أكبر دليل على كذبة جمرة الغليون

[جمال هذيل]

أكبر كذبة مجموعة نتائج التصويت.


الشبرمي=62-42=التصويت= 20
الكعبي=54-44= التصويت= 10
اليماني=52-41= التصويت= 11
السفياني=50-43=التصويت= 7
الفراعنة=48-46= التصويت= 2


أسألكم بالله, تنبلع هذه النتيجة؟؟؟

ولنفترض جدلا أن قطر دعمت مرشحها من خلال اطلاق شركة الاتصالات القطرية لرسائل مبرمجة, آلاف الرسائل كل ثانية . فهل يعقل أن اليمن وهي الدولة الفقيرة يتعدى نسبة تصويتها,كل دول الخليج؟

طيب تعالوا شوفوا الكذبة من جهة ثانية,يقولون السبب ان تصويت السعوديين تشتت بين السفياني والفراعنة,ولو كان مركز على واحد لفاز,طيب خلونا نتبرع للسفياني بنقطتين ناصر,كم يصيرنقاط السفياني=2+7=9يعني برضه لازال السعوديين اقل نسبة تصويت.وهم اغنى دول الخليج, وأكثرهم سكانا.


يعني كل جمهور ناصر العريض داخل المملكة وخارجها,ماجاء تصويتهم إلا اثنين فقط.ياربي لك الحمد.

عزالله لو هي كذبة ابريل مااحد صدقها.

بالله هذا ماهو اكبر دليل على تزوير النتايج وخداع الناس, واستنزاف جيوبهم.ولكن الشرهة علينا كان صوتنا مرة ثانية.

[أحمد السبيعي]

حياك الله يا جمال هذيل

والله انك صادق لو هي كذبة ابريل مااحد صدقها.

يعني كل جمهور ناصر العريض داخل المملكة وخارجها,ماجاء تصويتهم إلا اثنين بالميه

نقول حسبنا الله ونعم الوكيل

وتقبل مروري

[نواااف]

شررررح يخلي الي يكرهـ الفراااعنه ينقهر


بيض الله وجهك

[موطن الأزهار]

اللي يقولون ان نسبة التصويت من السعودية تشتت بين

ناصر والثقفي خلهم يتذكرون ان السنة اللي فاتت

كان فيه 3 سعوديين في الحلقة الختامية ومع ذلك فازوا 2 بالمركز الثاني والثالث

ليش ماتشتت التصويت السنة اللي طافت ؟


واضح انها لعبة قذرة ومكشوفة وعلى عينك ياتاجر

[عقاب الثوري]

الله ينتقم منهم الانجاس

[الصمله السبيعي]

لا للاستياء فما حدث دليل على علو كعبنا لذلك يحاولون ويجتهدون لينزل كبريائنا ولكن هيهات فمن حفر حفرة لاخيه وقع فيها فهاهم قد انخفضت مكانتهم فوق انخفاضها فلله درك يا سبيع

[ابن جعوان]

مستحيل ان يعقل هذا الكلام تقبل مروري لاهنت

[جمال هذيل]

أحمد السبيعي
نواف
موطن الأزهار
عقاب الثوري
الصملة السبيعي
ابن جعوان


من قلبي اشكر مروركم وتفاعلكم

والله اللي صار شيء لايصدقه عقل ,ولايقبله ضمير فيه ذرة من الاحساس

خسارة كان نفسي خوال ابوي يسجلون اسمهم في أول رفع للبيرق باسم سبيع وشاعرهم ناصر المبدع العظيم


لكن مانقول غير حسبنا الله ونعم الوكيل...وحنا مقاطعينهم مقاطعينهم مافيها كلام

لكن هاه في وجهي السنة الجاية من تجي اللجنة الرياض غي تشوف السعوديين يتهافتون عليهم زي الجراد

ولو كان المريخي فيه وطنية, يعلن انسحابه ويتركهم,قبل لايستغنون عنه ويطردونه مثل المسعودي

[الفريدي الحربي]

لا يهمونك الحقد الدفين مالي قلوبهم على السعودية وشعرائها

[خيَّال الغلباء]

أخي الكريم / جمال هذيل السلام عليكم ورحمة الله وبركاته وبعد : لا يوجد دواء ناجع لشاعر جمرة الغليون إلا المقاطعة له ولجميع البرامج الربحية وهل لجنة دراويش الفلس مؤهلة لتقييم أبو فارس وشاعرنا بيض الله وجهه ما قصر وفاز في قلوب الملايين وعرى تجار الشعر الشعير وليس الشعور أمام الملاء وعلى الهوى مباشرة قال الشاعر :

لو كان شعري شعير
= لاستأنسته الحمير

لكن شعري شعور
= فهل للحمير شعور

وصدق من قال أن شاعرنا أكبر من البرنامج وأكبر من قدراته ولكن رب ضارة نافعة وهل كسوف المصفوق مؤهلا علما أو عقلا ليقيم فرعون الشعر وشاعر الثقلين والوطن الكبير المجدد / ناصر بن محمد بن فارس الفراعنة السبيعي وهل الأضعف يقيم الأقوى تلك إذا قسمة ضيزى ويكفي شاعرنا فخرا شهادة الأكاديميين مثل الدكتور / ناصر السعيدي الهذلي أستاذ النقد والدراسات البلاغية في جامعة أم القرى وفقه الله وحفظه وبعضا من فطاحلة الشعر في الجزيرة العربية وأولهم الشاعر الكبير / سعد بن جدلان الأكلبي وفقه الله وحفظه وعسى أن تكرهوا شيئا وهو خير لكم وقناة أبو ظبي كانت ترسل لنا إشعارا باستلام الرسائل ورسائل مساء اليوم الأخير لم نتلقى ذلك الإشعار والسبب أنه أمر قضي بليل فحسبنا الله ونعم الوكيل ولا حول ولا قوة إلا بالله ولا يحيق المكر السيئ إلا بأهله هذا وتقبل فائق الشكر والإمتنان مقرنا بجزيل المحبة والإحترام مع أطيب الأمنيات واسلم وسلم والسلام .

[الحميدي محمد الفراعنه]

ياخوان يكفي اراء الكل وقد اعطيناهم اكبر من حجمهكم



ولايشك في خيانتهم احد


لذلك ارى تركهم وتكفيكهم الايام



انكان السهوديين بالذات جادين


ولاهنتم

[جمال هذيل]

الفريدي الحربي:رأيي مثل رأيك


خيال الغلباء: كلامك بلسم,لكن القضية أكبر من صفوق وأكبر من اللجنة وأكبرمن محمد بن زايد بعد

فيه سر كبير ورى 2% ماجات إلا وهي مخطط لها من قبل,لكن الله ينصر أبو فارس

الظاهر صراحته زعلتهم عليه.

وصدقني رايح يجي يوم تنكشف فيه خيوط هذه المؤامرة


الحميدي محمد الفراعنة: ياخوي حنا مشتاقين..لكن خبرنا عن ناصر وين هو فيه هالحين؟؟

[ابو سعود 99]

شكراً لك ياجمال هذيل على احساسك وتفاعلك مع شاعرنا الكبير وانت من أهل الشعر الحقيقي قبيلة هذيل العريقه وهم خير من يقيمون الشعراء وبالنسبة لما حصل فهو كذب وخيانة للذمم ولكن لانملك الاقول حسبنا الله ونعم الوكيل 0