محاورة نهاية الإسبوع

[مشعاب]

يقولون النشامى هد يا مشعاب في السرعه=ترانا تونا نمشى وموتر حضرتك طاير
وانا اقول الشعر ماهوب تنقيزن على الترعه=يبي سواق ماهوب يتعلم لفة التاير

[المسالم]

[

الأخ مشعاب
السلام عليكم ورحمة الله وبركاته
انه ليسعدني ان ارد عليك بهذه البيتين
بعدماطال صمت الشعراء وانا لست بشاعر
تحياتي /المسالم

ترفق لاتعجل منت في تغريس واطلعه= تبي تلحق مرادك دام بالأقدام له ساير
انا اقول الركاده طيبه والبيع بالسلعه=لياطبيت في سوق الخياراختار واخاير

[مشعاب]

هلا بك يالمسالم وأنت مالك في البلد زرعه= ولكن رمعتك وصلت ودار الوقت يا داير
نبي نمزح ولكنا نخاف انزود الجرعه= ترى قبلك رياجيل ذبحهم دمي الفاير

[المسالم]

الاوابك البقا وانت الإمام اللي لبس درعه=تقدمنا مدام ان الذيابه مالهاساير
تفضل وانته العارف وصل الفرض والجمعه=لنا رب يحمانا من شرورالناس والجاير

[عيسى السبيعي]

الله الله الله
مشعاب والمسالم

[عيسى السبيعي]

الصفوف يالعيال

[مشعاب]

نبي نحارب غداة الصبح راع البيت والفرعه=وكانك معي جهز بندقك واطلع مع الداير
ولا تخمع ليا جات السيوف وبانت القرعه=تشيب العين من ضرب القنا ويهون الزاير

[خالد الشماسي]

المسالم مشعاب تسجيل اعجاب

مشعاب تحارب ولا ما تحارب


موعدك بكره

[السيف]

لا هنتوا يا مشعاب انت والمسالم

طاروق ممتاز والله يقويكم

سجلوا اعجابي للغايه

[المسالم]

تقدم يازعيم الجيش بكره وازهل السنعه=سريعين الندب لاجاءاللزوم نوطي الطاير
خذيت السيف والمحزم ومعي البندق الصمعه=نشب النار مالقبس المسمى في قفى الباير

[/poet][/poet]

الأخ مشعاب اسعدني اللعب معك وان لست شاعر واتمنىلك التوفيق والنجاح فالدنيا والأخره 0
والأن منرخصتك واسمحلي بمغادرة المحاوره

[مشعاب]

لا هنت يالمسالم وهذا الدرس الأول ولا تنسى ترى عندك كل اسبو ع درس

طاروقك ابداع ولك مستقبل واعد

[عيسى السبيعي]

الأخ مشعاب والأ خ المسالم

اتحفتونا بالمحاوره الطيبه والجميله وننتظر منكم المزيد فالقادم من الأيام

تحياتي /الواسطه

[المسالم]

الواسطه
ابوعمر
السيف

مشكووورين على المتابعه والتشجيع
اسعدني وجودكم معنا