تلاوة كاهن أو نفث قاري =بصدري يوم أجر الصوت ساري : قصيدة ناصر الفراعنه مكتوبة

[خالد الشماسي]

تلاوة كاهن أو نفث قاري =بصدري يوم أجر الصوت ساري
أدندن دن دن دن دن دن = مثل ما دندن الدندان جاري
على ربع كبطن الكف قبرُُ = حلقه من الذواري موس ذاري
كأن الريح فيه اوحوش غاب = تحاور في حشى صدري حواري
كأن جبال سلمى دون سلمى = هنا واهناك انياب الضواري
.=.
.=.
شعى شاعي شعى شايع شعاها = شعاعاً ما يباريها مباري
شعى شيع قراشيع شعثها = إلى شعشع سبيب ما تماري
الا يالله طلبتك ثم طلبتك = سحاب من حياظ الخلد جاري
تزبر ثم تعبر لين غبر = وحبر ماطره وسط الخباري
تجلهم ثم تدلهم ثم أكلهم = بأمر باري برى باريه باري
.=.
.=.
يحوف الشمس لين الشمس تصغر = شوي شوي مثل عين البخاري
إلى أن يختفي في ثوب نوه =جذب طاريه اهل درم السماري
مزونه مزنة ومزنة ومزنه=جواري حاكم تتلو جواري
بروقه في فتوقه من تشوقه = يلاعبها بأطراف الشباري
شهب مشهاب ضوٍ او شهاب =شهب شباب اشهب برق عاري
.=.
.=.

رعوده كل ما نقض جعوده =قنيب اذيابة وسط الغداري
صدى اصواتها في كل ضلع = تلاميذ تردد خلف قاري
تحارش ثم تهارش ثم تكارش = خطارش غيمته من غير طاري
تطش الرش حش القاعش حشُ= يبش ولا ينش وله مواري
تغاريق هماريق بريق= بباريق ترقرقها عصاري
.=.
.=.
لقبل ثم وبل ثم سبل = وطبل تحسبه يصرف مصاري
ولا جل البرد وبله وهلل= و كلّ الماءُ يالماشي حذاري
محاذيف البرد كبر الجماجم = واصغرها مثل روس الحباري
كأن القوس من قزح على أول = ظهور اول ظهير شبه ناري
سنى شفق به برمق تدلى = سويعة مغرب من فوق صاري
.=.
.=.

سحاب جعل ربي لا ومربه = يعم ابه اليماني والنزاري
ويسقى كل اهل شبه الجزيرة = تهامة والحجاز ونجد داري
وأبو ظبي ووادي العين منه = تغار لحسنه جزر الكناري
عساه فوق قبر الشيخ زايد = مئة ليل وهو سكاب جاري
.=.
.=.

قبر زائد ومن هو مثل زايد = و أفعاله تغنيها القماري
ملك بالطيب كل قلوب شعبه = بحب وخير واسلوب حضاري
حمل شعبه على كتفه إلى أن = تباكوا له بأطراف الصحاري
سقى الله ضحكتك يا ابو خليفه = فلا زلت اعذب الأحباب طاري


الشاعر ناصر بن محمد بن فارس الفراعنه السبيعي

القصيدة الرئيسية

http://www.sobe3.com/temp/sound/nasser-telawetkhahel44.ram

http://www.sobe3.com/temp/sound/nasser-telawetkhahel44.ram


قصيدة المجاراة لمحمد الشلاحي

http://www.sobe3.com/temp/sound/naser-mojarah.ram

www.sobe3.com/temp/sound/naser-mojarah.ram

قصيدة الدفاع عن الرسول

http://www.sobe3.com/temp/sound/naser-rasol.ram

http://www.sobe3.com/temp/sound/naser-rasol.ram


اذا نسختها فاكتب منقول من شبكة سبيع

[خالد الشماسي]

ياناقدين أول وتالي شوفوا هنا ناصر الفراعنه

قمة الإبداع


قمة الشموخ


قمة الصدق والتواضع


قمة الإيمان بالله سبحانه


قمة في الأداء والقوة


قمة في الجمال


قمة في كل شيء ابو فارس

[جمال هذيل]

خالد الشماسي مدير المنتدى:مبرررررررررررررررررررروك من كل قلبي فوز أبو فارس


عزالله إنكم نوماس ياسبيع...تكفون من الليلة لاتنامون لمدة أسبوع تصويت حتى في النوم



ومشكوووووووووور على كتابة القصيدة,



ودندني على دربن دربن...كبير ياابو فارس

[خالد الشماسي]

هلا بك يا جمال هذيل


يا اخوي والله أني احبك في الله



بس مرورك من هنا عطر الصفحة


شفت هالمرة .. يا غناة الذيب يا فقره ( على قول المثل )


وابشر بما يلي :

1- نرفع الحد الإئتماني إلى اعلى مستوى

2- بنصوت لين يقطعونه

[صقر العوامر]

مشكور خالد الشماسي وبيض الله وجهك ماقصرت ويستاهل أبوفارس وأنشاءالله الناموس

[الليل صمت]

قمة في الابداع
بيض الله وجهك يابو فارس
وبيض الله وجهك اخوي خالد الشماسي على هذا الطرح النفيس والغالي على قلوبنا
الف الف الف مبروك لبو فارس
اثلج صدورنا في القصيده
واثلج صدورنا الاستاذ تركي المريخي في كلامه

[جمال هذيل]

أحبك الله الللي حبيتني فيه..ترى البناخي وفي لخواله..ولا يقطع الخوال الا ردي الاصل؟



عندي اقتراح بسيط: ياليت تنزل القصيدة تحت مقطع الفيديو عشان الزاير يسمع ويتبع القراية في نفس الوقت /يعني ادمج 2×1




والحمدلله ان حملتنا ضد اللجنة جابت نتيجة الليلة بعد فضيحتهم

اللي كلهم شافوها وعرفوا انهم مافهموا المعنى المدفون في منيرة


والحمدلله شفتهم الليلة كيف ارخوا روسهم وماقدروا يطولونها حتى لاينفضحون


وماقصر ناصر:رمى صفوق بمعن دن دن دن دن/والله كان صفوق عنده احساس مايبات الليلة,لانه عرف انه يقصده ومتعمدها له


ومشكور وتقبل مروري ووودي اسمع ردك

[الليل صمت]

حمل شعبه علـى كتفـه إلـى أن *** تبكاو لـه بأطـراف الصحـاري


ارجو تصحيح كلمة ( تبكاو ) وهي (( تباكوا ))

[خالد الشماسي]

هلا بكم


اخو جمال هذيل


أبد..... المقطع أعلى الصفحة والنص وسطها


شغله وانزل للقصيدة واستمتع



أنا باقي شوي واحفظها من كثر سماعي لهالجوهرة الثمينه


اللجنة أكيد انهم قرأوا التحليل الرائع لدكتورنا وأديبنا الغالي ناصير السعيدي الهذلي


واكيد بعد انهم قرأوا الكثير من الكتابات المنشورة ضد الخطأ الذي وقعوا فيه


عاش الجميع وعاش ناصر وعاش الرقم 44

[جمال هذيل]

تسلم تسلم ياالذيب والله والنعم /اانا كان تركيزي على المدخل ماشفت الاعلى


تكفون لا تشيلون مقطع الفيديو حتى يجيب قصيدة الاسبوع الجاي..تكفون


وأنا أبسألك سؤال, وياليت تعطيني رأيك والاعضاء يعطون رايهم


فيه م}امرة ضد ناصر /هالحين تصويت اليوم خوفني ناصر على الحافة بينه


وبين الظاهري اللي طلع فقط نقطة وحدة ,, والسفياني جايب اعلى نسبة


يعني وش معناها,..أنا اقدر اجزم ان جمهور ناصر اكبر منهم كلهم..يااخوان يكفي مانشوفه في المنتديات من دفاع عن ناصر


يعني انا متأكد فيه شيء غريب ..فيه قوى مالية كبيرة واقفة وراء السفياني وتدعمه..واكيد هذولا الناس



ماهم السفياني ولا الشعر همهم ناصر ماياخذ البيرق ويرجع زي ماجاء( حسد الله يكفي الشر)


ولا وش رايكم ماتشوفن معي حق:الوضع ماهو طبيعي حنا صرفنا اللي في جيوبنا ومع ذلك ناصر اقل نسبة



يهمني رايكم وانت بالذات ياأستاذ خالد

[ابن جعوان]

بيض الله وجهك يابو عمر ماقصرت
تقبل مروري

[شـداد]

الأستاذ خالد الشماسي


الله يبيض وجهك ويعطيك ربي الف عافية على تفريغ القصيدة كتابة بالمنتدى



تقبل مروري وبالتوفيق لبو فارس

[خيَّال الغلباء]

أخي الكريم الأستاذ / خالد الشماسي السلام عليكم ورحمة الله وبركاته وبعد : شكرا جزيلا لك على تفريغ قصيدة شاعر الثقلين والوطن الكبير / ناصر بن محمد بن فارس الفراعنة السبيعي الإستغاثية كتابيا والحق يقال أنه صاحب مدرسة تجديدية في الشعر المعاصر ليس له شبيه إلى يومنا هذا وبعض النقاد ليس مؤهلا لفهم تلك المدرسة لأنها تنبع من التراث العربي الإسلامي والمفردة الفصيحة لبادية الجزيرة العربية والتي لم تتأثر برياح التغريب والإختلاط والحق يقذف به على الباطل فيدمغه ويبقى الشعر للشعراء وعلى رأسهم أبو فارس وللحساد الهراء والكبير كبير ولو كره الوشاة والحاسدون لا كثرهم الله والحمدلله الذي بنعمته تتم الصالحات مع أطيب الأمنيات واسلم وسلم والسلام .

[عين الصحافة]

لاهنت يابو عمر


ناصر يثبت للجميع ومع كل قصيده بانه افضل الشعراء الشعبيين الذين يمشون على اقدامهم 0


واللجنه ما عندك احد 00والدليل انهم تفاجأوا بالمجاراه للمتسابقين فلم يعلق احد منهم على ردودهم او ينتقدها لان الدكتور غسان لم يجد الوقت الكافى ليكتب لهم "مايقولونه دائما "


تحياتى

[نواااف]

ياناقدين أول وتالي شوفوا هنا ناصر الفراعنه

قمة الإبداع


قمة الشموخ


قمة الصدق والتواضع


قمة الإيمان بالله سبحانه


قمة في الأداء والقوة


قمة في الجمال


قمة في كل شيء ابو فارس


صح لسااااااااااااااانكـ

والله انكـ صاااادق

[خالد الشماسي]

هلا بكم كلكم


جمال هذيل


يبدو ان هناك اتكالية ...



اذا ما تحركنا وصوتنا .. اعتقد الوضع صعب

[سهاج]

هنالك ..
علاقة أزلية منذ النشأة
بين الانسان والمشاعر
فبالشعر يتغنى الذوق بالإبداع
وتفوح حروفه بشذا عطر مكنونه
وتنتشي ازهاره بمزون مضمونه
وتروي عذوبة اشواقه ضمأ مجنونه

(( شاعر مضر))
جمع الدرر ..
وننثرها بين ايادي محبيه
حيث منابع الجزاله ومشاعل النور
حيث اصالة الكلمة ونقش الشعور
كان مناراً وسراجاً ..
وصدق منبع الروح .. العذبه
صح لسان ابوفارس عدد بلا مدد

والله يبيض وجهك يا أباعمر
على تفريغ القصيدة كتابة بالمنتدى

[أبوأنس العتيبي]

مبروك

ناصر شاعر ومايحتاج شهادة من احد

وهو اكبر من هذا البرنامج السخيف

واكبر من تقييم لجنة الفاشلة



وعندي قناعة ان ناصر لن ياخذ المليون


بسبب ان هذا البرنامج فاشل



تحياتي

[الخثلان السبيعي]

اي والله انك صادق ياجمال هذيل

انا يوميا 400 رسالة ،، والاخوان من غير ماينقال اكيد راسلين مثلي وازود

انا بافهم ،، وشلون الحربي يطلع ،، وعامر وعيضه للان موجودين ..

<< مطبوخه السالفة ولا ايش ؟؟

>> لاخلى ولاعدم ياهلي.. .

[feisal]

ناصر الفراعنه .......... و بس

و مع الاحترام للبقيه


يارب يوفقه

[ابو سعود 99]

اخوي خالد الشماسي شكراً لكل الجهود التي تبذلها تجاه المنتدى وتجاه شاعرنا الكبير ابو فارس وكلمة حق يجب أن تقال انت تعتبر قدوة لنا في كل ماتقدمه من تضحيات لمصلحة أبنا القبيلة العزيزة علينا جميعاً وتقبل تحياتي وتقديري 0

[مشعاب]

ناصر الفراعنه

مثل البحر كل يوم يزيد لين يغرق شاطي الراحه

[ذيب الرمحيه]

لاهنت ومشكووووووور

[alwasmi]

اخي خالد الشماسي


جهد مشكور وبذل مبارك جعل الله ما تبذله في موازين حسناتك

عاد خروج ناصر احدث عند بنتي الصغيرة اولى ابتدائي حالة تشنج رهيبة لدرجة كادت تكسر التلفزيون


والله مشكلة ولااريد التعليق لان ما في النفس في النفس وكل يغني على ليلاه


ونحن نغرد بشعر المبدع ناصر الفراعنة


يكفيه شرفا ان كل قصيده وليد اللحظة وغيره من النسخة الاولى


اغلب مشاركات الشاعرين ابن فطيس وكذلك الشبرمي رغم ابداعهم الا انهم لم يجاروا ابو فارس في ابداعه وفي قصائده التي تأتي في حينها ...


ملاحــــــــــــــظـــــــــــــــــــة


في القصيدة


تلاوة ( كـــاهــــل ) وليس ( كاهن )

والا كيف يستقيم المعنى وفي القصيدة ابتهال الى الله تعالى وعند سماعك لها ستتأكد


وايضاً مشكور مرة اخرى



اخوك الوسمي

[المخرف]

الف الف الف شكر