إلى متى هذا الكلالالالالالالام؟!؟!؟!؟!؟!؟

[ss2005]

السلام عليكم ورحمة الله وبركاته

امسي على الجميع بالخير

الى متى وحنا نلعب على بعض

انتو الحين كاتبين فلان تبرع بمبلغ كذا وفلان وفلان

كان بإمكاني اني اكتب اني انا بعد تبرعت بملغ وقدرة .......... بس

ما ابي العب على العالم

الحين الي يقول ان التبرعات لناصر وصلت الى ملبغ مليون وميتين وخمسين الف والثاني يقول مليونين

والثالث يقول الي يقووول وكلن يهاااايط بفلان شفت كم دفع شفت وش سوى
على العمووووم مهو هذا الموضوع الي انا ابيه

انا كاتب الموضوع هذا عشان الي تبرعوو ليش يلعبون علينا ويخلونا نتكل عليهم

هم ما يبون ينفعون بن عمهم في المسابقة ولا كيف
انا من ناحيتي كنت مجهز مبلغ 1000 ريال الي اقدر عليه يعني بشتري فيها بطاقات سوى لناصر

يوم سمعت الهيلمة الاعلاميه من ناس محسوبه عليهم

هونت قلت انا يالضعيف اروح اخسر دراهمي والعالم تبر بميات الالوف

اجل تدري من 1000 ريال خلنا نخليها 300 عشان ابو فارس يستاهل

هذا حالي انا وناس كثير من الشباب

واخرتها يتئهل شاعرنا ناصر بنسبة 80 وهزاع الشريف بنسبة 78 يعني نسبتين

يعني لو ان العالم ما سوو حفل لناصر ولا سوو هيلمه اعلامية انا اتوقع ان التصويت الي بيوصل لناصر بتعدى الـ85 بالراحة

بس الهيلمة الأعلامية وأحب اني اسميها الهيلمه (( المهايطية))
يعني الي سووها العالم يعني كلن يبي يسوي اني انا فازع لناصر

طيب الي يبي يفزع لبن عمه يرسل من جواله الله لا يهينه


على العموم

تدرون كم المبلغ الي الحين واصل لناصر الفراعنه الى اليوم الي انا كاتب الموضوع فيه

الي هو يوم الثلاثا الموافق 3/3/1429هـ 11/3/2008م

ماوصل لبو فارس الا مبلغ 350 الف ريااااااااال بس وين الباقي واغلبها من اشخاص غير معروفين

يعني بالعربي ...................................



على العموم اسف على الاطاله وعدم ترتيب الكلام لاني مرتفع ضغطي




وارجو من المشرفين الي فيهم حميه لا يحذفون المووضووووع

[خالد الشماسي]

شكرا ً لك أخي


اولاً : الظاهر انه يلزمك تعدل على الاسم المستعار ليكون معروف أو مفهوم .


ثانياً : الإعلان عن التبرعات مسئولية اللجنة المالية وهم اهل الإختصاص في ذلك .


ثالثاً : الاجتماع كان المقصد منه واضح هو تجميع الراي العام على شاعر متميز يستطيع ارجاع البيرق للمملكة .


رابعاً : بالنسبة لتبرعك فنحن نتوقع منك ان تساهم به التصويت القادم فما حك جلدك مثل ظفرك .


خامساً : الاتهام بالمهايطة بشكل عام غير مناسب لأن هناك من شارك بمحبه للقبيلة و ابو فارس . ومن الصعوبة أن تحكم على النيات .




هذا وتقبل تحياتي .