صقارة سبيع الغلباء الأولين والتالين دعوه للمشاركه

[ذيب الجبور]

"



"



"



الأخوه أعضاء منتديات سبيع الغلباء
السلام عليكم ورححمة الله وبركاته


نود
من
الجميع
التفضل
بالمشاركه
بتدوين
جميع
صقارة
قبيلة
سبيع
الأوليين
والتالين
لحفظ
ذلك
كتراث
لأبناء
قبيلة
سبيع
القادم
ولا
هان
الجميع

,,,,,,,,,,,

تحاياي
العذبه
للجميع

[الهداد]

الأخ العزيز ذيب الجبور هذا شاعر من أبناء ال زامل من أهل عنيزة وهو عبدالله العلي المنصور الزامل 1333هـ - 1407هـ


وهذي إحدى قصايده والتي يذكر فيها المقناص

[ذيب الجبور]

الأخ العزيز ذيب الجبور هذا شاعر من أبناء ال زامل من أهل عنيزة وهو عبدالله العلي المنصور الزامل 1333هـ - 1407هـ


وهذي إحدى قصايده والتي يذكر فيها المقناص


هلا بك الهداد
هل هو صقار ؟؟؟

اذا كان صقار سؤدونه من الآن


بإنتظار إفادات لأخوه الكرام حول الموضوع

[عين الصحافة]

شكرا ياذيب الجبور


وهذا الموضوع سوف يكون توثيقى فى المنتدى 0


اشكر لك جهودك الرائعه 0


تقبل تحياتى 0

[الهداد]

منقووووووووول

قصيدة عبدالله العلي المنصور الزامل 1333هـ ـ 1407هـ

قال الذي هيّضـه شوقـه لأوطانـه
يا ما حلا البادية وأجمـل مراعيهـا
يالله عساهـا لنـوٍّ صيّـب أمزانـه
اللي على الباديـة بالغيـث يسقيهـا
إلى اخضرت الأرض وازدانت بغدرانه
تلقى الطبيعـة تجلـت فـي معانيهـا
ريضـانٍ أزهارهـا بعطـور خنّانـه
لكنّـه المسـك والعنبـر تشاديـهـا
وإن هبّت الريح فالأشجار وأغصانـه
كنّـه مزاميـر بالحانـه تشاديـهـا
والطير باعلى الشجر غـرد بألحانـه
والماي ينساب يجري فـي مجاريهـا
تلقى المواشي حيامٍ فـوق حيضانـه
رعيانها من قـراح المـاي تسقيهـا
ذي عادة للعرب من سابـق أزمانـه
إكرامهم ضيفهـم والجـار تحميهـا
صيد الحباري وأيضا صيـد غزلانـه
وأرانـبٍ كثرهـا محـدٍ بيحصيـهـا
لا قمت أبقنص معي حـرٍّ وشيهانـه
وبندقٍ رميهـا مـن عيـن راميهـا
مسلوبةٍ والغنـا فـي راس علمانـه
خسران من باعها ربحـان شاريهـا
نقّالها فـارسٍ مـا ترمـش أعيانـه
في حزّة الضيق ما تخطـي مراميهـا
يفرح بها القرم إلى سيّر مع إخوانـه
وإن كان زاد الثمن ماهوب مصخيهـا
هذي حياة البدو هـذي هـي ألوانـه
لا هـمّ لا غـمّ كـلٍّ مهتنـي فيهـا
إلى حصل مثل هـذا طـاب مسكانـه
مابي جميع المـدن واللـي حواليهـا

[الحميدي محمد الفراعنه]

الله يعطيك العافية على الموضوع الرائع

[ذيب الجبور]

يالربع سؤالو شيبانكم قبل لا الله ياخذ أمانته ويتوفاهم , خذوا ((( علوم سبيع كلها )))
لكي ندونها ونوثقها بالمنتدى لأجيال سبيع الآتيه ...


وجود الشيبان فرصه كبيره جدا لإستثمارها وأخذ (( تاريخ سبيع الأصيل من المنبع ))) وليس من مؤرخين
مصريين وشاميين ومغاربه لا يعرفون عن تراث الجزيره الا بالسماع ’’’

[الهداد]

هلا بك ذيب الجبور



بالنسبة لسؤالك : هل هو صقار؟

الجواب : لا أعلم ، ولا أعرف الشاعر ، بل توافق تصفحي للموضوعين بنفس الوقت ونقلته لك للفائدة.

وأهل القصيم أكثر قنصهم بارود كما هو معروف

لكن فيهم صقاقير مشهورين على مستوى المملكة بل الخليج.




تحياتي لك على الموضوع الحميل.


وننتظر تفاعل الربع.

[دقيق]

الأخ العزيز ذيب الجبور هذا شاعر من أبناء ال زامل من أهل عنيزة وهو عبدالله العلي المنصور الزامل 1333هـ - 1407هـ


وهذي إحدى قصايده والتي يذكر فيها المقناص



الاخ العزيز الهدد السلام عليكم ورحمة الله

اللي اعرفه ان الشاعر المذكور مهب من الزامل السبعان بل من الهديان اللي تسموا قريبا باسم احد اجدادهم زامل وهم ليسوا من سبيع ومهب من قبيلة اصلا ونعم فيهم اخوان لنا في الدين

و بعد يوجد اسرة صاروا يسمون الزامل وهم الصغير ويقالهم الزامل الصغير وهم حمايل ويرجعون عجمان

للتوضيح يا خلف الطيور والهدد

وبالنسبة لاهل الطيور فيوجد من شباب الاسرة عدد من الهواة ولا ياصلون انهم يكونون صقاقير منهم من المنصور والسليم والزامل..
وقد صادفت مجموعة منهم عند الشيخ الامير محمد الحمد السليم راع البل المغاتير اللي على جال الرمة وهالكلام مبطي ..

اغدين اشوفك باجتماع الاسرة.. راسلن على الخاص