المساعد الشخصي الرقمي

مشاهدة النسخة كاملة : يابو فهد ياطويق واحد يالصقور-------يقول يامشعاب

المعتزي
08 - 11 - 2003, 07:25
مع التحيه للجميع

يابو فهد ياطويق واحد يالصقور =يقول يامشعاب _والساري سراء
نبا رحاها فوق حبتها تدور =ويصدر الطلاب_والساري سراء
مشعاب
09 - 11 - 2003, 19:05
المعتزي اقترح عليك ان تقوم بحذف موضوعك هذا :p

السبب انك ذكرت اسم مشعاب فيه واسم مشعاب ما احد يقدر يسبه ولا احد يقدر يقول كلمة واسمه موجود :mad:


واتحدى ان واحد منهم يرد عليك :cool:
المعتزي
10 - 11 - 2003, 01:59
مشعاب

جاك الموت ياتارك الصلاة

واحد منهم رايح يلعب معك لامحاله وان كان خافو قبيلك المعتزي


تحياتي
مشعاب
10 - 11 - 2003, 04:36
لكن وينهم

الظاهر انهم خافو
المعتزي
10 - 11 - 2003, 06:07
الان يامشعاب

وردني رساله من واحد منهم يقول انا مستعد


واصلك الخير
طويق
11 - 11 - 2003, 16:39
الله ولا دور(ن) تحسبه لي دور **** بعض المواقف عاب ..والساري سرى
العلة اللي قال انا بندر سرور **** مارد حتى الباب .. والساري سرى
المعتزي
12 - 11 - 2003, 01:38
طويق
وينك مشعاب يتحدانا له يام

لاهنت ماوصيك

---------------------------

مشعاب

ماعاد الك عذر شد حيلك ويالله
طويق
12 - 11 - 2003, 02:32
مع احترامي الشديد لمن سمى نفسه مؤخرا مشعاب فالمحاورة بيني وبينك وليست بيني وبين مشعاب وعادتي احترام الجميع فليس من شيمتي أن أصف الرجال بمصطلح (الشرود) يعني (الخائف) أو أن أنتقص غيري من أهل المنتدى فأنا رديت لمجاراتك لا من أجل أن أبرز نفسي بمن يتحدى جميع الناس هنا .
المعتزي
12 - 11 - 2003, 02:46
اخي طويق

اخينا مشعاب ترا قصده يمزح ويحمسكم على المحاوره

والرد جايك
المعتزي
12 - 11 - 2003, 02:58
استلم ياطويق لاهنت


عد الروى ما هو ثمـــيله مايبور000 ليا جا حزم كلاب_والساري سراء

انا لها حــــاضر ومن غاب معذور000يازيد جاك ذياب_والساري سراء
مشعاب
12 - 11 - 2003, 04:26
المعتزي طويق طاروق لامن قريته قمت اتخيل مطلق وصياف
عيسى السبيعي
12 - 11 - 2003, 06:35
الله الله
المعتزي وطويق
عيسى السبيعي
12 - 11 - 2003, 06:37
الصفوف يالعيال
عيسى السبيعي
12 - 11 - 2003, 06:53
جوكم العيال
شوي شوي
عشره يقومون وعشره يجلسون
طويق
13 - 11 - 2003, 04:18
القافلة تمشي رغم كيد الغيور **** مغير غوش ذباب . والساري سرى
إن كان جاملنا دبور في دبور **** كلاب(ن)عليها ثياب . والساري سرى
المعتزي
14 - 11 - 2003, 01:47
استلم لاهنت

لاتظهر الاسرار من وسط الصدور000خـــلك لها حساب_والساري سرى

نبا نعبر البر وانعبر البـــحور000 ماهو على القلاب _والساري سرى
طويق
16 - 11 - 2003, 21:08
الثور يبقى مع مرور الوقت ثور **** النار من شباب . والساري سرى

ماكل اشارة عندها جندي مرور*** لاتغرك الاشناب . والساري سرى
المعتزي
17 - 11 - 2003, 02:11
يكفي على المكتوب رمزٍ للسطور 000يامورد الهياب_ والساري سرى

موترك عــــــجه يالدريول لايثور000ثم تزعل الركاب_والساري سرى
طويق
17 - 11 - 2003, 21:31
اضحك على اللي يعتزي باخته بدور **** كل الرموز اصحاب . والساري سرى
باقي علي القمه حفنة سحــــــــــور**** كيلو ونص تراب . والساري سرى
المعتزي
18 - 11 - 2003, 03:20
مقصودنا نقــطف من الورد الزهور---الكيف اله شراب_والساري سرى

اليا متى في زاويه وانت محصور---نبا طرب وعجاب_والساري سرى
طويق
19 - 11 - 2003, 04:31
ياطيبها من زاوية وانت معذور **** تبى صهر وانساب .والساري سرى
الخوف لاترجع لنا وانت مغرور**** خلف واخوه حجاب.والساري سرى
المعتزي
19 - 11 - 2003, 05:21
]ياطيبها مابين وافين الشبور---والكل ما يرتاب_والساري سرى

ما طفت بالبيت الحرام بلا طهور_السيف للارقاب_ والساري سرى
طويق
20 - 11 - 2003, 04:43
حسن الختام المسك والكادي يدور **** أصحاب والا اجناب . والساري سرى
الجاهل اللي لاصيام ولا فطور **** يامال سم الداب . والساري سرى

************************************************** ************************************************** ***************
أشكرك أخي المعتزي على هذه المحاورة وإلى أن نلتقي مع شرواك من الرجال وأرجو منك أن تأخذ بقول الشاعر:

إن سبني نذل تزايدت رفعة **** وما العيب إلا أن أكون مساببه
عابر القارات
20 - 11 - 2003, 04:53
لاهنتوا

يالمعتزي وياطويق

على هذا الطاروق الطيب


تحيات فيصل
المعتزي
20 - 11 - 2003, 07:36
اخي العزيز
طويق

صح لسانك والاهنت

والقد استفدت من العب معك --

وارجو ان تاخذ بقول الشاعر الامير0عبيد العلي بن الرشيد00

----------------
مايستشك ياحسين غير الرديين------والا ترا الطيب وسيعٍ بطانه


لك مني اطيب التحايا

اخوك المعتزي بالله
طويق
21 - 11 - 2003, 19:27
أولا أشكر الأخ عابر القارات على المرور .
ــــــــــــــــــــــــــــــــــــــــــــــــــ ـــــــــ

أخي المعتزي : ألم تر أناس طرطعوا من هذه الردية وقاموا يعبرون عن ما في نفوسهم في موضوع آخر لا وأبشرك بدوا يهرجون أنفسهم إنا لله وإنا إليه راجعون .......... أول كانوا يتخيلون ......والآن يهرجون أنفسهم

الغيظ وما أدراك ما الغيظ القلوب السود والعيون العور واجد نسأل الله العافية

المطر تأخر ...... والأرض أجدبت

من فعل هذا وأشكاله




تقبلوا فائق تحياتي