=بها بالعجل وتسلميها لخلاني

تعني وزوريهم وردي الخبر عني=وردي سلامي واخبريهم بما جاني

وقولي محمد يوهم النفس ويمني=ويرجي عسى يوم اللقا موعده داني

[مشعاب]

الله يبلغك مناك


وكان عندك سلف طير ترى عندي رساله ودي ارسلها

[الشاااااامخ]

هلابك مشعاب وابشر بطيور مو بس طير بس امر



تحياتي على مرورك العذب

[العتير]

اخوي الشامخ

عندك في البيت الثاني والثالث كسر فالعجز

اما باقي القصيده رائعه والله يعطيك العافيه والكلمات جميله

اصلح فاللجنه ترا النقد سهل



اتمنا لك التوفيق

[مرقاب]

قصيده جميله وفالك البيرق

[الشاااااامخ]

اخوي الشامخ

عندك في البيت الثاني والثالث كسر فالعجز

اما باقي القصيده رائعه والله يعطيك العافيه والكلمات جميله

اصلح فاللجنه ترا النقد سهل



اتمنا لك التوفيق

هلابك حبيبي


رغم اني ما اشوف فيه خلل في الوزن ابدا

لكن رايك ويمكن قريت القصيده بشكل غير المفروض


تحياتي وعلى عيني وراسي ياعم

[الشاااااامخ]

قصيده جميله وفالك البيرق

الاجمل مرورك ومعانقتك لحرفي

[العتير]

انا اسف اخوي

ولاكن اعرضها على شاعر فاهم في الاوزان


وتقبل اعتذاري

[الشاااااامخ]

انا اسف اخوي

ولاكن اعرضها على شاعر فاهم في الاوزان


وتقبل اعتذاري


هلابك حبيبي


يمكن فهمتني غلط

انا ما اقصد ان كلامك مو في محله
انا شاعر اتقبل النقد من اي احد وماعندي مشكله في ذلك لان المستفيد الاول والاخير انا

لكن انا اقول يمكن انت ماقريتها على الشكل اللي هي به او باللهجه اللي انا كتبتها فيها بس وكلامك محل اهتمامي وثق تماما اني سعيد بمداخلتك ونقدك عالاقل انت اخ لي اعتز فيك وبكلامك


ارق التحايا

[العتير]

اخوي الشامخ

البيت الثاني العجز (وانا شارب من الامرار ما ارواني )هذا عيا يجي معي بجميع اللهجات ارجوا التوضيح


اما بالنسبه للبيت الثالث اذا كنت تقصد بكلمه (الشقى) بالمد الالف المقصوره فهو صحيح واعتذر
اما اذا كنت تقصد (الشقي) بلياء فهذا كسر واضح واراهن عليه


ويوجدخطا مطبعي في كلمه (يسقني)انت كاتبها بلبا في البيت الثاني


وشكرا وتقبل اعتذاري هذا للتوضيح فقط

[الشاااااامخ]

اخوي الشامخ

البيت الثاني العجز (وانا شارب من الامرار ما ارواني )هذا عيا يجي معي بجميع اللهجات ارجوا التوضيح


اما بالنسبه للبيت الثالث اذا كنت تقصد بكلمه (الشقى) بالمد الالف المقصوره فهو صحيح واعتذر
اما اذا كنت تقصد (الشقي) بلياء فهذا كسر واضح واراهن عليه


ويوجدخطا مطبعي في كلمه (يسقني)انت كاتبها بلبا في البيت الثاني


وشكرا وتقبل اعتذاري هذا للتوضيح فقط


هلابك حبيبي واخي الغالي

انت في البيت الثاني لم تفهم المعنى فقط وانا معاك في كلامك انه لو وقفنا على كلمة ما ثم نطقنا همزه على الف لاصبح البيت مكسور ولكن اقرأها بدون همزه وهنا قد يكون الغلط مني لانني عسفت القافيه

اما بالنسبه للبيت الثالث فكلمة الشقى بالالف المقصوره وليست بالياء

ومشكور لتنبيهك لي للخطأ المطبعي والمعذره اخوك احيانا يفوت من سرعة الكتابه هههههه

تحياتي لك ولمداخلتك الكريمه وسعيد جدا بك عسى الله يديمك ويحفظك


ارق التحايا

[راقي المعالي]

جميل جداً

فالك التقدم والتطور
\

تحياتي

[ونس السبيعي]

الشاااااااااااااامخ القصيده طيبه واتمنى لك المزيد من التقدم شعريأ