قصيدة لشاعر (خليل العتيبي) على مهزلة شاعر المليون

[باسلل]

يابنت يالي بالدلع والغناجة
قولي لهم من يتبع ابليس ملعون

الشعر كسرتوه كسر الزجاجة
وصرتوا على كسر الخواطر تهيمون

شعارنا مالهم بأبو ظبي حاجة
حنا ربحنا وأنتم اللي تخسرون

وش علم ابو خالد معكر مزاجة
وش علمكم قمتوا علينا تكيلون

جانا ابو خالد معكف حجاجة
وبانت نواياكم وما كان تخفون

ياربعنا هذي تراها هماجة
عن شاعر الملعون لازم تتوبون

يوم ان ولد الّلاش يضوي سراجة
ناصركما نجم سطع عالي الكون

وناصر كما حر عديم زراجة
صيدة من الجزلات وانتم تشوفون

جيتوه في حيلة وغدر وسماجة
اصيل ولا ظن الأصايل يخيبون

واللجنة اللي تحتكم بالسذاجة
حمد وبدر صفوق صاروا يحكمون

وش جابهم للشعر وأعذب مراجة
ودك تسرحهم مع الشاة يرعون

والبيرق اللي طار وسط العجاجة
خله يابو فارس مع اللي يطيرون

الحب ينثر تلتقفه الدجاجة
والا انت يا الحر القطامي فلا تهون

وصلوا على اللي بالسماء انعراجة
اعداد منهم بالمساجد يصلون

الشاعر خليل العتيبي

[خيَّال الغلباء]

أخي الكريم / باسل السلام عليكم ورحمة الله وبركاته وبعد : شكرا جزيلا لك على هذه القصيدة وصح لسان الشاعر / خليل العتيبي وسلم نبضه وبنانه وإعتلا شأنه على قول الحق في تكسير الشعر مثل تكسير الزجاج ولا هان الشاعر في قوله :

وناصر كما حر عديم زراجة
= صيدة من الجزلات وانتم تشوفون

جيتوه في حيلة وغدر وسماجة
= أصيل ولا ظن الأصايل يخيبون

واللجنة اللي تحتكم بالسذاجة
= حمد وبدر صفوق صاروا يحكمون

وش جابهم للشعر وأعذب مراجة
= ودك تسرحهم مع الشاة يرعون

والبيرق اللي طار وسط العجاجة
= خله يا أبو فارس مع اللي يطيرون

الحب ينثر تلتقفه الدجاجة
= وإلا أنت يا الحر القطامي فلا تهون

ولا يعرف الحر إلا حر مثله هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .

[صقرعابر]

وناصر كما حر عديم زراجة
صيدة من الجزلات وانتم تشوفون .صح لسانك ويعطك الف عافية

[أبو سطام]

واللجنة اللي تحتكم بالسذاجة
حمد وبدر صفوق صاروا يحكمون



ايه والله انا اشهد انك صدقت بكل بيت


جعلك حي وسالم ...وصح لسانك ولاهنت

[عبدالله اليوسف]

لأخ العزيز / باسل

صح لسان الشاعر وانت بيض الله وجهك على هذه المشاركه الرائعه

["فهد البكران"]

صح لسانه .. وسلم بنانه ..

[الراس]

صح لسان قايلها وناقلها
تقبل مروري اخوك