قصيدة موجهه لنقيب // شعيفان بن مسلط السبيعي

[غبت بحر]

بسم الله الرحمن الرحيم
والصلاة والسلام على رسول الهدى عليه افضل الصلاة واتم التسليم



قصيده مدح في النقيب :- شعيفان بن مسلط السبيعي

الذي يسكن منطقة الرياض وهوا يعمل بسجن الحاير


لشاعر السجين :- الريض الرويلي




بسم من لادونه ولامن وراه =الولي جبار أبوخاطر كسير
عالم المكنون ماسدآ خفاه =هو الأول جل شانه والأخير
صاحب المعروف عند الله جزاه =فاعل ن من وصل المكتوب خير
خطي شعيفان مسلط منتهاه =يالله أنك عن عسيره باليسير
ياقرا المكتوب يالله ياقراه =يعطي العاز بطلبنا للخفير
قاصده ماخاب والغلبا وراه =شايعآ له صيت والمنسب شهير
نسل قوم ن يلفتون الإنتباه =ويدركون النعم بالوضع الخطير
ياسليل سبيع وسبيع الوجاه =في صيانيهم يبرك للبعير
نافلين ن والدهر بأول صباه =يغتني من طيبهم حال الفقير
قلتها ناصيك ياستر الفتاه =منتهى شكواي عن حوس المرير
أسق عبدآ لك محاله رشاه =راح دلوآ يالسبيعي جوف بير
رد وضعه وإثنعش عام ن كفاه =وأجمع الشمل المشتت والنثير
لاتخفف ماصدر بأمر القضاه =بس خفف مايعانيه الأسير
وأنت تآمر وأمركم ماحدآ عصاه =وفي رجا الله ثم رجاكم نستجير



............... وسلامتكم .................


الشاعر المسجون :- الريض الرويلي

[خيَّال الغلباء]

أخي الكريم / غبت بحر السلام عليكم ورحمة الله وبركاته وبعد : شكرا جزيلا لك على هذه القصيدة للشاعر الريض الرويلي فرج الله كربته في النقيب شعيفان بن مسلط اّل أبو اثنين وقد سند على شيخ يستاهل العلوم الطيبة وما يقصر إن شاء الله وقبله والده الشيخ / مسلط بن شعيفان راع النواميس هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .

[ذيب الرمحيه]

لاهنت ومشكووووووور