لا تأخرون تصويتكم لآخر يوم ( زحمة رسائل )

[خالد الشماسي]

السلام عليكم ورحمة الله وبركاته


يبدو أن آخر يوم سيكون زحمة من المصوتين للمترشحين سواء ناصر او غيرة




فأنصحكم بأن تبدأون من الآن بالتصويت لمرشحكم ناصر الفراعنه 44




يا جماعة البيرق غالي والناموس ما له ثمن



شاعركم جملكم وباقي تجملونه الله يجمل حالكم



باللي تقدرون عليه 10 رسائل 100 رسالة 1000 رسالة 10.000 رسالة




المهم دامك تستطيع التصويت فهذا الإسبوع لن يتكرر قريبا .

[خيَّال الغلباء]

أخي الكريم الأستاذ / خالد الشماسي السلام عليكم ورحمة الله وبركاته وبعد : جزاك الله خيرا على هذا التنويه الذي قد يغفل عنه الأخوة ويتماهنوا إلا الأيام الأخيره فتزدحم الرسائل ويحدث الخلل بعدم وصول تلك الرسائل أو الأعطال بسببها عليه فإن حق أبو فارس علينا وعلى جمهوره كبير جدا عسى الله أن يعيننا على الوفاء به فقد قدم شاعر الثقلين والوطن الكبير / ناصر بن محمد الفراعنة السبيعي ما يطلق وجهه ويرفع أسهمه عند المتلقين من كافة الأعمار والأذواق وما بقي إلا التصويت لنصل بأبو فارس إلى البيرق بعد توفيق الله وعلى جميع أبناء قبيلة سبيع بن عامر الغلباء وجمهور أبو فارس العزيز أن يبادروا بالتصويت كل على حسب استطاعته قال الشاعر : فهد بن عبيد بن حرقان بن شويه بيض الله وجه أبو عبيد وصح لسانه وعز الله إنه ما قصر :

يا سبيع يا سبيع ناصر لا تخلونه
= حتى يجيب لكم البيرق من اليامي

وإن قاله الله له البيرق ومليونه
= غصب (ن) على ناقد وحاقد ونمامي

ناصر له الشعر ملك وصار فرعونه
= وحنا معه صف واحد درع وحزامي

حنا ذرا العز درعه وأكبر حصونه
= وحنا لنا المجد لا جاء موقف (ن) حامي

وحنا هل الخيل يوم الشلف مسنونه
= وحنا هل البل لنا تاريخ وأيامي

وحنا هل الشعر لاجاء وقته نصونه
= وناصر يمثل قبيله ذكرها سامي

حنا وحنا وكل اللي تقولونه
= مواقف سبيع ما يحصى لها أرقامي

تكفون يا سبيع ناصر لا تخلونه
= حتى يجيب لكم البيرق من اليامي

منقول مع أطيب الأمنيات واسلم وسلم والسلام .

[الجوال550]

يبشــــــــر بالتصويــــت *ابــوفـــارس* وإنشاء الله مانخيب ظنه ..

تكفون ياعيال سبيع تكفون نبغـــــى نحرق التصويت ونبيض وجيه( ســبــيــع) يكفي إنه ممثلنا في ذالبرانامج

يبشر بالتصويت ابو فارس واكييد ( سبيع ) ماهي مخليه ابن عمهم


وجاااااااااااااااااااااااااااااااااااري التصويت ’’’’ وفــالــه الــبــيـــرق ( ابوفارس)


& تقبل مروري &

[عبيد ابو شيبه]

الغلباء تغلب بقوة الله وابشركم ان البيرق للفراعنه وجعله فال خير

وشدو الهمه ياعصابت راسي وتكفون ياعزوتي ماعاد نبي نقرا مواضيع

عن تكلفت الرسايل الزهيده نبي تصويت اكبر ورسايل اكثر والله مانرضا

باقل من البيرق ومشكور ياخالد على تسخير امكانات الشبكه لخدمت

ناصر الفراعنه

[عيسى السبيعي]

صح لسانك وابوفارس يستاهل كل خير
وجاري التصويت

تحياتي للجميع

[خالد الشماسي]

شكرا لمروركم العذب



يالله شدو حيلكم



خميس وجمعة وراتب .............. نبيها حريقة تصويت

[ابن جعوان]

ابو عمر جزاك الله خير
لاتوصي حريص
ومشئة الله نكون عند حسن الظن