{مطلوب } ياضلع للشاعر خالد بن مدعث الدوسري

[خالد الشماسي]

السلام عليكم ورحمة الله


قصيدة " يا ضلع " للشاعر المبدع خالد بن مدعث الدوسري قصيدة


تعجبني ولا يقارنها عندي من القصيد الا قصيدة زميله وصيدقة ناصر الفراعنه " يا ناقتي "



المطوب رابط تحميل هذه الرائعة


شكرا لكم :)

[ابومحمد القباني]

يا ضلع جعل الغيث يسقيك نوه = من مزنةٍ غرا مطرها رهاواه

ضلعٍ اذا زاد الدهر زاد قوه = ما جاه من طول الليالي رخاواه

ضلعٍ اذا سقت القدم في علوه = جلست لي في مجلسٍ له طراواه

عقب البطى شوفة فياضه وجوه = يبعد عن القلب الشقي الشقاواه

بيني وبينه خوةٍ وأي خوه =خوة قسا ماهي بخوة فضاواه

أليا انزعجت من الزمان المشوه = لقيت في عالي نباه الهداواه

وان بار في الرفقه قليل المروه = في قمته شفت الوفا والحفاواه

صديت به يوم الدهر زاد سوه = وعن عالمه قطع العلاقه نجاواه

ناس على الهفوات فيهم جروه = تركض لجمع المال ركض الفلاواه

نظراتهم للمال كثره وشوه = الـمال مقياس الــغلا والعــداواه

رجـلٍ بليا مال كل عـدوه = وراعي الكنوز الطايله في النباواه

والمال كم شيّخ من الناس بوه = لو كان ما يسوى من القدر ماواه

والقل كم لوى مذارع فتوه = هو من هلا الردات وأهل الصخاواه

يضحك على الطيب ردي الربوه =طيور شلوا بيدتها الصعاواه

من الحسد قام يحذف ويتفوه =وبيته لصلفات الهبايب مفاواه

ناس مشو على الطريق المشوه = صلى بهم من لا يعرف التلاواه

ممشى الفتى في خايعٍ سال توه =قفر عليه من الحباري حراواه

يبعد عن الأنذال ويشب ضوه = ويحط منزاله براس العلاواه

يبرد بها صدره ويرفع سموه = ويشوف للدنيا طراه وحلاواه


كلمات الشاعر خالد مدعث الدوسري