تكفون ياسبيع هل الردات

[محمد الفراعنه]

باقي كم يوم ونحمل البيرق

ناصر سوى الي عليه والباقي علينا

الفوز بيديكم والبيرق تاخذونه

لاتقصرون


لا تتكلون


لا تقولون جماهير ناصر كثيره وبتصوت الدعو عودت حمايا

تكفون يسبيع لابتي

اليوم يومكم لونها فزعه بعماركم وانفسكم ما قصرتم لكنها الحمد لله عوافي تفزع وأنت على مركاك


شدو حيلكم البيرق يرفرف وشاعرنا يجمل

[خيَّال الغلباء]

أخي الكريم / محمد الفراعنة السلام عليكم ورحمة الله وبركاته وبعد : أبشر بعزك وبعز أبو فارس وقبيلة سبيع بن عامر الغلباء عصابة راسك وسنايدك ولاهم مقصرين والوعد النتائج وسبيع بالوقفات شهد لها الأجناب قبل الأهلية قال الشاعر / سعود بن عياد المطيري

إليا نحرت سبيـع ما كـنـت غلطان
= تلقى رجالٍ ما تلين عصـــــــاها

ملفاك وقت الضيق مانع كحـيلان
= يشفيك وإن دارت عليك برحـــــاه

فالمرجلة فارس وفالعرضـة حصان
= ابن الكرام اللي كبيـــرا حمـــاها

من ربع في وقت المهمات شجعان
= قبيلةٍ للعز ربك عطاهــــا

ربعٍ لهم في قمة المجد مسكان
= مثل النجوم الواضحة في سماهـــا

أهل الكرم والجود ذربيـن الأيمان
= الصدق والنخوة مثبـت بناهـــا

ربعٍ لهم شيمة وقيمة وميدان
= مثل السباع اللي تدور عشاهــــا

روس العرب ينصون في كل الأزمان
= مثل الجبال الراسية في رساهــا

مع أطيب الأمنيات واسلم وسلم والسلام .

[ابن جراح الثاني]

انا ابن الاجرب

مابعد وصلت لهذي يامحمد حنا رصاص حزام ابو فارس وارقو سنود لو بالنفوس



اما الفلوس ماقصرنا انشاءالله وماعندنا الا حلاله


اما كلمتك يوم تقول لاتعتمدو على جمهور غيركم فهذا والله شفته بعيني في منتديات قبائل سعودية للاسف والله ماودهم انه يفوز مع اعترافهم انه يستحق لاكن من الغبن اعوذبالله


اكرر على كلام محمد ربعي ياربعي

الدراهم ماهي باغلى من ناصر

[الجوال550]

كفووو والله يبيض وجهك
انشهد انك ما قصرت
واتمنى الكل يكون عندهم مثل حماستك وحميتك
والربع انشالله فيهم الخير والبركه
شدوا حزامكم يا بني عمي ولا تخلون ولدكم الشاعر الكبير(ناصر الفراعنه)

ابوفارس,,,يستاهل

جــــــــاريـــــــــ الـتصـويـــت,,,

[النفل]

التعاون وتجار هم من يحلون المشكلة

[الخثلان السبيعي]

ترانا نعين ونعاون ..

ولاحنى مقصرين بأذن الله ..

>> لاخلى ولا عدم يالااااااااااااااااااااااااااااااااااااااااابتي .. .

[محمد الفراعنه]

ربعٍ لهم في قمة المجد مسكان
= مثل النجوم الواضحة في سماهـــا

أهل الكرم والجود ذربيـن الأيمان
= الصدق والنخوة مثبـت بناهـــا



.

اي والله هل الكرم والجود ذربين الأيمان والصدق والنخوه

واليوم من اوقاتها واثباتها فوز على كل الجزيره العربيه

خيال الغلباء ليس غريب عليك النخوه والكرم فأنت من اهله واهلا" له

دمتم ؛

[سبيعي من الهضوب]

تكفون صوتوا لناصر لشعرة وللاخلاقة ولقبيلتكم ولوطنكم

[سعد الجبري]

لاهاان المطيري ولاعليهم زود وقصيده جزله
ومشكوووووووووووووووووووووووووووووووووووووووووووووو ووووووووووووووووووووووور

[عبيد ابو شيبه]

باقي كم يوم ونحمل البيرق

ناصر سوى الي عليه والباقي علينا

الفوز بيديكم والبيرق تاخذونه

لاتقصرون


لا تتكلون


لا تقولون جماهير ناصر كثيره وبتصوت الدعو عودت حمايا

تكفون يسبيع لابتي

اليوم يومكم لونها فزعه بعماركم وانفسكم ما قصرتم لكنها الحمد لله عوافي تفزع وأنت على مركاك


شدو حيلكم البيرق يرفرف وشاعرنا يجمل

ابشر بعزك يامحمد وهذا يوم الوقفه مع ابو فارس الي بيض الوجيه

وناصر غالي والطلب رخيص كلها رسايل زهيدة يستعيب الانسان على نفسه

ذكر تكلفتها والتصويت مستمر وعسا الله يجملنا من ابو فارس

وفاله التوفيق والبيرق

[ابن جعوان]

انشاءالله نكون عند حسن ضن ابو فارس
والجميع واشكرك على الموضوع
تقبل مروري لاهنت