الشاعر هو الحكم

[ابوفرح]

السلام عليكم ورحمة الله وبركاته

جميع الأخوة الشعراء

هذي قصيدة اخرى من محاولاتي راغباً رأيكم وبكل أمانة

العنوان ( تشوف مقامك )


ياغالي لاتامن الدنيــــــــا و اهلـــــــــــها = من عــــــــاش فيها شــاف بلاويهــــــــــــا
دنيا ماهي عليــــــــا نطمع في معاليها = والعلوا في طاعة الله ورضى باريهــــــــا
للنــــــــاس اطباع تشيب جاهلـــــــــــها = والايام تكشف زيف الأصحاب وخافيهــــــا
بالرخا خلان واصحــــــــاب تماشـــــــيها = وبالشدايد وحيد والنوم عينك مجافيهــــا
احذر من صديق وقت اليسر يسليهـا = ويوم المواجب ينسى عشرتك ويخليهــا
انا كنت مع الناس راس واباهيهـــــــــا = وقدري عندهم عالي وفوق مبانيهــــــــا
و اليوم بعد المناصب صرت من ماضيها = حتى اقرب الناس مايسقيك من صافيها
هذي نصيحة وتجربة من عاش فيهـــــا = وصلاتي على نبينا محمد اولها وتاليهـــا

[بادي]

القافية ليه وحده!!!

[خالد الشماسي]

هلا ابو فرح


قافية ( اهلها ) ليست مثل ( عاش فيها )




حتى وان تشابهت الحروف



فانت خلطت الشطر الأول



كما ان الوزن لديك يحتاج اعادة ترصيص



حاول أن تبدأ بحفظ القصيد الجزل قبل نظمه


تحياتي لك

[ابوفرح]

أشكرك أستاذ خالد الشماسي على هذا التوجيه الكريم وفقك الله بس كنت اتمنى تذكر ان كان هناك شيء من الأبيات مقبول كشعر حتى استمر أو اصرف نظر مع تحياتي للجميع